Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հրատապ թեմա Հայաստանում

Կաթվածների բուժման կենտրոն` Գյումրիում. հարցազրույց Ժորա Բաղդասարյանի հետ

Կաթվածների բուժման կենտրոն` Գյումրիում. հարցազրույց Ժորա Բաղդասարյանի հետ

Օրերս պարզեցինք, որ Գյումրու բժշկական կենտրոնում գործում է կաթվածի ծառայություն: Այդ կապակցությամբ զրուցեցինք Գյումրու բժշկական կենտրոնի նյարդաբանական և կաթվածի ծառայության ղեկավար Ժորա Բաղդասարյանի հետ:


Ե՞րբ և ինչպե՞ս որոշվեց ստեղծել կաթվածների բուժման ծառայություն` Գյումրիում:


2019-ի փետրվարի 1-ից Հայաստանում ներդրվել են իշեմիկ կաթվածների բուժման նորագույն մեթոդներ`պետպատվերի սահմանում։ Այդ բուժման մեթոդները` թրոմբոլիտիկ թերապիան և թրոմբէկտոմիան, ամբողջ աշխարհում համարվում են բուժման չափանիշներ և շատ արդյունավետ են։


Թրոմբոլրտիկ թերապիայի դեպքում երակից ներարկվում է հատուկ դեղորայք, որը թրոմբներ քայքայելու հատկություն ունի:

 

Վիրահատական բուժման` թրոմբէկտոմիայի դեպքում, ոտքի կամ ձեռքի զարկերակից մտնելով` ներանոթային եղանակով հասնում ենք ուղեղի անոթները խցանած թրոմբին և հեռացնում այն` վերականգնելով ուղեղի արյան նորմալ շրջանառությունը։

 

Գյումրու բժշկական կենտրոնի նյարդաբանական և կաթվածի ծառայության ղեկավար Ժորա Բաղդասարյան

 

Այս մեթոդների կիրառումը իշեմիկ կաթվածի բուժման գործընթացում հեղափոխական մոտեցում է:


2019 թվականից պետությունը ֆինանսավորեց մեթոդների կիրառումը Հայաստանի բոլոր քաղաքացիների համար հանրապետության երկու կենտրոնում՝ «Էրեբունի» բժշկական կենտրոնում և Համալսարանական թիվ 1 հիվանդանոցում, սկսեց գործել «Իշեմիկ կաթվածի պետական ծրագիրը»:  Վերջերս ծրագրին միացավ նաև «Աստղիկ» բժշկական կենտրոնը:


Երեք կենտրոնը գործում է Երևանում և սպասարկում է մայրաքաղաքի ու հարակից մարզերի բնակչությանը, բայց կաթվածի բուժման այս մեթոդները հնարավոր է կիրառել միայն շատ սահմանափակ ժամանակի ընթացքում, երբ ուղեղի վնասումը դեռ շատ չի խորացել: Հեռու մարզերից մայրաքաղաք տեղափոխված պացիենտների դեպքում դրանք  գրեթե կիրառելի չեն`  հիվանդի համար թանկարժեք ժամերի կորստի պատճառով: Ակներև է, որ մարզերում ևս առկա էր կաթվածի բուժման ծառայություն ունենալու պահանջն ու անհրաժեշտությունը:

 

Կաթվածների բուժման կենտրոն` Գյումրիում.

 

Առաջին մարզային կենտրոնը հիմնադրվեց Գյումրիում. ս/թ մարտի 10-ին բացվեց Գյումրի  բժշկական կենտրոնի նյարդաբանական և կաթվածի ծառայությունը: Մինչև այդ,  ամիսներ  շարունակ նախապատրաստական աշխատանքներ էին տարվում:


Այս ամենը հնարավոր դարձավ ՀՀ առողջապահության նախարարության, նրան կից կաթվածի խորհրդի մասնագետների (տեղի և արտասահմանում աշխատող հայազգի  բժիշկների), ինչպես նաև Շիրակի  մարզպետարանի ու Գյումրի բժշկական կենտրոնի ղեկավարության համագործակցության և ջանքերի շնորհիվ։


Մենք պլանավորում ենք հեռաբժշկության օգնությամբ հիվանդների բուժման որակն է՛լ ավելի բարձրացնել։ Բարդ դեպքերի ժամանակ հնարավոր կլինի կատարել հիվանդների տվյալների փոխանակում այլ կենտրոնների հետ  և ստանալ խորհուրդներ  տեղի ու արտերկրի մասնագետների կողմից:


Դա աշխարհում կիրառվում է վաղուց:

 

Կաթվածների բուժման կենտրոն` Գյումրիում. 


Բաժանմունքն արդեն ունի՞ իր փոքրիկ պատմությունը:


Այո, ժամանակակից մեթոդների կիրառման արդյունքում արդեն բուժվել է 10 պացիենտ, քայլառքայլ բարելավվում է նաև կաթվածով և այլ նյարդաբանական հիվանդություններով հիվանդների ախտորոշման ու բուժման որակը Գյումրի ԲԿ-ում։ Նախատեսված է սպասարկել մեր և հարակից մարզերի հիվանդներին:


Խոսենք թիմի մասին, ի՞նչ մասնագիտական ճանապարհ են անցել թիմակիցները:


Այս աշխատանքը միայն թիմային սկզբունքով է հնարավոր իրականացնել: Անհրաժեշտ է 24-ժամյա հերթապահություն, ցանկացած պահի անձնակազմը պետք է պատրաստ լինի պացիենտ ընդունել` մշտապես կապի մեջ լինելով շտապօգնության ծառայության հետ, քանի որ րոպեներն անգամ շատ կարևոր են:


Ներկայում աշխատում է չորս բժիշկ՝ երեք նյարդաբան և ես`որպես նեյրոինտերվենցիոն վիրաբույժ ու նյարդաբան:  Շուտով թիմին կմիանա հինգերորդ նյարդաբանը (նախատեսված է 6-7 մասնագետ):


Ես ռազմական բժիշկ եմ և մոտավորապես 20 տարի ծառայել եմ ՀՀ զինված ուժերի տարբեր օղակներում։ Նախքան Գյումրի տեղափոխվելը 2 տարի աշխատել եմ «Էրեբունի» բժշկական կենտրոնի կաթվածի ծառայությունում որպես նեյրոինտերվենցիոն վիրաբույժ։


Ունեմ երկու մասնագիտություն` նյարդաբանություն և նեյրոինտերվենցիոն վիրաբուժություն։ Երկրորդը ձեռք եմ բերել` 3 տարի ուսանելով Շանհայում` Չինաստանի ռազմաբժշկական համալսարանում: Մեր նյարդաբանները երիտասարդ և խոստումնալից մասնագետներ են.  երկուսը ծննդով Գյումրիից են, նյարդաբանը տեղափոխվել է Երևանից։  


Բոլորմասնագետները մինչև ծրագրի մեկնարկը պրակտիկ փորձ են ձեռք բերել «Էրեբունի» ԲԿ կաթվածի թիմի հետ` ամիսներ աշխատելով և հերթապահելով։

 

Որքանո՞վ է ծառայության տեխնոլոգիական և սարքերով հագեցվածությունը համապատասխանում արդի պահանջներին:


Տեխնիկական հագեցվածությամբ շատ մոտ ենք միջազգային չափանիշներին և աշխատում ենք միջազգային ուղեցույցներով: Այժմ կենտրոնում առկա են մագնիսառեզոնանսային և համակարգչային տոմոգրաֆներ,  անգիոգրաֆ, գործում է ՀՀ ում ամենաբարձր երրորդ կարգի վերակենդանացման բաժանմունք, շատ հագեցած  սրտաբանական ծառայություն և  ինվազիվ սրտաբանություն,  անոթային վիրաբուժության  ծառայություն, լաբորատոր, և գործիքային  այլ հարակից ծառայություններ:


Հարկ եմ համարում նշել, որ բուժման արդյունավետության համար ավելի կարևոր է մոտիվացված և պրոֆեսիանալ մասնագետը:

 

Եթե կան լավ մասնագետներ, մշակված աշխատաոճ և առողջ աշխատանքային մթնոլորտ, ապա աշխատանքը կլինի որակյալ:


Մասնագիտական հարցերում մեզ շատ են օգնում «Էրեբունի» բժշկական կենտրոնի կաթվածի թիմի մասնագետները, արտերկրից  (Ֆրանսիա, Չինաստան, Կանադա, ԱՄՆ) հայազգի հայրենասեր և պրոֆեսիոնալ բժիշկներ, նաև իմ  ուսուցիչները` Չինաստանից։ «Էրեբունի» ԲԿ-ից 2-3 շաբաթով մեզ մոտ մասնագետներ են գործուղվում` տեղում ուժեղացնելով մեր թիմը։ Նրանց հետ մենք  ունենք մասնագիտական և ընկերական սերտ շփում:

 

Կաթվածների բուժման կենտրոն` Գյումրիում.


Մի քիչ վիճակագրություն. ի՞նչ տարածաշրջան կարող է սպասարկել կենտրոնը, և որքա՞ն պացիենտ կարող է միաժամանակ բուժվել:


Կաթվածը խիստ վտանգավոր և տարածված հիվանդություն է: Այն աշխարհում և մեզ մոտ մահվան երկրորդ պատճառն է, հաշմանդամության` առաջին պատճառը Հայաստանում: Հայաստանի վիճակագրական տվյալները բավականին թերի են: Մեր ունեցած տվյալների համաձայն տարեկան մոտավորապես 5000 նոր կաթվածի դեպքեր են արձանագրվում: Հավանաբար, իրական թիվն ավելի մեծ է, քանի որ շատ դեպքերում այս հիվանդությունը չի ախտորոշվում. հիվանդները տանն են բուժվում, մահվան ելքեր են լինում՝ առանց ախտորոշման:


Կաթվածի բուժման ծրագրի նպատակն է իջեցնել մահացությունը և հաշմանդամությունը, որը մեզ մոտ  շատ բարձր  է` համեմատած զարգացած երկրների։


Թրոմբոլիտիկ թերապիան հնարավոր է իրականացնել հիվանդության նշանները սկսելուց 4,5 ժամվա ընթացքում, իսկ թրոմբէկտոմիան` մոտավորապես 6-7 ժամվա ընթացքում, բացառիկ դեպքերում` մինչև 24 ժամ, եթե ուղեղի վնասումը շատ չի խորացել։ Այդ դեպքում վիրահատության իրականացնելն անիմաստ է և վտանգավոր։ Որքան շուտ ենք սկսում բուժումը, այնքան արդյունավետությունը բարձր է, բարդությունները՝ քիչ:

 

Գյումրու բժշկական կենտրոնի նյարդաբանական և կաթվածի ծառայության ղեկավար Ժորա Բաղդասարյան

 

Ինչպե՞ս է կազմակերպվում  հիվանդների վերականգնողական շրջանը:


Կաթվածի բուժման մեջ մեծ նշանակություն ունի վերականգնողական բուժումը։ Շատ դեպքերում վերջույթների թուլության, խոսքի խանգարման և այլ նշանների   շտկման համար երկարատև աշխատանք է պահանջվում: Դրանով զբաղվում են մեր վերականգնողական բաժանմունքի մասնագետները:


Մենք շատ ենք կարևորում նաև կանխարգելման աշխատանքները` տարբեր օղակներում։


Ձեր խոսքը` գործընկերներին:


Մարզերում աշխատելն իր առավելություններն ունի, չնայած կան որոշ դժվարություններ: Ցանկանում եմ երիտասարդ բժիշկներին կոչ անել՝ լինել ավելի համարձակ և աշխատել մարզերում, դա ազգանվեր, պատվաբեր աշխատանք է և հետագայում մեծ հաջողությունների տանող ճանապարհ: Մարզերում նունպես կան հիանալի աշխատանքային պայմաններ, պետք է գալ, մնալ և ուժեղացնել տեղի բժշկությունը: 

 

Կաթվածների բուժման կենտրոն` Գյումրիում

 

 

 

Սկզբնաղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

ՀՀ ԱՆ. Կոլոռեկտալ քաղցկեղի վաղ հայտնաբերման սքրինինգային ծրագիր` 50-75 տարիքային խմբի համար
ՀՀ ԱՆ. Կոլոռեկտալ քաղցկեղի վաղ հայտնաբերման սքրինինգային ծրագիր` 50-75 տարիքային խմբի համար

Հուլիսի 15-ից մեկնարկում է առողջապահության նախարարի հրամանով հաստատված «Կոլոռեկտալ քաղցկեղի վաղ հայտնաբերման սքրինինգային փորձարարական ծրագիրը», որի նպատակն է բնակչության 50-75 տարիքային խմբում...

ԼՈՒՐԵՐ: Հրատապ խնդիրներ Հայաստանում
ԵՊԲՀ. Հարվարդի համալսարանում ձեռք բերված փորձը ԵՊԲՀ դասախոսը կկիրառի հայրենիքում
ԵՊԲՀ. Հարվարդի համալսարանում ձեռք բերված փորձը ԵՊԲՀ դասախոսը կկիրառի հայրենիքում

Հայաստանում գործող մանկական ուռուցքաբանության և արյունաբանության 3 բաժինները 2019 թվականին միավորվեցին Ռ․ Հ․ Յոլյանի անվան Արյունաբանական կենտրոնի կամարների ներքո և ստեղծվեց Հայաստանի մանկական քաղցկեղի...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Հոգեբանական աջակցությունն ու վերականգնողական բժշկական օգնությունը հնարավորինս հասանելի կլինեն
ՀՀ ԱՆ. Հոգեբանական աջակցությունն ու վերականգնողական բժշկական օգնությունը հնարավորինս հասանելի կլինեն

Առողջապահության նախարար Անահիտ Ավանեսյանն այցելել է «Հերոսների վերականգնողական քաղաք», որը կառուցվում է ռազմական գործողությունների ժամանակ հաշմանդամություն ստացած զինծառայողների, նրանց ընտանիքի...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Երևանում առողջապահական ծառայությունների դիմաց վճարները կկատարվի միայն անկանխիկ
ՀՀ ԱՆ. Երևանում առողջապահական ծառայությունների դիմաց վճարները կկատարվի միայն անկանխիկ

2022 թվականի հուլիսի 1-ից «Անկանխիկ գործառնությունների մասին» ՀՀ օրենքի 6-րդ հոդվածի 4-րդ կետի համաձայն` Երևան քաղաքում գործունեություն իրականացնող բժշկական հաստատություններում մատուցվող բոլոր...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. «Կյանք առանց ցավի». քննարկվել են արդյունավետ ցավազրկման խնդիրները ՀՀ-ում
ՀՀ ԱՆ. «Կյանք առանց ցավի». քննարկվել են արդյունավետ ցավազրկման խնդիրները ՀՀ-ում

Պացիենտի լիարժեք ցավամոքման, պատշաճ բուժօգնության տրամադրման և ուժեղ ցավազրկողների հասանելիության ուղղությամբ օրենսդրական բոլոր կարգավորումներն առկա են: Օրենքը թույլատրում է, սակայն գործնականում խնդիրները...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Հայաստանում բուժծառայությունների որակի նոր մշակույթ կձևավորվի
ՀՀ ԱՆ. Հայաստանում բուժծառայությունների որակի նոր մշակույթ կձևավորվի

Առողջապահական ծառայությունների որակի բարելավման ուղղությամբ վերջին տարիներին կատարված աշխատանքները նոր փուլ են մտնում...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Հոգեկան առողջության խնդիրները` օրակարգում
ՀՀ ԱՆ. Հոգեկան առողջության խնդիրները` օրակարգում

Առողջապահության նախարար Անահիտ Ավանեսյանի հրամանով ստեղծված Հոգեկան առողջության պահպանման և բարելավման միջոցառումների ծրագրի մշակման աշխատանքային խումբը հերթական քննարկումն է անցկացրել...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Առողջապահության համաչափ զարգացման ապահովում
ՀՀ ԱՆ. Առողջապահության համաչափ զարգացման ապահովում

Մարզային բժշկական կենտրոնների համաչափ զարգացումն առողջապահության նախարարության առաջնահերթություններից է:

Բժշկական ծառայությունների որակի, մատչելիության և հասանելիության ապահովմանն է ուղղված նաև ոլորտի...

ԼՈՒՐԵՐ: Հրատապ խնդիրներ Հայաստանում
ՀՕՖ-ի Շարունակական բժշկական կրթության ծրագիր
ՀՕՖ-ի Շարունակական բժշկական կրթության ծրագիր

Շարունակական բժշկական կրթություն ծրագիրը (ՇԲԿ) նպաստում է Հայաստանում և Արցախում աշխատող բժիշկների շարունակական մասնագիտական զարգացմանը՝ օգնելով նրանց ձեռք բերել նոր հմտություններ...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Ստեղծվել է հոգեկան առողջության պահպանման և բարելավման միջոցառումների ծրագրի մշակման աշխատանքային խումբ
ՀՀ ԱՆ. Ստեղծվել է հոգեկան առողջության պահպանման և բարելավման միջոցառումների ծրագրի մշակման աշխատանքային խումբ

Հոգեկան առողջությունն առողջապահության նախարարության առաջնահերթություններից է: Այս նպատակով էլ առողջապահության նախարար Անահիտ Ավանեսյանի հրամանով ստեղծվել է հոգեկան առողջության պահպանման...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Ոչ վարակիչ հիվանդությունների դեմ պայքարը` գերակայություն
ՀՀ ԱՆ. Ոչ վարակիչ հիվանդությունների դեմ պայքարը` գերակայություն

Գարնանը սրվող սրտանոթային հիվանդությունների, առողջ ապրելակերպի և հանրային առողջապահական այլ խնդիրների վերաբերյալ առողջապահության նախարարությունում տեղի է ունեցել մամուլի ասուլիս...

ԼՈՒՐԵՐ: Հրատապ խնդիրներ Հայաստանում
Հայաստանում բժշկական ապահովագրության ներդրումը` արդի պահանջ. հարցազրույց ՀԲԱ նախագահ Արմեն Սողոյանի հետ
Հայաստանում բժշկական ապահովագրության ներդրումը` արդի պահանջ. հարցազրույց ՀԲԱ նախագահ Արմեն Սողոյանի հետ

Դեռևս 2019 թ. դեկտեմբերին կայացած Հայկական բժշկական ասոցիացիայի և առողջապահության ոլորտի մասնագիտական ասոցիացիաների համատեղ կազմակերպված խորհրդաժողովի ընթացքում քննարկվեց...

Բժիշկներ
ՀՀ ԱՆ. Հայաստանում առկա մանկաբարձագինեկոլոգիական խնդիրները քայլ առ քայլ կլուծվեն
ՀՀ ԱՆ. Հայաստանում առկա մանկաբարձագինեկոլոգիական խնդիրները քայլ առ քայլ կլուծվեն

Կայացել է առողջապահության նախարարին կից մանկաբարձության և գինեկոլոգիայի խորհրդի նիստը, որը վարել է առողջապահության նախարարի տեղակալ Արտակ Ջումայանը...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Ուժի մեջ է մտել ծխախոտային արտադրատեսակների հրապարակային ցուցադրման արգելքը
ՀՀ ԱՆ. Ուժի մեջ է մտել ծխախոտային արտադրատեսակների հրապարակային ցուցադրման արգելքը

Ազգային ժողովի կողմից ընդունված «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքի հիմնական դրույթները սկսել են գործել 2020 թվականի...

ԼՈՒՐԵՐ: Հրատապ խնդիրներ աշխարհում

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ