ԼՈՒՐԵՐ: Իրադարձություններ Հայաստանում
Գիտաժողով Հայաստանում. «Լյարդի ոչ ալկոհոլային ճարպային հիվանդությունը 21-րդ դարի ոչ վարակիչ համաճարակ»
2022 թ. հոկտեմբերի 06-08-ը Երևանի «Էլիտ Պլազա» բիզնես կենտրոնում կայացավ «ԼՈԱՃ/ՈԱՍՀ XXI դարի ոչ վարակիչ համաճարակ» APASL թեմատիկ գիտաժողովը:
Միջոցառումը նվիրված էր արդիական կարևոր խնդրի՝ լյարդի ոչ ալկոհոլային ճարպային հիվանդությանը (լյարդի մետաբոլիկ ասոցացված ճարպային հիվանդություն ԼՈԱՃՀ/ԼՄԱՃՀ (NAFLD/MAFLD)՝ 21րդ դարի ոչ վարակիչ համաճարակներից մեկին:
Ներկայում աշխարհի ազգաբնակչության 25-30 տոկոսն արդեն տառապում է այս հիվանդւթյամբ, բայց դեռևս չկա սպեցիֆիկ բուժում: Հուսանք, որ նմանատիպ հարթակների ստեղծումը և միջազգային փորձագետների ընդհանուր քննարկումները կնպաստեն խնդրի լուծմանը:
Գիտաժողովի մասնակցում էին 500-ից ավելի բժիշկներ` մեր երկրի լյարդաբան-բժիշկները, տարբեր մասնագետներ, հյուրեր` 22 երկրի հայտնի բժշկական կենտրոններից, որոնք արդեն մեծ ներդրում ունեն լյարդաբանության ոլորտում: Զեկույցներով հանդես եկան 22 միջազգային և մեր հայրենակիցներից` 20 բանախոս, ովքեր կիսվեցին իրենց առաջատար փորձով ու հմտություններով:
Բացման խոսքով հանդես եկավ «Նիկոմեդ» ԲԿ-ի տնօրեն, Հայաստանի հեպատոլոգիական ասոցիացիայի նախագահ, բ.գ.թ. Հասմիկ Ղազինյանը:
«Հայկական լյարդաբանական ասոցիացիան ստեղծվել է 2007 թվականին, և այս տարի նշելու ենք 15-ամյակը: Լյարդաբանական ասոցիացիայի գործունեության հիմնական նպատակը մեր երկրում լյարդաբանության զարգացումն է, շարունակական կրթական գործունեության խթանումը, բոլոր շահառու կառույցների հետ համագործակցությունը երկրի ներսում և արտերկրում:
Այս գործունեության մեջ կարևոր է նաև միջոցառումների կազմակերպումը. 15 տարիների ընթացքում ասոցիացիան կազմակերպել է 6 միջազգային գիտաժողով, որոնցից 2-ն անդրկովկասյան`Թբիլիսիում:
Կարևորված էր նաև Լյարդի հիվանդությունների հետազոտությունների ասիական միջազգային ասոցիացիայի նախաձեռնությամբ կազմակերպված միջազգային գիտաժողովը` մեր երկրում:
Միջազգային ասոցիացիայի նախաձեռնությամբ սա թվով երկրորդ միջազգային գիտաժողովն է:
Այս գիտաժողովը նվիրված էր լյարդի ոչ վարակիչ համաճարակին, այսինքն, լյարդի ոչ ալկոհոլային ճարպային հիվանդությանը, ինչը բավականին լուրջ խնդիր է՝ տնտեսական, առողջական ծանր բեռով և խիստ տարածվածությամբ:
Աշխատել ենք մեր երիտասարդ կադրերի միջոցով ներկայացնել նշյալ մարտահրավերը մեր երկրում, միջազգային ասպարեզում, և համագործակցություն սկսել արդեն հայտնի կառույցների հետ:
2030 թվականը պետք է լինի առանց հեպատիտների ժամանակաշրջան, քանի որ ներկայում լյարդաբանության ոլորտում վիրուսային հեպատիտները բուժելի են և կառավարելի:
Սակայն բժշկության մեջ նույնպեպ վակուում չի առաջանում. նոր մարտահրավերը ճարպակալումն է: Ցավոք, մեր երկրում նույնպես դա բավականին տարածված է, և ընդգրկում է անգամ մանկական հասակը՝ մինչև 10 տոկոս ընդգրկվածությամբ:
Դա է պատճառը, որ լուրջ միջազգային քննարկման հերթական հարթակը մեր երկիրն է: Մենք ներկայացնում ենք մեր ասելիքը, վերցնում ուրիշների փորձը, և այն հարմարեցնում մեր երկրին:
Գիտաժողովի նպատակն էր՝ տալ այն, ինչի կարիքն ունի մեր բժշկական հասարակությունը, այս հիվանդությամբ տառապող պացիենտը: Հեպատիտ C-ն համարում էինք «քնքուշ մարդասպան», իսկ այս հիվանդությունը «լռակյաց մարդասպան» է. մարտահրավերը պետք է ընդունել և դիմակայել:
Զեկույցով հանդես եկավ Ֆրանսիայի Պաստոր ինստիտուտի Միջուկային վերահսկման և օնկոգենեզի բաժնի ղեկավար, կենսաբան Պասկալ Պինեոն
Լյարդի ոչ ալկոհոլային ճարպային հիվանդությունը մեծ մարտահրավեր է, և աշխարհում նոր բարձրացող ալիք է: Իրականում դա կապված է մարդկանց վարքագծի հետ, թե ինչպես են նրանք ապրում և ինչ են ուտում: Այդ պատճառով է հիվանդության առաջացումն ու զարգացումը դժվար վերահսկելի է:
Կարծում եմ, որ սրա վերահսկումն ավելի դժվար է, քան վիրուսային վարակների բռնկումները:
Այս հիվանդության պարագայում կանխարգելիչ միջոցառումներն այդքան էլ շատ չեն: Օրինակ, Ֆրանսիայում այս ոլորտը ամենամտահոգիչներից չէ: Մարդիկ այդքան էլ իրազեկված չեն խնդրին, խոսքը բնակիչների մասին է և չի տարածվում բժիշկների վրա: Սովորական մարդիկ անտեղյակ են:
Մեզ հետ զրույցում հիվանդության մասին իր կարծիքը հայտնեց Լոս Անջելեսի (ԱՄՆ) Քեկի հիվանդանոցի լյարդաբան Սարո Խեմիչյանը:
Լյարդի ոչ ալկոհոլային ճարպային հիվանդությունը Ամերիկայում ևս լուրջ խնդիր է: Այս հիվանդությունը ներկայում լյարդի ցիռոզի, հետևաբար նաև` լյարդի տրանսպլանտացիայի, ամենամեծ պատճառներից է: Դեղորայքի տեսակետից դեռևս 100 տոկոսով ոչինչ պաշտոնապես ընդունված չէ, չնայած շատ աշխատանքներ են տարվում այդ ուղղությամբ:
Բուժման մեջ կարևոր դեր ունեն առողջ ապրելակերպը, խոլեսթերինի մակարդակի իջեցումը, ճիշտ սննդակարգը, քաշի թեկուզ 10 տոկոսով նվազեցումը, հիվանդի խնամքը: Ընդհանրապես, լյարդի ոչ ալկոհոլային ճարպային հիվանդություն ունեցող մարդիկ ունենում են նաև դիաբետիկ խնդիրներ, և եթե դիաբետը լավ վերահսկվի, դա կօգնի պացիենտին:
Կանխարգելիչ միջոցառումները պետք է սկսել վաղ տարիքից, քանի որ հիվանդությունը սպառնում է անգամ երեխաներին, և, ըստ վիճակագրության, տարեցտարի այդ տարիքային խմբում առավել հաճախ է հանդիպում:
Սա մեծ խնդիր է, և ցանկալի է, որ ներկայացվի դպրոցներում, ամենուր, որքան շատ մարդ տեղեկանա այդ մասին, այնքան դյուրին կլինի կանխարգել հիվանդությունը: Պետք է հետևել առողջ ապրելակերպին, սննդին, մարզվել:
Իմ ներկայացված թեման վերաբերում էր ֆարմակոլոգիային: Ներկայում ԱՄՆ-ում հետազոտությունների հիման վրա ստեղծվել են ուղեցույցներ, որոնք Հայաստանում ևս կարող են ներդրվել: Այդ ուղղությամբ տարվում են աշխատանքներր:
ԵՊԲՀ Գաստրոէնտերոլոգիայի և հեպատոլոգիայի ամբիոն՝ ավագ դասախոս Մանիկ Գեմիլյանը մեզ հետ զրույցում խոսեց հատկապես հիվանդության առաջացման, կանխարգելիչ միջոցառումների և բուժման մասին:
Լյարդի մետաբոլիկ ճարպային հիվանդությունը լյարդի ամենատարածված հիվանդություններից է: Ըստ վիճակագրության, հիվանդությունն առկա է աշխարհի բնակչության 25 տոկոսի մոտ, սակայն ոչ բոլոր դեպքերում է վերածվում լյարդի ցիռոզի: Դրան նպաստող գործոնները դեռևս ուսումնասիրվում են:
Պարզվել է, որ հիվանդության զարգացումը կապված է նյութափոխանակության խանգարման հետ և, առաջին հերթին, ինսուլինի հանդեպ կայունության հետ: Ուստի քննարկվում է անվանափոխել ախտաբանությունը որպես լյարդի մետաբոլիկ ասոցացված ճարպային հիվանդություն:
Առայժմ գտնված չեն բավականին արդյունավետ դեղեր, բայց, քանի որ շատ ակտիվ են ընթանում հետազոտությունները, հնարավոր է մի քանի տարի անց դեղորայքային զինանոցում ունենանք միջոցներ, որոնք կնշանակվեն այս հիվանդներին:
Ներկայում խնդրի կանխարգելման հիմնական միջոցը քաշի նվազեցումն է: Քննարկվում են այն մեխանիզմները, որոնք բացահայտվում են գիտական հետազոտություներով, թե ինչպես է զարգանում ճարպի կուտակումը, ինչպես է հետագայում վերածվում ցիռոզի, ինչ ախտորոշման միջոցներ կան, որոնք թույլ կտան խուսափել, օրինակ` լյարդի բիոպսիայից, վաղ հայտնաբերել լյարդի վերափոխումը ցիռոզի:
Հասկանալով առաջացման մեխանիզմները, հնարավոր է նախանշել դրանց վրա ազդեցության դեղորայքային ուղիները:
Հիվանդությունից խուսափելու համար պետք է հետևել առողջ ապրելակերպին, քաշին, խուսափել արագ սննդից, մեծ քանակությամբ շաքար պարունակող գազավորված ըմպելիքից, քաղցրավենիքից և այլն, զբաղվել մարմնամարզությամբ, խուսափել ալկոհոլի օգտագործումից:
Զրուցեցինք նաև «Վիոլետա» բժշկական կենտրոնի հիմնադիր-տնօրեն, գլխավոր բժիշկ, վարակաբան, լյարդաբան, բ.գ.թ. Վիոլետա Սարգսյանի հետ:
Երկար սպասված գիտաժողով էր՝ այն նախատեսված էր անցկացնել 2 տարի առաջ, բայց մեր երկրում և աշխարհում ստեղծված դժվարին իրավիճակների հաղթահարումից հետո միայն հիմա հնարավոր դարձավ իրականացնել:
Նախկինում լյարդի ճարպային հիվանդությանը բավարար ուշադրություն չի դարձվել: Ներկայում այն շատ կարևորվում է տարածվածության, երբեմն ծանր ընթացքի և առաջացրած բարդությունների, ինչպես նաև բոլոր տարիքների ներգրավվածության պատճառով: Այն կարող է առաջացնել կյանքի համար վտանգավոր բադություններ, ինչպես, օրինակ` լյարդի ցիռոզը, լյարդաբջջային քաղցկեղը: Բարեհաջող ելք ապահովելու համար կարևոր է հիվանդության ժամանակին ախտորոշումը և միջոցների ձեռնարկումը:
Առողջապահության համաշխարհային կազմակերպությունը մշակել է պլան` մինչև 2030 թվականը վերացնել հեպատիտ C-ն ամբողջ աշխարհում ՝ իջեցնելով վարակի նոր դեպքերը մինչև 80 տոկոսի, իսկ մահացությունը՝ մինչև 65 տոկոսի:
Լյարդի ոչ ալկոհոլային ճարպային հիվանդությունը բազմահամակարգային հիվանդություն է` կապված այլ օրգան-համակարգերի և դրանցում ընթացող փոփոխությունների հետ, ուստի կարևորվում է մուլտիդիսցիպլինար մոտեցումը: Այլ ասոցիացիաների հետ համագործակցությունը կստեղծի հիվանդության պայքարի դեմ ավելի մեծ հնարավորություններ, կապահովի զարգացման ավելի արագ տեմպ:
|
Կարդացեք նաև
Ապրիլի 25-ին կկայանա Բժշկական գենետիկայի և Հազվադեպ հիվանդությունների հայկական ասոցիացիաների 1-ին գիտաժողովը (հանդիպում-քննարկում)...
ՄՄԱՊԳՀԿ-ը աշխատանքի է հրավիրում մայրապետերի (սանիտար)՝ մրցունակ աշխատավարձով։
Մանրամասն տեղեկատվություն ստանալու համար...
Հղիների շրջանում ամենահաճախ քննարկվող հարցերից է՝ բնական ճանապարհով ծննդաբերություն թե՞ կեսարյան հատում: Կեսարյան հատման ցուցումների շարքում են...
Հղիության պլանավորումից մինչև ծննդաբերական վախեր, ցավ, հետծննդաբերական դեպրեսիա, պատվաստումներ հղիության ընթացքում, բեղմնավորման մեթոդներ...
Մարտի 29-ին Մոր և մանկան առողջության պահպանման գիտահետազոտական կենտրոնում «Միկրոանգիոպաթիայի ֆենոմենի նշանակությունը մանկաբարձությունում...
Երևանի Մխիթար Հերացու անվան պետական բժշկական համալսարանում մեկնարկեց Ստոմատոլոգների միջազգային օրվան նվիրված գիտաժողով՝ «Նորարար ստոմատոլոգիա» խորագրով...
Այսօր Մոր և մանկան առողջության պահպանման գիտահետազոտական կենտրոնում իրադարձություն էր՝ նվիրված Հայաստանում առաջին անգամ հաջողությամբ...
«Մեզ համար կարևոր էր ոչ թե բարեգործական ծրագրեր կամ մարդասիրական օգնություն բերել Հայաստան, այլ Հայաստանը դարձնել առաջին օգնության առումով ինքնաբավ։ Մեր սկզբունքը կրթությունն էր, գործը...
Երևանի Մխիթար Հերացու անվան պետական բժշկական համալսարանում կայացավ արգանդի պարանոցի քաղցկեղին նվիրված քննարկում...
Օրերս Երևանում կայացել է հոգեկան առողջության կոալիցիայի ամփոփիչ հանդիպումը։ Հայկական հոգեբուժական ասոցիացիայի նախագահ Արմեն Սողոյանը մեզ հետ զրույցում ասել է, որ կոալիցիան ստեղծվել է...
Ս/թ դեկտեմբերի 15-ին վերանորոգված և սարքերով վերահագեցած «Դիագնոստիկա» բժշկական կենտրոնում տեղի ունեցավ թվային պոզիտրոն էմիսիոն համակարգչային տոմոգրաֆիայի բաժանմունքի հանդիսավոր բացումը...
Անցած շաբաթ ևս մեկ միջոցառում տեղի ունեցավ: Դիմածնոտային և բերանի խոռոչի վիրաբույժների հայկական ասոցիացիան ԵՊԲՀ-ի հետ համատեղ անցկացրեց «Դիմածնոտային վիրաբուժության արդի հիմնահարցեր. մաս 3»...
Երկու կարևոր միջոցառում մեկ հարկի տակ էր համախմբել դիմածնոտային վիրաբույժներին և ստոմատոլոգներին: Ստոմատոլոգիական ֆակուլտետի կլինիկական օրդինատորների համար...
«Մոր և մանկան առողջության պահպանման գիտահետազոտական կենտրոն» ՓԲԸ–ի տնօրենների խորհրդի որոշմամբ ս․թ․ դեկտեմբերի 11-ին կենտրոնի գլխավոր տնօրեն է նշանակվել Դավիթ Մելիք-Նուբարյանը...
Մոր և մանկան առողջության պահպանման գիտահետազոտական կենտրոնի, Հայկական հակածերացման բժշկական ասոցիացիայի և Երիտասարդ բժիշկների հայկական ասոցիացիայի նախաձեռնությամբ...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ընկերության մասին
- Ամուսնական առաջին գիշերը
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն