Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

Մի պացիենտի հետքերով. Թիվ 1 համալսարանական կլինկիա, Հմայակ Սոսի Սիսակյան

Մի պացիենտի հետքերով. Թիվ 1 համալսարանական կլինկիա, Հմայակ Սոսի Սիսակյան

Մեդ-Պրակտիկ թիմը` լսելով թիմի անդամներից մեկի դրվատանքի խոսքերն` ուղղված Թիվ 1 համալսարանական կլինիկայի սրտաբանության բաժանմունքի ամբողջ անձնակազմին, որտեղ վերջին օրերին բուժվում էր իր ծեր մայրը, որոշեց պարզել` ո՞րն էր նրանց առնաձնահատուկի գաղտնիքը: Ավելին, մեր աշխատակցի չդադարող երախտագիտական խոսքերի տարափը և վարակիչ հուզումները միտք առաջացրեց  «Մի պացիենտի հետքերով» շարք ստեղծել և այն ներկայացնել հանրությանը «Շնորհակալ եմ, բժիշկ» ֆեյսբուքյան էջի և խմբի միջոցով: Այսպիսով` բացահայտել բարի, նվիրյալ, բժշկի իսկական կոչումով մասնագետներին` երախտապարտ պացիենտեների շնորհիվ:

 

Մի պացիենտի հետքերով


Առաջինը բացահայտված է. Հմայակ Սոսի Սիսակյան,
Թիվ 1 համալսարանական կլինկիա


Փորձեցինք պարզել Թիվ 1 համալսարանական կլինիկայի սրտաբանության բաժանմունքի անձնակազմի սիրված լինելու գաղտնիքը:


–   Հարգելի Հմայակ Սոսի, ժամանակն արժեքներ է փոխում, բայց Դուք, կարծես, Ձեր անձնային որակների հաշվին կարողացել եք ստեղծել թիմ, որը կարևորում է պացիենտի նկատմամբ վերաբերմունքը: Որպես թիմի ղեկավար, ինչո՞վ եք դա պայմանավորում:


–   Դրան որևէ հատուկ դեղատոմս չկա: Բժշկական ծառայությունները գրեթե միշտ լավ են աշխատում, եթե թիմային աշխատանք կա:


Արդեն 15 տարուց ավելի է, որ կլինիկայի ղեկավար և ամբիոնի վարիչ եմ: Վստահ եմ, որ լավ աշխատանքի համար կարևոր է բոլոր աշխատակիցների աշխատանքի նկատմամբ նվիրվածությունը: Պետք է ստեղծել մթնոլորտ, որ դա բոլորը ցանկանան, և որ առաջնային նպատակը լինի հիվանդին օգտակար լինելը: Որպես լոզունգ կարելի է այսպես ձևակերպել՝ «Առաջնայինը` հիվանդի համար». դրա մեջ պետք է հասկանալ և՛ սպասարկումը, և՛ բժիշկների աշխատանքը:

 

Մի պացիենտի հետքերով Մի պացիենտի հետքերով


Այդ տեսակետից, իհարկե՛, նեղ անձնային շահերը միշտ պետք է հետին պլան մղվեն բոլոր աշխատակիցների մոտ՝ սկսած ինձնից: Պետք է նաև միշտ ձգտել պրոֆեսիոնալ աշխատանքի առաջխաղացմանը, բարելավմանը, փորձառության մեծացմանը, գիտելիքների զարգացմանը՝ պրոֆեսոր ես, թե` սովորական շարքային բժիշկ:


Մենք Երևանի պետական բժշկական համալսարանի միջավայրում ենք, մի հզոր կազմակերպության, որն ակադեմիական հարթակ է, ինչը խիստ նպաստավոր է մեզ համար: Այստեղ հազարավոր ուսանողներ, կլինիկական օրդինատորներ են ուսանում: Մենք, առաջին հերթին, խստապահանջ ենք ինքներս մեր նկատմամբ, որովհետև շփվում ենք երիտասարդ բժիշկների, ուսանողների հետ:

 

Մի պացիենտի հետքերով Մի պացիենտի հետքերով


–   Ինչպե՞ս եք համատեղում կլինիկական օրդինատորի և արդեն կայացած մասնագետի համագործակցությունը:


Մեզ մոտ կլինիկական օրդինատորներն ընդունվում են մրցույթով: Այս աշխատաոճը որդեգրել ենք եվրոպական առաջատար բուհերից:

 

–   Կլինիկական օրդինատորները, որոնք ուսանողական շրջանում լավ առաջադիմություն չեն ունեցել, օտար լեզուների չեն տիրապետում, պատրաստ չեն ինքնուրույն հերթապահություններ ունենալ, հետազոտական աշխատանքների մեջ ներգրավվել, չեն ընդունվում:


Դա կարևոր է նաև կլինիկայի հեղինակության համար:


Մեր կլինօրդինատորներն, սկսած երկրորդ, երրորդ ամսից, ինքնուրույնություն ունեն: Ես ինքս, օրդինատոր եղած ժամանակ, զգացել եմ, որ սա ճիշտ մեթոդ է: Օրդինատորը որքան շուտ ներգրավված լինի կլինիկական աշխատանքներին, այնքան պատրաստված կլինի: Նրանք ունեն կլինիկական հմտությունների ցանկ, օրինակ, կատարել նվազագույնը 50 էխոսրտագրություն, վարել առնվազն 100 պացիենտ, հերթապահել կոնկրետ ժամաքանակ և այլն: Ծրագիրը վերցված է մեր միջազգային գործընկերներից, և փորձում ենք այն հետևողականորեն օգտագործել մեր կլինիկայում: Եվ պատահական չէ, որ ավարտելուց հետո նրանք գրեթե բոլորը աշխատանքի տեղ են գտնում Հայաստանի բժշկական կենտրոններում, ինչը ներկայում դժվար է:

 

Մի պացիենտի հետքերով

 

–   Խոսենք թիմի հնաբնակների մասին:


–   2004 թվականին, երբ առաջարկություն եղավ բժշկական համալսարանին կից համալսարանական կլինիկա ստեղծել, քչերն էին հավատում դրա իրականացմանը: Սակայն մի քանիսը չերկմտեցին: Առաջիններից էին «Էրեբունի» հիվանդանոցի դոցենտ Արմեն Օրդյանը, մեր ղեկավար բժիշկ Արամ Տերտերյանը: Մի քանի բուժքույրեր նույնպես միացան մեզ:


–   Հմայակ Սոսի, ո՞րն է Ձեր լոզունգը թիմի հետ շփվելիս, և որ Դուք, ընդհանրապես, առաջնորդվում եք:


–   Առաջինը՝ բոլոր հարցերը քննարկելիս լինել անաչառ և օբյեկտիվ, անկախ միջանձնային հարաբերություններից: Միշտ խրախուսել թիմային աշխատանքը, նորարարությունները, ինովացիոն մոտեցումները: Կարողանալ նկատել այն աշխատողներին, որոնք ավելի լավ են աշխատում և խրախուսել: Շատ կարևոր է նաև նախաձեռնության դրսևորումը ղեկավարի կողմից՝ նոր մեթոդների ներդրման, ժամանակակից պահանջներին համապատասխանության հարցերում:

 

Մի պացիենտի հետքերով

 
...Եվ պետք է մարդկանց ոգեշնչել, բոլորին ոգեշնչել…


–   Խոսենք ուսանողից-բժիշկ կայացման գործընթացների, քննական շրջանների իրականացման և օբյեկտիվության մասին:


–   Լինելով բժշկական համալսարանում կլինիկական ամբիոնի վարիչ, մասնակցելով քննական շրջաններին, պետք է ասեմ, որ այժմ կա գնահատման մեթոդների բավականին մեծ առաջընթաց: Մենք ներկայում քննությունն իրականացնում ենք մի քանի բաղադրիչներով. գործնական հմտություններ, էլեկտրոնային քննության թեստային եղանակ և բանավոր քննություն: Այս երեք բաղադրիչները հնարավորություն են տալիս առավել օբյեկտիվ գնահատել գիտելիքները:


Այն հանգամանքը, որ կան ուսանողներ, ովքեր չեն կարողանում ավարտել բժշկական համալսարանը` մոտավորապես 10-15 տոկոսը, խոսում է այն մասին, որ առկա է օբյեկտիվ մոտեցում: Մենք պետք է շատ ավելի խստապահանջ լինենք, որպեսզի որակյալ բժիշկներ ունենանք:


Ուսումնական և քննական գործընթացների այսկերպ մոտեցումն արժանացել է միջազգային աուդիտների դրական գնահատականին: Ամբողջ քննական գործընթացը տեսաձայնագրվում է, կարող է փաստացի ներկայացվել: Մենք բաց ենք մեր երկրի և արտերկրի անկախ էքսպերտների, միջազգային աուդիտների համար:


Կարևոր եմ համարում քննաշրջանների և որակյալ կադրերի պատրաստումն իրականացնել միջազգային գործող չափանիշներին համապատասխան, որպեսզի բժշկական համալսարանի հեղինակությունը տարեց-տարի է՛լ ավելի բարձրանա: Պատահական չէ, որ ուսանողների 25 տոկոսն արտասահմանցիներ են:


Զրուցեցինք անմիջապես ծեր պացիենտին վարող  և հաճախակի հերթապահող օրդինատորների հետ:


Մի պացիենտի հետքերով

 

Տաթև Գասպարյան, կլինիկական օրդինատուրայի երրորդ կուրս


–   Իմ կնքահայրը բժիշկ էր, և ես շատ տպավորված էի նրա աշխատանքով: Ու թեև դպրոցական տարիներից ինձ գրավում էին բնագիտական առարկաները, որոշեցի բժիշկ դառնալ:


Ավելի ուշ, սրտաբանության մասնագիտությունն ընտրելու հարցում շատ կարևոր դեր է խաղացել իմ դասախոսը, մեր բաժանմունքի լավագույն բժիշկներից` Արմեն Աշոտի Օրդյանը:


–   Եթե համեմատենք նոր և ավելի վաղ սերնդի բժիշկներին...…


–   Կարծում եմ, որ ավագ սերունդն ավելի պատասխանատու է, աշխատասեր: Սակայն մեր սերնդի գործը հեշտացած է՝ պայմանավորված գիտատեխնիկական առաջընթացով: Ցանկացած պահի կարող ենք ցանկացած հետազոտություն մեր ձեռքի տակ ունենալ: Եվ իմ սուբյեկտիվ կարծիքով, երիտասարդության մեջ ճկուն և ստեղծագործ ուղեղները շատ են, ովքեր ավելի նորովի մոտեցումներ ունեն, հեշտ են նորին հարմարվում, ազատ են պահպանողականությունից, իսկ այդ ամենն օգնում է առաջ գնալ:


Իմ կարծիքով բժիշկն, առաջին հերթին, պետք է զինված լինի մասնագիտական խորը գիտելիքներով, որովհետև շատ ենք խոսում խղճի, մարդասիրության, բարության մասին, բայց այդ ամենն առ ոչինչ է` առանց լուրջ մասնագիտական գիտելիքների: Միայն այդ պարագայում, նաև աշխատանքի և հիվանդների նկատմամբ պատասխանատվությամբ ու սրտացավությամբ հնարավոր է լավ բժիշկ լինել: Բժիշկը նաև պետք է լավատես լինի, քանի որ հիվանդին պետք է լավատեսություն ներշնչել: Լավատեսությունը և ժպիտը կարևոր գործոններ եմ համարում, որովհետև հիվանդ մարդն առանց այն էլ դեպրեսիայի մեջ է, և բժշկի լրջությունը, նրան ճնշելով, կարող է դեկոմպենսացիայի տանել:

 


Աստղիկ Սահակյան, կլինիկական օրդինատուրայի առաջին կուրս


–   Առաջին տարին է, որ ուսանողական խալաթը փոխարինում եմ բժշկական խալաթով: Եվ այն պատասխանատվությունը, որը այժմ զգում եմ հիվանդների հանդեպ, լիովին տարբերվում է ուսանողական վիճակից: Շատ հաճելի է տեսնել աշխատանքիդ արդյունքը: Գտնում եմ, որ պետք է բուժել հիվանդին, ոչ թե` հիվանդությունը:  Ցանկացած հիվանդ այս պատերի ներսում ունի աջակցության, էնպաթիայի, որոշ դեպքերում, նույնիսկ, բարեկամական հարբերության կարիք: Կարևորում եմ հիվանդին հոգեբանական աջակցություն ցույց տալը, նրա հետ այնպես վերաբերվել, որ տարիներ անց հիշի իր բժշկին: Դրա համար, առաջին հերթին, պետք է լինել լավ մարդ-տեսակ, ապա` լավ մարդ-բժիշկ:


Ուսանողական մոդուլն անցել եմ այս կլինիկայում, տեսել եմ այս թիմի աշխատանքը, որն, իրավամբ, թիմ է, ոչ` անձնակազմ, որտեղ միմյանց աջակցում են:

 

Մի պացիենտի հետքերով Մի պացիենտի հետքերով


Մեր կլինիկայի ղեկավարն է Հմայակ Սոսի Սիսակյանը, իսկ ինտենսիվ թերապիայի բաժնի ղեկավարը` Արամ Մկրտչի Տերտերյանը: Մեր հարգարժան ղեկավարները և բաժանմունքի մյուս բժիշկները մեզ են փոխանցում տարիների մեջ արժեքներ վաստակելու գաղտնիքը, սովորեցնում հմտություններ: Ամիսների ընթացքում զգացել եմ, թե ինչպես է ինձ փոխում թիմային աշխատանքը, աշխատակազմի մշակույթը` օգնել մեկ-մեկու, մեկս մյուսին նեցուկ լինել: Հրաշալի թիմ է, որն աշխատում է օրնիբուն, աշխատանքային ժամեր գոյություն չունեն:


Անշահախնդիր նվիրվածությունը պացիենտին, և վճարովի ծառայության պահանջները միշտ հակասող են: Մենք միշտ լսել ենք. «Առողջությունը շատ թանկ է» արտահայտությունը: Մեր օրերում այն գործում է բառացի, ցանկացած բժշկական ծառայության համար ստիպված ենք երբեմն շատ թանկ վճարել, թեև որակյալ բուժօգնությունը պետք է հասանելի լինի յուրաքանչյուրիս:

 

Մի պացիենտի հետքերով Մի պացիենտի հետքերով


Շատ կլինօրդինատորներ ձգտում են արտերկրում շարունակել իրենց ուսումը՝ այնտեղ աշխատելու համար: Բայց կան նաև ինձ նման մտածողները, որ «իմ սիրտը մեր լեռներում է» և ինձ չեմ տեսնում Հայաստանից դուրս, որ կարող ենք դրսի որակը բերել մեր երկիր: 

 

Լատինական ասացվածք կա. «Դժվարությունների միջով՝ դեպի աստղերը»: Գերադասում եմ թեկուզ դժվար, երկար ճանապարհով հասնել նրան, որ յուրաքանյուր հիվանդի համար ունենանք լավ և մատչելի բուօգնություն:


Ոչ-ոք ավելի լավը չէ մեզանից, և ազգն արժանի է լավ բուժօգնության, որակյալ ծառայության ու լավ վերաբերմունքի:  Քանի որ կենցաղը դժվար է մեզ մոտ, մի ժպիտն անգամ, մի լավ խոսքը, և նաև մեր մասնագիտական աճը կօգնի մարդկանց:

 

Մի պացիենտի հետքերով

 

Մեդ-Պրակտիկ թիմի անունից` խորին շնորհակալություն նաև բոլոր բուժքույրերին և մայրապետներին: 

 

med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Թունաբանության ծառայությունը «Արմենիա» բժշկական կենտրոնում. հարցազրույց Շավարշ Մելքոնյանի հետ. armeniamedicalcenter.am
Թունաբանության ծառայությունը «Արմենիա» բժշկական կենտրոնում. հարցազրույց Շավարշ Մելքոնյանի հետ. armeniamedicalcenter.am

Որքա՞ն ժամանակ եք զբաղվում թունաբանությամբ:

Մոտ 25 տարի աշխատել եմ Մոսկվայի Սկլիֆասովսկու անվան Շտապօգնության ինստիտուտի սուր թունավորումների...

Նարկոլոգիա և տոքսիկոլոգիա Բժշկական կազմակերպություններ և կենտրոններ
«Մասնագիտությունը՝ բժիշկ» շարքից` Դավիթ Պատրիկյան. «Ուզում եմ, որ ժողովուրդը բժշկին ճիշտ հասկանա. նա իր բարեկամը, իր ընկերն է». armeniamedicalcenter.am
«Մասնագիտությունը՝ բժիշկ» շարքից` Դավիթ Պատրիկյան. «Ուզում եմ, որ ժողովուրդը բժշկին ճիշտ հասկանա. նա իր բարեկամը, իր ընկերն է». armeniamedicalcenter.am

Գիտության նվաճումները վերջին տարիներին մեծ հնարավորություններ են տվել բժշկին: Ինչպես եք գնահատում բժշկության վիճակը նախկինում և հիմա...

Բժիշկներ
«Մասնագիտությունը` բժիշկ» շարքից` Վիրաբ Մանուկի Աղաբեկյան. armeniamedicalcenter.am
«Մասնագիտությունը` բժիշկ» շարքից` Վիրաբ Մանուկի Աղաբեկյան. armeniamedicalcenter.am

Մեր զրուցակիցն է «Արմենիա» հանրապետական բժշկական կենտրոնի անոթային վիրաբուժության կենտրոնի ղեկավար Վիրաբ Աղաբեկյանը:

- Բժիշկ դառնալը մանկության օրերի երազանք էր` հատկապես վնասվածք ստացած մարդկանց օգնելու մեծ ցանկությունը...

Բժիշկներ
Նյարդավիրաբուժական ծառայությունը «Արմենիա» ՀԲԿ-ում. հարցազրույց նյարդավիրաբուժական բաժանմունքի վարիչ, բ.գ.թ., դոցենտ Դավիթ Պատրիկյանի հետ. armeniamedicalcenter.am
Նյարդավիրաբուժական ծառայությունը «Արմենիա» ՀԲԿ-ում. հարցազրույց նյարդավիրաբուժական բաժանմունքի վարիչ, բ.գ.թ., դոցենտ Դավիթ Պատրիկյանի հետ. armeniamedicalcenter.am

Ի՞նչ հիվանդություններ են բուժում բաժանմունքում:

«Արմենիա» ՀԲԿ-ի նյարդավիրաբուժական բաժանմունքը այդ մասնագիտության գծով հանրապետության ամենահին...

Բժշկական կազմակերպություններ և կենտրոններ Բժիշկներ
Ուռուցքաբանությունը բժշկության ամենաարագ զարգացող ոլորտն է. հարցազրույց Լևոն Բադալյանի հետ. nairimed.com
Ուռուցքաբանությունը բժշկության ամենաարագ զարգացող ոլորտն է. հարցազրույց Լևոն Բադալյանի հետ. nairimed.com

Մեր զրուցակիցն է ուռուցքաբան, բ. գ. թ., «Նաիրի» բժշկական կենտրոնի ուռուցքաբանության ծառայության ղեկավար Լևոն Գրիգորի Բադալյանը...

Ուռուցքաբանություն
Հարցազրույց «Արմենիա» ՀԲԿ սուր թունավորումների բաժանմունքի վարիչ Միքայել Գաբրիելյանի հետ. armeniamedicalcenter.am
Հարցազրույց «Արմենիա» ՀԲԿ սուր թունավորումների բաժանմունքի վարիչ Միքայել Գաբրիելյանի հետ. armeniamedicalcenter.am

Որքա՞ն ժամանակ է, ինչ գործում է թունաբանության բաժանմունքը:

Բաժանմունքը գործում է արդեն 40 տարի: Այն հանրապետության միակ բաժանմունքն է, որը մասնագիտացված է...

Բժիշկներ
«Մասնագիտությունը՝ բժիշկ» շարքից. անեսթեզիոլոգ-ռեանիմատոլոգ Սիրանուշ Ավագյան: Դռներից այն կողմ մի այլ աշխարհ է. armeniamedicalcenter.am
«Մասնագիտությունը՝ բժիշկ» շարքից. անեսթեզիոլոգ-ռեանիմատոլոգ Սիրանուշ Ավագյան: Դռներից այն կողմ մի այլ աշխարհ է. armeniamedicalcenter.am

Բժիշկ անեսթեզիոլոգ-ռեանիմատոլոգ Սիրանուշ Ավետիսի Ավագյանն ավարտել է Երևանի Մխիթար Հերացու անվան պետական բժշկական համալսարանը, որտեղ առայսօր դասախոսում է ստիմուլյացիոն բժշկության ամբիոնում...

Բժիշկներ
Հարցազրույց «Արմենիա» ՀԲԿ վիրաբուժական կլինիկայի ղեկավար Գագիկ Համբարձումյանի հետ. armeniamedicalcenter.am
Հարցազրույց «Արմենիա» ՀԲԿ վիրաբուժական կլինիկայի ղեկավար Գագիկ Համբարձումյանի հետ. armeniamedicalcenter.am

Մի քանի ամիս է, ինչ «Արմենիա» ՀԲԿ թիմին է միացել վիրաբույժ-ուռուցքաբան, բժշկական գիտությունների դոկտոր Գագիկ Աշոտի Համբարձումյանը և ներկայում ղեկավարում է վիրաբուժական կլինիկան...

Բժիշկներ
Աչքի հիվանդությունների դեպքում շատ կարևոր է ժամանակին բացահայտումը և ճիշտ ախտորոշումը. Տաթևիկ Հակոբյան
Աչքի հիվանդությունների դեպքում շատ կարևոր է ժամանակին բացահայտումը և ճիշտ ախտորոշումը. Տաթևիկ Հակոբյան

Աչքի հիվանդությունների դեպքում ամենակարևոր խնդիրն առաջնային հետազոտություն անցնելն ու ճիշտ ախտորոշմամբ բուժում ստանալն է, որպեսզի տեսողական օրգանը չվնասվի, և հնարավոր լինի վերացնել առկա խնդիրը բուժման...

Ակնաբանություն
«Մասնագիտությունը` բժիշկ» շարքից` Ռաֆայել Բաղդասարյան. armeniamedicalcenter.am
«Մասնագիտությունը` բժիշկ» շարքից` Ռաֆայել Բաղդասարյան. armeniamedicalcenter.am

Հեմոդիալիզի բաժանմունքը 1988 թ. երկրաշարժից հետո հիմնադրել են Հոլանդիայի և Բելգիայի մասնագետները՝ «Բժիշկներ առանց սահմանի» կազմակերպության անմիջական աջակցությամբ...

Բժիշկներ
Էնդոսկոպիկ հետազոտությունը` ուռուցքների կանխարգելման միջոց. Թևոս Սարգսյան. nairimed.com
Էնդոսկոպիկ հետազոտությունը` ուռուցքների կանխարգելման միջոց. Թևոս Սարգսյան. nairimed.com

Կոլոռեկտալ ուռուցքը կանխարգելելու համար կիրառվում է, այսպես կոչված` թաքնված արյան թեստ: Բոլոր այն քաղաքացիներին, որոնք գենետիկայում ունեն կոլոռեկտալ քաղցկեղի բարձր ռիսկ, այսինքն, առաջին կարգի հարազատների մոտ եղել է...

Ախտորոշում Ուռուցքաբանություն
Ի՞նչ է ֆիզիոթերապիան. հարցազրույց Գոհար Ավետիսյանի հետ. armeniamedicalcenter.am
Ի՞նչ է ֆիզիոթերապիան. հարցազրույց Գոհար Ավետիսյանի հետ. armeniamedicalcenter.am

Ի՞նչ է ֆիզիոթերապիան:

Ֆիզիոթերապիան թերապևտիկ բուժման մեթոդներից է, որն իրականացվում է ոչ թե դեղորայքի կիրառմամբ...

Ֆիզիոթերապիա
Դոպլեր հետազոտությունը` հղիության ժամանակ. հարցազրույց Վարդուհի Հովհաննիսյանի հետ. morevmankan.am
Դոպլեր հետազոտությունը` հղիության ժամանակ. հարցազրույց Վարդուհի Հովհաննիսյանի հետ. morevmankan.am

Ի՞նչ է դոպլեր հետազոտությունը:

Դոպլերոգրաֆիկ հետազոտությունը հղիության ընթացքում հետազոտության տեսակ է...

Ախտորոշում Հղիություն, ծննդաբերություն Պերինատոլոգիա, մանկաբարձություն և ուրո-գինեկոլոգիա
Մամոպլաստիկա. հաճախ տրվող հարցերին պատասխանում է Աննա Սարգսյանը. nairimed.com
Մամոպլաստիկա. հաճախ տրվող հարցերին պատասխանում է Աննա Սարգսյանը. nairimed.com

Ո՞ր տարիքում կարելի է դիմել մամոպլաստիկայի:


Սովորաբար, մամոպլաստիկայի կարող են դիմել...

Էսթետիկ բժշկություն Պլաստիկ վիրաբուժություն
Վահանաձև գեղձի հիվանդությունները և հղիությունը. հարցազրույց Հայկ Ազարյանի հետ. morevmankan.am
Վահանաձև գեղձի հիվանդությունները և հղիությունը. հարցազրույց Հայկ Ազարյանի հետ. morevmankan.am

Հղիների մոտ վահանաձև գեղձի ի՞նչ խնդիրներ կարող են լինել:

Վահանաձև գեղձի հիվանդություններն ամենատարածվածն են Հայաստանում: Առավել հաճախ հանդիպում է հիպոթիրեոզը...

Հղիություն, ծննդաբերություն ԼՈՒՐԵՐ: Ներզատական համակարգ ԼՈՒՐԵՐ: Մանկաբարձություն և ուրոգինեկոլոգիա

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ