Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ճարպակալում

Ո՞ր մթերքներն են նպաստում գոտկատեղի շուրջ ճարպի գոյացմանը. 168.am

Ո՞ր մթերքներն են նպաստում գոտկատեղի շուրջ ճարպի գոյացմանը. 168.am

Յուրաքանչյուր կին ուզում է ձիգ կազմվածք և բարակ գոտկատեղ ունենալ: Բայց երբեմն ճիշտ են սնվում, հետևում են սննդակարգին և օրվա ռեժիմն են պահում, սակայն գոտկատեղի ճարպը չի անհետանում: Ցանկալի արդյունքին հասնելու համար փորձեք որոշ մթերքներ բացառել սննդակարգից:

Ալյուրից պատրաստված մթերքներ և խմորեղեն

Սրանք հարթ որովայնի ամենաոխերիմ թշնամիներն են: Ալյուրի մեծ քանակություն պարունակող բոլոր մթերքներն անխուսափելիորեն իրենց հետ բերում են ճարպի կուտակման հավանականություն: Այդպիսի մթերքներից են ինչպես՝ հացը և հացաբուլկեղենը, այնպես էլ՝ խմորեղենը`տորթերն ու տարբեր տեսակի թխվածքները: Քաղցր թխվածքը տառացիորեն հագեցած է արագ քայքայվող պարզ ածխաջրերով: Դրանց օրգանիզմ ընկնելուց հետո հագեցածության զգացողությունն արագ լքում է մարդուն, և վերջինս կրկին ուզում է ուտել դրանք: Բնականաբար, այդ քայքայված ածխաջրերն արագ վերածվում են ճարպի և հիմնավորվում հատկապես գոտկատեղի վրա: Հատկապես ակտիվորեն ճարպի կուտակմանը նպաստում են թխվածքեղենը, պաղպաղակը, քաղցր թխվածքաբլիթները, կրեմով տորթերն ու մյուս խմորեղենը, ինչպես նաև՝ շոկոլադն ու ամենատարատեսակ ջեմերն ու մուրաբաները:

Շաքար

Հարթ որովայն ունենալու համար չի խանգարում հրաժարվել նաև շաքարից, ինչպես նաև մեծ քանակությամբ շաքար պարունակող մթերքներից: Այդպիսի մթերքներից են նաև խանութներում վաճառվող ստվարաթղթե տարաների մեջ լցված հյութերը: Եթե քաղցրից իսպառ հրաժարվել չի հաջողվում, կարելի է փորձել շաքարը փոխարինել մեղրով:  Այն խելամիտ քանակությամբ օգտագործելու դեպքում կազմվածքի համար ոչ մի վտանգ չի ներկայացնի:

Աղ

Օրգանիզմում աղի քանակությունը նույնպես շատ չպետք է լինի, քանի որ այն թույլ չի տալիս հեղուկը դուրս բերել օրգանիզմից, ինչն իր հերթին՝ կարող է այտուցի պատճառ լինել:

Կարտոֆիլ

Այն թույլատրելի է օգտագործել միայն եփած վիճակում, ընդ որում, ցանկալի է ուտել նոր, թարմ կարտոֆիլ: Ինչ վերաբերում է շատերի կողմից սիրված տապակած կարտոֆիլին, ապա այն ոչ միայն որևէ կերպ չի նպաստում նիհարելուն, այլև` ընդհակառակը:


Սպիտակ մշակված բրինձ և սպիտակաձավար

Այդպիսի բրնձի բաղադրության մեջ մտնող օսլան բոլորովին էլ օգտակար չէ կազմվածքի համար: Իհարկե, սննդակարգից սպիտակ բրինձն իսպառ բացառել պետք չէ, սակայն շաբաթը 2 անգամից ավելի էլ պետք չէ ուտել: Դրա փոխարեն՝ շագանակագույն, չմշակված բրինձ կարող եք ուտել անսահմանափակ քանակությամբ: Ինչ վերաբերում է սպիտակաձավարին, այն ևս պետք է ներառել արգելված մթերքների ցանկում, այլապես գոտկատեղի ճարպը միայն կավելանա:

Խաղող և բանան

Որքան էլ պարադոքսալ է, նշված մրգերը ևս կարող են սադրել որովայնի վրա ճարպային կուտակումների գոյանալը, այնպես որ, պետք չէ չարաշահել դրանց գործածությունը:

Արագ պատրաստվող շիլաներ և մյուսլիներ

Այս մթերքներից ևս ավելի լավ է հրաժարվել, քանի որ դրանք հարուստ են պարզ ածխաջրերով, բացի դրանից, դրանք ուտելուց հետո քաղցի զգացումը շատ արագ է վերադառնում:

Մսային արգանակներ և յուղոտ միս

Ամենևին էլ լավ գաղափար չէ անդադար մսային արգանակներ օգտագործելը, քանի որ դրանցում մեծ քանակությամբ «վատ» խոլեսթերին է պարունակվում: Խուսափել պետք է նաև յուղոտ մսից, այլապես կմոռանաք հարթ որովայնի մասին:

Մայոնեզ, երշիկ, ծխեցված մսամթերք և պահածոներ

Այս մթերքները ակտիվորեն խոչընդոտում են ճարպից ազատվելուն, քանի որ մեծ քանակությամբ ճարպեր են պարունակում:

Ֆասթ-ֆուդ կամ արագ պատրաստվող սնունդ

Բացի նրանից, որ ֆասթ-ֆուդը շատ կալորիական է, նաև ունակ է արգելակել օրգանիզմում նյութափոխանակության գործընթացները, քանի որ պարունակում է մեծ քանակությամբ ամենատարբեր արհեստական հավելումներ: Իսկ այնտեղ, որտեղ դանդաղում է նյութափոխանակության գործընթացը, սնունդը յուրացվում է շատ վատ, ինչի արդյունքում նիհարելու մասին խոսք անգամ լինել չի կարող:

Է՞լ ինչից է պետք զգուշանալ

Հարթ որովայն ունենալու համար միայն սննդակարգում սահմանափակումներ մտցնելը բավարար չէ: Պետք է իսպառ հրաժարվել ծխախոտից և ալկոհոլից: Հատկապես վատ կազմվածքի վրա անդրադառնում է գարեջուրը, բայց դա չի նշանակում, որ մյուս ալկոհոլային խմիչքները պակաս վնասակար են: Դրանք դանդաղեցնում են օրգանիզմի նյութափոխանակության գործընթացները:

Ո՞ր մթերքների վրա է պետք ուշադրություն դարձնել

Չնայած այն բանին, որ գեղեցիկ և հարթ որովայնը պահանջում է մի շարք համեղ, սակայն բացարձակապես ոչ օգտակար մթերքներից հրաժարում, կան բավականին շատ ոչ պակաս համեղ սննդատեսակներ, որոնք հանգիստ կարող եք թույլ տալ: Դրանցից են բանջարեղենը` դդում, ճակնդեղ, պոմիդոր, վարունգ, գազար, բազուկ, մրգերը` մանդարին, կիտրոն, սեխ, սալոր, ձմերուկ, խնձոր, դեղձ, թուրինջ ու նարինջ, և հատապտուղները` ելակ, մորի, հաղարջ և այլն: Բնության այս բոլոր բարիքները կարող են պարծենալ բջջանյութի մեծ քանակի պարունակությամբ, որը նպաստում է օրգանիզմից թույները դուրս բերելուն:

Ուտել պետք է հաճախ, բայց` քիչ-քիչ: Սննդակարգում պետք է ընդգրկված լինեն նաև ձկնեղեն, ձու, անյուղ միս և կաթնաշոռ, որոնք ցանկալի է համադրել բանջարեղենով կամ մրգերով: Իսկ լավագույն նախաճաշը ցորենի, հնդկաձավարի և վարսակի շիլաներն են: Ճաշին կարելի է ուտել համեղ բանջարեղենային ապուր՝ մի կտոր խաշած մսով կամ ձկով: Ընթրիքն ավելի լավ է փոխարինել թեթև բանջարեղենային աղցանով: Չի խանգարում խմել նաև բավարար քանակությամբ ջուր կամ հանքային ջուր, կոմպոտներ և բնական հյութեր:

Ինչո՞վ փոխարինել «վնասակար» մթերքները

Սիրելի ճաշատեսակների էներգետիկ արժեքը նվազեցնելու համար բավական է արգելված մթերքները փոխարինել ավելի պակաս կալորիականություն ունեցող տարբերակներով: Օրինակ, տապակած կարտոֆիլի փոխարեն կարելի է պատրաստել համեղ պյուրե, աղցանները պատրաստել բուսայուղով, այլ ոչ թե մայոնեզով, իսկ հացի հիանալի փոխարինող կարող է լինել չորահացը: Յուղոտ խոզի մսով կերակրատեսակները հեշտությամբ կարելի է փոխարինել անյուղ հորթի կամ տավարի մսով, ինչպես նաև թռչնամսով կամ ճագարով: Տվյալ դեպքում գերազանց տարբերակ է շոգեխաշած կամ եփած մսամթերքը: Քաղցրի պահանջի դեպքում օգտագործեք չամիչ, չրեղեն, երբեմն՝ նաև եգիպտացորենի փաթիլներ:

Ինչո՞վ է վտանգավոր գոտկատեղի ճարպը

«Բարակ գոտկատեղ` երկար կյանք» արտահայտությունը հիմնավորված է, քանի որ գոտկատեղի ճարպը ո՛չ միայն գեղագիտական թերություն է, այլև իրական վտանգ կյանքի որակի և նրա տևողության համար: Որքան քիչ լինի գոտկատեղի ճարպը, այնքան մարդն ավելի քիչ հավանականություն կունենա բախվել այնպիսի  խնդիրների հետ, ինչպիսիք են օնկոլոգիան, շաքարախտը, լյարդի հիվանդությունները, ասթման, կաթվածը: Հղիանալը նույնպես հեշտ կլինի: Այդ ճարպն իրենից ներկայացնում է անհավանական քանակությամբ մետաբոլիկ ակտիվ բջիջների կուտակում, որոնք շարունակ արտադրում են ամենատարատեսակ քիմիական նյութեր և մոտավորապես 30 տեսակի հորմոններ:

Ընդ որում, դրանց մեծ մասը կործանարար ազդեցություն կարող է ունենալ աղիների, անոթների, սրտի և լյարդի համար: Ցավոք, վիսցերալ, այսինքն՝ ներքին ճարպից հնարավոր չէ ազատվել ոչ գոտկատեղին պոլիէթիլենային թաղանթ փաթաթելով, ոչ տարբեր ՍՊԱ միջոցառումներով ու մերսումներով:

Այդ պատճառով ավելի հեշտ է կանխել դրա առաջացումը, քան թե հետո փորձել ազատվել դրանից: Սակայն պետք չէ հուսահատվել: Եթե այն արդեն կա, զգայուն է մարմնամարզության, շարժողականության և սննդակարգի նկատմամբ: Իսկ դա նշանակում է, որ պետք է շատ շարժվել և ճիշտ սնվել:

Սկզբնաղբյուր. 168.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Ինչո՞ւ է որովայնի ճարպակալումը վտանգավոր. urolog.am
Ինչո՞ւ է որովայնի ճարպակալումը վտանգավոր. urolog.am

Որովայնի ճարպակալում ասելով չենք հասկանում միայն ենթամաշկային շերտի ճարպը, այլև ընդերային և ներքին օրգանների ճարպը: Ընդերային ճարպը արտազատում է նյութեր, որոնք մեծացնում են ինսուլինի դիմադրությունը...

Թերապիա
Ճարպակալումը և լապարոսկոպիան. armeniamedicalcenter.am
Ճարպակալումը և լապարոսկոպիան. armeniamedicalcenter.am

Ճարպակալումը նոր ժամանակների տարածված խնդիրներից է, որը, բացի կոսմետիկ անհարմարությունից, կարող է նպաստել նաև տարբեր հիվանդությունների առաջացմանը՝ ինֆարկտ, ինսուլտ, ուռուցքներ...

Պլաստիկ վիրաբուժություն
Որո՞նք են ճարպակալման հետևանքները. urolog.am
Որո՞նք են ճարպակալման հետևանքները. urolog.am

Հարց

Ճարպակալումը ինչպիսի՞ վտանգ է ներկայացնում առողջությանը։

Պատասխան...

Ինչ անել, եթե ախտորոշել են ճարպակալում. nairimed.com
Ինչ անել, եթե ախտորոշել են ճարպակալում. nairimed.com

Ճարպակալումը  միայն ավելորդ քաշը չէ, այլ լուրջ քրոնիկ հիվանդություն է, որը զարգանում է ֆիզիոլոգիական և գենետիկ գործոնների, ինչպես նաև շրջակա միջավայրի  ազդեցությամբ: Ճարպակալման զարգացման ընթացքում...

Բույս, որը կօգնի ազատվել ավելորդ կիլոգրամներից
Բույս, որը կօգնի ազատվել ավելորդ կիլոգրամներից

Մաղադանոսն օգտագործվում է բազմաթիվ ճաշատեսակների պատրաստման ժամանակ: Այն առանձնանում է ո՛չ միայն համով, այլև օգտակար հատկություններով: Fithacker.ru-ի հաղորդմամբ՝ մաղադանոսը միզամուղ հատկություն ունի...

Դեղաբույսեր Ավանդական բուժման մեթոդներ և միջոցներ
Ճարպակալումը և հղիությունը. հարցազրույց Լուսինե Մանուկյանի հետ. morevmankan.am
Ճարպակալումը և հղիությունը. հարցազրույց Լուսինե Մանուկյանի հետ. morevmankan.am

Ավելորդ քաշի, ճարպակալման խնդիրը խիստ արդիական է և վերջին տարիներին դարձել է լուրջ բժշկա-սոցիալական, համաշխարհային առողջապահական խնդիր: Ըստ Առողջապահության համաշխարհայի...

Հղիություն, ծննդաբերություն Պերինատոլոգիա, մանկաբարձություն և ուրո-գինեկոլոգիա
ՀՀ ԱՆ. Ավելորդ քաշն ու ճարպակալումը COVID-19-ի պայմաններում
ՀՀ ԱՆ. Ավելորդ քաշն ու ճարպակալումը COVID-19-ի պայմաններում

Բազմաթիվ ուսումնասիրությունների համաձայն` կորոնավիրուսային հիվանդություն հաստատված ամենածանր հիվանդներից շատերն ունեցել են ճարպակալում1: Համաշխարհային վերլուծությունը ցույց է տալիս, որ ճարպակալումը...

ՀՀ ԱՆ. Ավելցուկային քաշն ու ճարպակալումը` ռիսկի գործոն
ՀՀ ԱՆ. Ավելցուկային քաշն ու ճարպակալումը` ռիսկի գործոն

Առողջապահության համաշխարհային կազմակերպության (ԱՀԿ) տվյալների համաձայն՝ ավելցուկային քաշն ու ճարպակալումը մի շարք ոչ վարակիչ հիվանդությունների (ՈՎՀ) զարգացման ռիսկի գործոն են, ինչպիսիք են` սրտանոթային հիվանդությունները...

Ճարպակալումը և շնչառությունը. izmirlianmedicalcenter.com
Ճարպակալումը և շնչառությունը. izmirlianmedicalcenter.com

Ճարպակալումը խաթարում է շնչառական ֆունկցիան՝ առաջացնելով շնչառական խանգարումներ ինչպես արթուն, այնպես էլ քնած վիճակում: Արթուն վիճակում թոքերը չեն կարող լիարժեք գործել կրծքավանդակի ծանր լինելու պատճառով...

Շնչառական համակարգ
Ճարպակալում. հաճախ տրվող հարցերին պատասխանում է Լուսինե Մամիկոնյանը. armeniamedicalcenter.am
Ճարպակալում. հաճախ տրվող հարցերին պատասխանում է Լուսինե Մամիկոնյանը. armeniamedicalcenter.am

Ի՞նչ է հավելյալ քաշը և ի՞նչ է ճարպակալումը:

Ճարպակալումը համարվում է հիվանդագին վիճակ, որի ժամանակ լինում է մարմնի ավելցուկային ճարպ...

Օրգանիզմում տարիքի հետ կուտակվող ճարպը ճարպոտ կերակուրից չէ. ինչպես ազատվել. 168.am
Օրգանիզմում տարիքի հետ կուտակվող ճարպը ճարպոտ կերակուրից չէ. ինչպես ազատվել. 168.am

Ցելյուլիտը վերացնելու միակ միջոցը ճիշտ սնվելն է: Ճարպային բջիջները չեն վերանում ինքնըստինքյան: Superboss.info-ն ներկայացնում է ճիշտ սնվելու բաղադրատոմսեր նիհարելու համար: Ընտրեք 10 տարբերակներից...

Նյութափոխանակությունն արագացնելու և նիհարելու 12 միջոց. 168.am
Նյութափոխանակությունն արագացնելու և նիհարելու 12 միջոց. 168.am

Budetezdorovy.ru-ն գրում է, որ ավելորդ քաշը լուրջ սպառնալիք է առողջության, հատկապես՝ անոթների և սրտի համար։ Ավելորդ քաշից ազատվելու և քաշը պահպանելուն նպաստում է արագ նյութափոխանակությունը...

Օգտակար խորհուրդներ
Ինչպե՞ս օգտագործել ակտիվացված ածուխը նիհարելու համար. 168.am
Ինչպե՞ս օգտագործել ակտիվացված ածուխը նիհարելու համար. 168.am

Ակտիվացված ածուխը կարող է արգելափակել ճարպերի և ածխաջրերի յուրացումը, նվազեցնել մթերքի կալորիականությունը, ինչի շնորհիվ տեղի է ունենում քաշի նվազում։ Fithacker.ru-ն ներկայացրել է ածուխի օգտագործման մի քանի եղանակ...

Ինչո՞վ է օգտակար արքայախնձորով ջուրը. 168.am
Ինչո՞վ է օգտակար արքայախնձորով ջուրը. 168.am

Արքայախնձորի օգտակար հատկությունները շատերին են հայտնի։ Այս միրգը խորհուրդ է տրվում նրանց, ովքեր ցանկանում են ազատվել ավելորդ կիլոգրամներից. այն հնարավորություն է տալիս մաքրել օրգանիզմը կուտակված տոքսիններից...

Սնունդը և առողջությունը
Կոկտեյլներ, որոնք կօգնեն նիհարել. 168.am
Կոկտեյլներ, որոնք կօգնեն նիհարել. 168.am

Առաջարկվող կոկտեյլներն օրգանիզմը կապահովեն անհրաժեշտ սննդարար նյութերով։ Դրական արդյունքը բավականին շուտ կնկատեք. քաշը կսկսի նվազել։ Steptohealth.ru-ն գրում է, որ դա տեղի կունենա ճարպերի քանակի նվազեցման շնորհիվ...

Սնունդը և առողջությունը Ավանդական բուժման մեթոդներ և միջոցներ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ