Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

ԼՈՒՐԵՐ: Վիրաբուժություն

Նախադեպը չունեցող հիբրիդ-վիրահատություն «Արմենիա» ՀԲԿ-ում. armeniamedicalcenter.am

Նախադեպը չունեցող հիբրիդ-վիրահատություն «Արմենիա» ՀԲԿ-ում. armeniamedicalcenter.am

56 տարեկան տղամարդն ընդունվել է մարզային բժշկական կենտրոն` կորոնավիրուսային վարակի կապակցությամբ: Բուժման ընթացքում նրա մոտ ի հայտ են եկել ստորին վերջույթների ցավ, կապտություն, որի պատճառով նա տեղափոխվել է «Արմենիա» ՀԲԿ անոթային վիրաբուժության բաժանմունք՝ Քովիդ-19-ի դրական թեստով, երկկողմանի թոքաբորբով:

Ի՞նչ կլինիկական ախտանշաններով է պացիենտն ընդունվել վիրաբուժական բաժանմունք:

Պացիենտն ընդունվել է զույգ սրունք-թաթային հոդերում և մատներում ակտիվ շարժումների և ոտնաթաթերի ու մատների խորանիստ զգացողության բացակայությամբ, ոտնաթաթերի առաջին, երկրորդ, երրորդ մատների ցիանոզով, հանգստի ժամանակ ցավի առկայությամբ, որը չէր անցնում ոչ ստերոիդային ցավազրկողներից: Պացիենտի մոտ առկա էին նաև ստորին վերջույթների սուր իշեմիա, ստամոքսի խոց, երկրորդ տիպի շաքարային դիաբետ` ծանր աստիճանի, քովիդ-19- նկատմամբ դրական ՊՇՌ թեստ։

Բուժառուն բաժանմունքում մեկուսացվել է, կատարվել են համապատասխան լաբորատոր և գործիքային հետազոտություններ (ներառյալ` ՀՏ-անգիոգրաֆիա)՝ վիրաբուժության մարտավարությունը որոշելու նպատակով: Արդունքում ախտորոշվել է որովայնային աորտայի զույգ ընդհանուր զստային զարկերակների, արտաքին զստային զարկերակների, ծնկափոսային զարկերակների սուր թրոմբոզ օկլուզիա:

 

Նախադեպը չունեցող հիբրիդ-վիրահատություն «Արմենիա» ՀԲԿ-ում Նախադեպը չունեցող հիբրիդ-վիրահատություն «Արմենիա» ՀԲԿ-ում


Թիմի կողմից որոշում է կայացվել բուժումն իրականացնել վիրահատական ճանապարհով: Վիրահատությունն իրականացրել են անոթային վիրաբուժության բժիշկներ՝ Վիրաբ Մանուկի Աղաբեկյանը, Վրեժ Արթուրի Հովակիմյանը, ես՝ Կամո Վաչիկի Հարությունյանս, Արամ Արշավիրի Գասպարյանը:

Ի՞նչ վիրահատություն է կատարվել:

Որովայնային աորտայի զստային և ծնկափոսային զարկերակների քովիդ-19 ասոցացված թրոմբոզի կապակցությամբ իրականացվել է հիբրիդ-վիրահատություն, որը տվյալ դեպքում բաց և փակ վիրահատական միջամտությունների զուգակցում է:

Ինչպե՞ս է իրականացվել վիրահատությունը:

Հաշվի առնելով հիվանդի բաց վիրահատման հնարավոր ռիսկերը, որոշվել է կատարել հիբրիդ-վիրահատություն` զուգակցելով բաց ու փակ վիրահատական միջամտությունները:

 

Նախադեպը չունեցող հիբրիդ-վիրահատություն «Արմենիա» ՀԲԿ-ում Նախադեպը չունեցող հիբրիդ-վիրահատություն «Արմենիա» ՀԲԿ-ում

Վիրահատությունն իրականցվել է մի քանի էտապով.

Բաց միջամտությամբ կատարվել է երկկողմանի ընդհանուր ազդրային զարկերակների բաց մուտք:

Հաջորդիվ, աջ բազկային զարկերակում տեղադրվել է JR 5F 125 սմ կատետոր: Այնուհետև կատարվել է անգիոգրաֆիա, որի տվյալներով կրկին հաստատվել է ախտորոշումը, և, արդյունքում, իրականացնել է որովայնային աորտայի և զստային զարկերակների անուղղակի անտեգրադ թրոմբէկտոմիա, ծնկափոսային զարկերակների անուղղակի ռետրոգրադ թրոմբէկտոմիա:

Ընթացքում վիրաբույժներն առնչվել են ներվիրահատական տեխնիկական խնդրի. զստային զարկերակների ծռվածության պատճառով: Ֆոգարտի կատետորը, որով պետք է կատարվեր թրոմբէկտոմիան, չի անցել անոթներով:  Պահի թելադրանքով կայացվել է մինչ այդ չկիրառված լրացուցիչ միջամտության որոշում.  զարկերակի մեջ ներդրվել է 7F 25 սմ երկարության շիթ, որի միջոցով անցկացվել է Ֆոգարտի կատետորը /introducer 0,035 wire 260  7 Fogarty/, որից հետո միայն հնարավոր է եղել իրականացնել թրոմբէկտոմիա` զգալի թրոմբային զանգվածի հեռացմամբ: Որովայնային աորտայի, զստային և ազդրային զարկերակների անցանելիությունը լիարժեք վերականգնվել է, որը վերահսկվել է հերթական անգիոգրաֆիայի օգնությամբ:

Սակայն անգիոգրաֆիկ պատկերում՝ ձախ ստորին վերջույթի ծնկափոսային զարկերակի մակարդակում նկատվել է կրիտիկական նեղացում, ինչը շտկելու նպատակով կատարվել է նշված սեգմենտի բալոնային անգիոպլաստիկա և ստենտավորում:

Հաջորդիվ, հերթական անգիոգրաֆիայով դիտվել է, որ անոթի լուսանցքը լիարժեք բացված է, և արյան հոսքն ընդհանուր ազդրային զարկերակներում երկու կողմից վերականգնվել է:

Ներվիրահատական դիտվել է նաև սրունքային շրջանների սուբֆասցիալ այտուց, կատարվել է ֆասցիոտոմիա՝ մկանային խմբերի բացազատում:

 

Նախադեպը չունեցող հիբրիդ-վիրահատություն «Արմենիա» ՀԲԿ-ում Նախադեպը չունեցող հիբրիդ-վիրահատություն «Արմենիա» ՀԲԿ-ում Նախադեպը չունեցող հիբրիդ-վիրահատություն «Արմենիա» ՀԲԿ-ում


Վիրահատությունը տևել է 3 ժամ:

Ինչպե՞ս է ընթացել հետվիրահատական շրջանը:

Վիրահատությունից հետո սահմանվել է բուժառուի դինամիկ հսկողություն: Իշեմիկ հատվածում հաճախ որոշակի հյուսվածքներ անդառնալիորեն փոխվում են, և երբ վերականգնվում է արյան հոսքը և հյուսվածքի սնուցումը, ձևավորվում է դեմարկացիոն զոննա՝ առանձնանում են առողջ և անդառնալիորեն փոխված, մեռուկացած հյուսվածքները: Վիրահատության մոտավորապես 3-4-րդ օրն արդեն նկատելի էր, որ ձախ ոտնաթաթի 1-5 մատները սևացել և դարձել են ոչ կենսունակ:  Բնականաբար, կատարվել է այդ մատների հեռացում:

Հետվիրահատական շրջանի մոտավորապես 10-րդ օրը բուժառուն փակ վերքերով դուրս է գրվել:

6 ամիս անց, կրկնակի այցի ժամանակ, բուժառուն ինքնուրույն բաձրացել է երրորդ հարկ: Կատարվել է կրկնակի ՀՏ-անգիոգրաֆիա. անոթների անցանելիությունը լիովին պահպանված էր:

Բուժառուն մինչև այդ ծխող էր, սակայն այս դեպքից հետո՝ բժիշկների խորհրդով, թողեց ծխելը:

Առայսօր հսկողությունը շարունակվում է, ժամանակ առ ժամանակ կատարվում է կրկնակի դուպլեքս հետազոտություն, ստանում է համապատասխան դեղորայքային բուժում, որպեսզի վիրահատության բավարար արդյունքը պահպանվի:

Ո՞րն է իրականացված վիրահատության յուրահատկությունը:

Հայաստանում նման վիրահատական միջամտություն` իր տեսակով, աննախադեպ է: Նման զուգակցված վիրահատությունները քիչ տրավմատիկ են և հնարավորություն են տալիս վիրահատել անգամ ուղեկցող ծանր հիվանդություններ ունեցող պացիենտներին:

Այս կլինիկական դեպքը ներկայացվել է Անոթային վիրաբույժների ասոցիացիայի ամենամյա նիստում՝ 2022 թ. դեկտեմբերի 11-ին:

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Դիմային նյարդի հետվիրահատական վերականգնում. nairimed.com
Դիմային նյարդի հետվիրահատական վերականգնում. nairimed.com

Գլխի և պարանոցի ուռուցքներ | Նյարդային համակարգ (գլխուղեղի և ողնուղեղի վիրաբուժություն) | Արամ Գրիգորի Բադալյան

Դիմային նյադրը նյարդավորում է միմիկական մկանները...

ԼՈՒՐԵՐ: Նյարդային համակարգ
Կլինիկական դեպք․ բացառիկ վիրահատություն «Արմենիա» ՀԲԿ վիրաբուժական բաժանմունքում. armeniamedicalcenter.am
Կլինիկական դեպք․ բացառիկ վիրահատություն «Արմենիա» ՀԲԿ վիրաբուժական բաժանմունքում. armeniamedicalcenter.am

Հիվանդ Գ. Ս., 37 տարեկան, Արմենիա ՀԲԿ վիրաբուժական բաժանմունք էր ընդունվել՝ գանգատվելով որովայինի աջ կեսում ցավերից, ծանրության զգացումից, երբեմն՝ սրտխառնոցից: Նախքան այդ հետազոտվել էր տարբեր կլինիկաներում...

Լուրեր ԼՈՒՐԵՐ: Թվեր և փաստեր Հայաստանից
Որովայնային ճողվածքների լապորոսկոպիկ վիահատություններ. nairimed.com
Որովայնային ճողվածքների լապորոսկոպիկ վիահատություններ. nairimed.com

Որովայնային ճողվածքները բավական տարածված են։

Վիրահատական եղանակաները բազմաթիվ են , սակայն լավագույն տարբերակը լապարոսկոպիկ եղանակով...

Լուրեր ԼՈՒՐԵՐ: Թվեր և փաստեր Հայաստանից
Բարիատրիկ վիրահատություններ Նաիրի ԲԿ-ում. nairimed.com
Բարիատրիկ վիրահատություններ Նաիրի ԲԿ-ում. nairimed.com

160 կգ քաշով 40 տարեկան տղամարդը դիմել է ստամոքսը փոքրացնելու վիրահատության՝ նիհարելու նպատակով։ Ասում է՝ շատ տարբեր միջոցներ է փորձել՝ հատուկ սննդակարգ է պահել, մարզվել է, բայց կորցրած քաշը նորից հետ է եկել...

ԼՈՒՐԵՐ: Ճարպակալում, նիհարում Լուրեր ԼՈՒՐԵՐ: Թվեր և փաստեր Հայաստանից
Ճողվածքների վիրահատություններ՝ լապարոսկոպիկ եղանակով. nairimed.com
Ճողվածքների վիրահատություններ՝ լապարոսկոպիկ եղանակով. nairimed.com

Ճողվածքների բաց վիրահատություններն վաղուց անցյալում են:

«Նաիրի» առաջին վիրաբուժական բաժանմունքի ղեկավար, պրոֆեսոր Անդրանիկ Ադամյանի գլխավորությամբ...

Հազվագյուտ հիվանդության ախտորոշում ԻՌ ծառայությունում կատարված էքսցիզիոն բիոպսիայի շնորհիվ
Հազվագյուտ հիվանդության ախտորոշում ԻՌ ծառայությունում կատարված էքսցիզիոն բիոպսիայի շնորհիվ

Բուժառուն՝ արական սեռի, 60 տարեկան: Գանգատներ՝ ընդհանուր թուլություն, բութ ցավեր էպիգաստրալ և աջ ենթակողային շրջաններում...

ԼՈՒՐԵՐ: Թվեր և փաստեր Հայաստանից
Լապարոսկոպիկ պրոստատէկտոմիա. erebunimed.com
Լապարոսկոպիկ պրոստատէկտոմիա. erebunimed.com

«Էրեբունի» ԲԿ-ի ուրոլոգիական բաժանմունքում կատարվում են  փակ` լապարոսկոպիկ վիրահատություններ, որոնք փոխարինում են  նախկինում  ավանդաբար կատարվող բաց  վիրահատություններին: Շագանակագեղձի քաղցկեղի դեպքում...

ԼՈՒՐԵՐ: Ուրոանդրոլոգիա Լուրեր ԼՈՒՐԵՐ: Թվեր և փաստեր Հայաստանից
ԵՊԲՀ. Բարդ վիրահատությունների արդյունքում պահպանվել է պացիենտի ձախ դաստակը
ԵՊԲՀ. Բարդ վիրահատությունների արդյունքում պահպանվել է պացիենտի ձախ դաստակը

Ինքնավթարի հետևանքով «Հերացի» թիվ 1 հիվանդանոցային համալիրի պլաստիկ ռեկոնստրուկտիվ վիրաբուժության և միկրովիրաբուժության բաժանմունք տեղափոխված կնոջ մոտ ախտորոշվել էր ձախ ճաճանչ-դաստակային...

ԼՈՒՐԵՐ: Պլաստիկ վիրաբուժություն ԼՈՒՐԵՐ: Թվեր և փաստեր Հայաստանից
Կլինիկական դեպք. մասնագիտացված օգնության կարևորությունը թոքի վնասումների ժամանակ. Ազատ Աղաբեկյան. armeniamedicalcenter.am
Կլինիկական դեպք. մասնագիտացված օգնության կարևորությունը թոքի վնասումների ժամանակ. Ազատ Աղաբեկյան. armeniamedicalcenter.am

Ծակած-կտրած վնասումով՝ դեպքից մոտ 3 ժամ անց, էջմիածին քաղաքի հիվանդանոցից մեր կլինիկա է տեղափոխվել 60-նն անց տղամարդ: Ռենտգեն հետազոտությամբ բուժառուի մոտ ախտորոշվել է հեմոպնևմոթորաքս...

Լուրեր ԼՈՒՐԵՐ: Շնչառական համակարգ ԼՈՒՐԵՐ: Թվեր և փաստեր Հայաստանից
Գլխուղեղի վիրահատությունները դարձել են անվտանգ. nairimed.com
Գլխուղեղի վիրահատությունները դարձել են անվտանգ. nairimed.com

«Նաիրի» բժշկական կենտրոնում արդեն հինգ տարի է, ինչ ներդրվել է գլխուղեղի վիրահատությունների կատարման անվտանգ և նոր մեթոդ: Ներկայում կենտրոնի նյարդավիրաբուժական թիմը հասել է մասնագիտական այնպիսի բարձունքի...

ԼՈՒՐԵՐ: Նյարդային համակարգ Լուրեր ԼՈՒՐԵՐ: Թվեր և փաստեր Հայաստանից
Համատեղ վիրահատություններ՝ ուռուցքաբան-գինեկոլոգ և պլաստիկ վիրաբույժ. nairimed.com
Համատեղ վիրահատություններ՝ ուռուցքաբան-գինեկոլոգ և պլաստիկ վիրաբույժ. nairimed.com

Ժամանակակից բժշկության մեջ ուռուցքով հիվանդին միայն ուռուցքաբանի կողմից բուժելը բավականին բարդ խնդիր է: Ինչո՞ւ… Որովհետև չարորակ ուռուցքով հիվանդները հիմնականում մեծահասակներ և տարեցներ են, որոնց մոտ, սովորաբար...

Լուրեր ԼՈՒՐԵՐ: Թվեր և փաստեր Հայաստանից
ԵՊԲՀ. Բժիշկների «ոսկերչական» մանրակրկիտ աշխատանքի արդյունքը
ԵՊԲՀ. Բժիշկների «ոսկերչական» մանրակրկիտ աշխատանքի արդյունքը

«Հերացի» թիվ 1 հիվանդանոցային համալիրի դիմածնոտային վիրաբուժության և ԼՕՌ կլինիկայի դիմածնոտային վիրաբույժները, ԵՊԲՀ օրթոպեդիկ ստոմատոլոգիայի ամբիոնի մասնագետները՝ Ռուսաստանից ժամանած անապլաստոլոգ...

ԼՈՒՐԵՐ: Քիթ-կոկորդ-ականջ հիվանդություններ Լուրեր ԼՈՒՐԵՐ: Թվեր և փաստեր Հայաստանից
Բացառիկ վիրահատություն Արթմեդ ԲՎԿ-ում հայ և ռուս մասնագետների կողմից
Բացառիկ վիրահատություն Արթմեդ ԲՎԿ-ում հայ և ռուս մասնագետների կողմից

Վերջերս Արթմեդ ԲՎԿ Ընդհանուր վիրաբուժության բաժանմունքում կատարվել է եզակի ու բարդ վիրահատություն։ Մեր կենտրոն էր դիմել պացիենտ` ենթաստամոքսային գեղձի գլխիկի չարորակ գոյացությամբ` տեղային տարածվածությամբ դեպի դռներակ...

ԼՈՒՐԵՐ: Մարսողական համակարգ Լուրեր ԼՈՒՐԵՐ: Թվեր և փաստեր Հայաստանից
Կլինիկական դեպք. գլխուղեղի կավերնոզ մալֆորմացիայի հեռացում. armeniamedicalcenter.am
Կլինիկական դեպք. գլխուղեղի կավերնոզ մալֆորմացիայի հեռացում. armeniamedicalcenter.am

«Արմենիա» ՀԲԿ նյարդավիրաբուժական բաժանմունք է դիմել 65 տ. Գ.Բ.-ն։ Պացիենտի մոտ գլխուղեղի ՀՏ և ՄՌՏ հետազոտությունների հիման վրա ախտորոշվել էր գլխուղեղի ձախ քունք- ճակատային շրջանի...

ԼՈՒՐԵՐ: Նյարդային համակարգ Լուրեր ԼՈՒՐԵՐ: Թվեր և փաստեր Հայաստանից

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ