Վիրաբուժություն
«Մասնագիտությունը՝ բժիշկ» շարքից․ Արմենիա ՀԲԿ վերակենդանացման բաժանմունքի կլինիկայի ղեկավար Սիրանուշ Ավագյան. armeniamedicalcenter.am
![«Մասնագիտությունը՝ բժիշկ» շարքից․ Արմենիա ՀԲԿ վերակենդանացման բաժանմունքի կլինիկայի ղեկավար Սիրանուշ Ավագյան. armeniamedicalcenter.am «Մասնագիտությունը՝ բժիշկ» շարքից․ Արմենիա ՀԲԿ վերակենդանացման բաժանմունքի կլինիկայի ղեկավար Սիրանուշ Ավագյան. armeniamedicalcenter.am](up/article/big/file_63727_4750391.jpg)
Բժշկի աշխատանքն ունի դժվարության իր երանգները, Հիպոկրատի «ծանր գլխարկի» ծանրության տարբեր չափերը, և սխալ չի լինի ասել, որ անեսթեզիոլոգ-ռեանիմատոլոգի մասնագիտացումն ընտրած բժիշկներն ընտրում են ծանրերից ծանրը:
«Արմենիա» ՀԲԿ վերակենդանացման բաժանմունքի կլինիկայի ղեկավար Սիրանուշ Ավետիսի Ավագյանը հենց այդ նվիրյալ բժիշկներից է:
«Ասում են՝ բժիշկը սովորում է մարդկային կորստին: Նման բան չկա. երբեք հնարավոր չէ կորստի հետ հարմարվել, հատկապես՝ վաղաժամ կորուստների: Դրա համար բաժանմունքում աշխատելու ընթացքում մենք աշխատում ենք մինչև վերջ անձնիրաբար նվիրվել, փորձել կյանքի բերել այն մարդկանց, որոնք դեռևս ոչ թե կյանքից հեռանալու, այլ… ապրելու իրավունքն ունեն»: Եվ Սիրանուշ Ավագյան Բժիշկը, Մարդը՝, ապրում է այլոց ապրելու իրավունքը պահպանելու, նրանց կյանք նվիրելու գործին ՝ իր կյանքը նվիրելով գրեթե անմնացորդ…
Ե՞րբ հասունացավ Ձեր մեջ բժիշկ դառնալու ցանկությունը։
Կյանքի բերումով բոլորն էլ հարազատների մեջ ունենում են հիվանդներ, որոնք օգնության կարիք են ունենում, և իրավիճակներ են ստեղծվում, երբ շփվում են բժիշկների հետ: Երբ խոշոր վրաերթի ենթարկվեց եղբայրս, մեր ընտանիքը ևս նման իրավիճակում հայտնվեց: Եղբորս կազդուրվելուց հետո հորս երազանքը դարձավ իր ընտանիքում բժիշկ ունենալը: Նա շատ հպարտ էր, որ զավակները գերազանց են սովորում և իր երազանքի իրականացման մեջ խնդիր չէր տեսնում: Այդ երազանքը շուտով դարձավ նաև իմը: Եվ այնպես, իմ մասնագիտական ընտրության մեջ մեծ դեր ունեցավ հայրս՝ մեծապատիվ Ավետիսը:
Երազանքը՝ երազանք, բայց բժիշկ դառնալը դժվար ճանապարհ է ենթադրում․․․
Այո, ճանապարհը հեշտերից չէ: Երբ առաջին կուրսում էի՝ որոշեցի չբավարարվել միայն ընթացիկ ուսումնառությամբ. փորձում էի ավելի մոտիկից ականատես լինել ծայրահեղ իրավիճակների, որոնք ինձ անչափ հետաքրքրում էին: Գրեթե ամբողջ ազատ ժամանակն անցկացնում էի վերակենդանացման բաժանմունքներում և վիրասրահներում: Փորձում էի լինել հանրապետության տարբեր հիվանդանոցներում՝ հատկապես այն բաժիններում, որտեղ ծայրահեղ վիճակներից փորձում էին հիվանդներին դուրս բերել: Այդպես շփվում էի բժիշկ անեսթեզիոլոգ-ռեանիմատոլոգների հետ որպես նրանց փոքր ընկեր, և հետագայում, բնականաբար, նեղ մասնագիտական ուղղություն ընտրեցի անեսթեզիոլոգիա-ռեանիմացիան: Իմ այդ համարձակ քայլը՝ ինձ բժիշկ տեսնելու ցանկությամբ ապրող հորս անգամ զարմացրեց, որովհետև գիտեր, թե ինչ վտանգավոր, անձնազոհություն պահանջող ուղի եմ ընտրել:
Որո՞նք են եղել առավել դժվար իրավիճակները։
Իհարկե փորձում էի նաև ընտանիքիս անդամներին օգտակար լինել: Սակայն, ցավոք, միշտ չէ, որ մեր ցանությունն իրականություն է դառնում և ամեն բան չէ, որ մեր հնարավորությունների սահմաններում է գտնվում: Ես ևս որոշ իրավիճակներում չկարողացա մեծ օգնություն ցուցաբերել, ունեցա կորուստներ․․․
Ինչո՞վ է այլ բժշկական ծառայություններից տարբերվում ռեանիմատոլոգիան, և որքանո՞վ է ծանր «Հիպոկրատի գլխարկը» վերակենդանացման բաժանմունքի բժշկի համար։
Ռեանիմացիայում աշխատելու ժամանակ հասկացա, որ դա մի ուրիշ աշխարհ է. այդ աշխարհում հայտնվում են բոլորը և այնտեղ հավասար են: Մի աշխարհ է, որտեղ մարդիկ ոչ միայն ֆիզիկական, այլ նաև հոգևոր մեծ օգնության կարիք ունեն: Եվ մարդը, որն ընտրել է բժիշկ-ռեանիմատոլոգի մասնագիտություն,ը պետք է նաև հոգևոր անձնավորություն լինի, որպեսզի հասկանա ծայրահեղ վիճակում գտնվող և այլ խնդիրներով մարդկանց: Ես շնորհակալ եմ Աստծուց, որ մեր բաժանմունքում աշխատում են մարդիկ, որոնք ունակ են նվիրվելու:
Ձեր աշխատանքում ավելի բավարարվածությա՞ն, թե՞ ցավի զգացողությունն է գերաշռում:
Երբ հիվանդի վիճակը կարգավորվում է, մենք ոչ թե ոգևորվում ենք, այլ արդեն իր վիճակի համար հանգիստ, սկսում ենք նրան, կարծես թե, չնկատել: Իսկ կորուստ ունենալիս ցավը մնում է: Երբ շատ վատ եմ զգում, կողքից երիտասարդ բժիշկները հիշեցնում են բազում լավ արդյունքներով դեպքերը, բայց միևնույն է՝ դա չի օգնում, զուգահեռներ չես կարողանում անցկացնել, և այդ կորուստների կողքին հիշել, թե որքան հիվանդներ կարողացար ոտքի հանել: Ես առողջացածներին «բաց եմ թողնում », իսկ մահացածներին չեմ կարողանում «բաց թողնել»: Այս նույն հոգեվիճակը բոլոր անեսթեզիոլոգներին է բնորոշ: Տանջվում ենք կորուստներով՝ չենք մոռանում, չենք հաշտվում դրանց հետ:
Ինչպիսի՞ մասնագիտական, մարդկային որակներ են պետք բժիշկ-անեսթեզիոլոգին։
Մեր աշխատանքում մասնագիտական կրթությունը, փորձը, տարիների ընթացքում ձեռքբերումները և ճիշտ ժամանակին ճիշտ դրսևորում ցուցաբեըելը մեծ նշանակություն ունեն: Այդ ամենի հետ պետք է, անկասկած, ունենալ մարդկային մոտեցում՝ մարդը մարդուն միշտ պետք է կարողանա օգտակար լինել, ձեռք մեկնել: Ցանկանում եմ, որ մեր ոլորտում հայտնված երիտասարդ բժիշկներն առաջնորդվեն այդ սկզբունքով: Մեր բաժնում ինձ ուրախացնում է այն, որ դա տեսնում եմ երիտասարդ բժիշկների մոտ:
Երբ որևէ մեկին օգնելը խնդիրների հետ է կապված (սոցիալական և այլ)՝ նրանցից միշտ նույնն եմ լսում. «Մեղք է»: Եվ վերջ, վճիռն արդեն կայացված է…
Այս ոլորտում պետք է լինել պարզ, հասարակ. գոռոզամտությունը, սեփական անձը վեր դասելը միշտ մասնագտությանը խանգարում են: Անհրաժեշտ է նաև պահպանել սթափությունը, այդ պահին զգացմունքներին չտրվելը, կենտրոնանալը ճիշտ գործողություններ իրականացնելու վրա, որովհետև աշխատանքային հրատապ գործողությունների մեջ մասնագիտական ճկունությունն է կարևոր: Հետո միայն կարելի է տրվել ապրումներին:
Բժշկության այսօրվա առաջընթացը․․․
Այսօրվա բժշկությունը բավականին մեծ հնարավորություններ է ընձեռնում՝ արագ հետազոտելու և արագ միջամտելու: Բժշկության հնարավորություններն այժմ շատ մեծ են նաև վիրաբուժության մեջ, որը թույլ է տալիս ավելի արագ կարգավորել կյանքին վտանգ սպառնացող իրավիճակները: Իհարկե, խելացի մոտեցումը և համապատասխան մասնագիտական պատրաստությունը մեծ դեր ունեն հիվանդի ապաքինման համար:
Մեր հիվանդանոցն ունի իր անհատական մոտեցումը հիվանդներին: Այստեղ մարդ-մարդ հարաբերության մեջ գերակշռում է մարդը: Մեր տնօրենի շնորհիվ մենք ազատ ենք և սահմանափաումներ չունենք
Նման դժվար՝ կյանքի գրեթե ամբողջ տարածքը գրաված մասնագիտության մեջ, որտե՞ղ եք կարողանում լիցքաթափվել։
Ամեն առավոտ ինձ արթնացնում են պատուհանս թակող-տկտկացնող տատրակները, որոնք սպասում են իրենց նախաճաշին. կերակրում եմ նրանց, հետո տանս շնիկներով եմ զբաղվում, երբ դուռս բացում եմ՝ շքամուտքում փիսիկն է սպասում կերակրվելու իր հերթին, բակ եմ իջնում՝ իմ որդեգրած երկու շներն են մոտ վազում: Այդ շներից մեկը՝ Սևոն, դրսում արյունահոսում էր, օգնեցի և նա զգաց, որ կարող է գալ և իմ հովանու տակ մնալ, իսկ մյուսը՝ կրակոցից վնասված փոքր շնիկ էր, որին տարա վիրահատման: Եվ որպեսզի այդ շները դրսում չմնան՝ կահույքագործի մոտ երկու բույն պատվիրեցի նրանց համար:
Ամեն առավոտ Սևոն դիմավորում է, հարևաններն արդեն գիտեն, որ երբ նրան տեսնում են բակում, ուրեմն ես տարածքում եմ:
Կենդանիները մեր կյանքում շատ մեծ դեր ունեն, նրանց պետք է պարզապես մի փոքր օգնել:
Եվ ես կենդանիների մեջ եմ գտնում իմ հանգստությունը, որովհետև մարդկային դաժանությանը սահման չկա, մարդկային ագահությանն ու չարությանը՝ նույնպես: Կենդանիներն անշահախնդիր են, պարգևում են և չեն պահանջում գրեթե ոչինչ. ամենափոքր վերաբերմունքը նրանց գոհացնում է: Փորձում եմ շքամուտքը մաքուր պահել, որ որևէ հարևան տրտունջ չարտահայտի կեդանիների հանդեպ:
Մենք ազգովի դժվար փորձությունների մեջ ենք. Ձեր վերաբերմունքն այս վիճակին․․․
Մի քիչ բարություն է պետք մեկս մյուսի նկատմամբ, հայը հային պետք է միայն բարություն անի: Վատ բառ պետք է մեր շուրթերից չհնչի և իրականություն դառնա: Մեզ պակասում է իրական քիստոնյա լինելը:
Կյանքից Ձեր ուսանած դասերը՝ մեկ բանաձևում, որով կցանկանայիք կիսվել այլոց հետ։
Ամեն քայլափոխի՝ անգամ առանց հասկանալու, փոքր և մեծ մեղքեր ենք գործում, երբեմն նույնիսկ չգիտակցելով, որ դա մեղք է, մտածում ենք, որ ինչ-որ լավ բան ենք անում մե՛զ համար, մեր ընտանիքի՛ համար…Եվ քայլում ենք մեղքի դաշտով: Հետո այդ մեղքերը հատիկ-հատիկ կանգնում են մեր առջև:
Թող Աստված երիտասարդ սերնդին հեռու պահի մեղքերից, թող քնեն ու արթնանան թեթև սրտով: Իսկ մենք, որ այդ դաշտով անցած և բավականին խնդիրներ կուտակած մարդիկ ենք՝ ապաշխարենք, փորձենք ստանալ Աստծո ներողամտությունը: Անվերջ խնդրում եմ, որ մնացյալ կյանքի մեջ Տերն օգնի սխալ բառեր չասել, սխալ պահվածք չունենալ, որովհետև… բավական է…
![](images/calendar.png)
Կարդացեք նաև
![Ինչպե՞ս է արտահայտվում ապենդիցիտը. armeniamedicalcenter.am Ինչպե՞ս է արտահայտվում ապենդիցիտը. armeniamedicalcenter.am](up/article/small/file_64013_9046379.jpg)
Ապենդիցիտը հաստ աղու որդանման ելունի՝ կույր աղու, բորբոքումն է:
Կույր աղին տեղակայված է որովայնի խոռոչի ստորին աջ մասում...
![](images/calendar.png)
![Ինչպե՞ս տարբերել երիկամային ցավը գոտկատեղի ցավից. armeniamedicalcenter.am Ինչպե՞ս տարբերել երիկամային ցավը գոտկատեղի ցավից. armeniamedicalcenter.am](up/article/small/file_63902_3055094.jpg)
Մեջքի ցավը բավականին տարածված խնդիր է, որը կարող է ի հայտ գալ տարբեր պատճառներից: Օրինակ, այդ շրջանում տհաճ զգացողությունը հնարավոր է միզարտադրության կամ...
![](images/calendar.png)
![Անզգայացման ազդեցությունն օրգանիզմի վրա. armeniamedicalcenter.am Անզգայացման ազդեցությունն օրգանիզմի վրա. armeniamedicalcenter.am](up/article/small/file_63769_2337061.jpg)
Ընդհանուր անզգայացումը՝ նարկոզը, անեսթեզիոլոգի կողմից ցավազրկող դեղերով արհեստականորեն առաջացրած և վերադարձելի գիտակցության բացակայությունն է, երբ առաջանում է ցավազրկում, ինչը հնարավորություն է...
![](images/calendar.png)
![Ի՞նչ ախտանշաններով է արտահայտվում ապենդիցիտը. armeniamedicalcenter.am Ի՞նչ ախտանշաններով է արտահայտվում ապենդիցիտը. armeniamedicalcenter.am](up/article/small/file_63452_8343147.jpg)
Ապենդիցիտը հիվանդություն է, երբ ապենդիքսը՝ կույր աղու ելունը, որը գտնվում է որովայնի ստորին աջ շրջանում, բորբոքվում է և այտուցվում։ Ապենդիցիտը կարող է արտահայտվել ցանկացած տարիքում, բայց ավելի հաճախ...
![](images/calendar.png)
![Ի՞նչ ախտանշաններով է արտահայտվում ապենդիցիտը. armeniamedicalcenter.am Ի՞նչ ախտանշաններով է արտահայտվում ապենդիցիտը. armeniamedicalcenter.am](up/article/small/file_63356_9670360.jpg)
Ապենդիցիտը հիվանդություն է, երբ ապենդիքսը՝ կույր աղու ելունը, որը գտնվում է որովայնի ստորին աջ շրջանում, բորբոքվում է և այտուցվում։ Ապենդիցիտը կարող է արտահայտվել ցանկացած տարիքում, բայց ավելի հաճախ...
![](images/calendar.png)
![Ողնաշար-ողնուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am Ողնաշար-ողնուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am](up/article/small/file_62668_564316.jpg)
Ողնաշար-ողնուղեղային վնասվածքների տեսակները։
Ողնաշար-ողնուղեղային վնասվածքները կարելի է բաժանել երկու խմբի...
![](images/calendar.png)
![Վերտեբրոպլաստիկա. նյարդավիրաբույժ Աղասի Կոչկանյան. armeniamedicalcenter.am Վերտեբրոպլաստիկա. նյարդավիրաբույժ Աղասի Կոչկանյան. armeniamedicalcenter.am](up/article/small/file_62407_5976353.jpg)
Ինչպե՞ս կբնորոշեք վերտեբրոպլաստիկան
Վերտեբրոպլաստիկան տարբեր ախտաբանական գործընթացների հետևանքով փոփոխված ողի...
![](images/calendar.png)
![Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am](up/article/small/file_62223_5053708.jpg)
Գանգուղեղային վնասվածքների /ԳՈՒՎ/ պատճառները և դասակարգումը
Գանգուղեղային վնասվածքները կարող են առաջանալ տարբեր պատճառներով՝ ավտոպատահարների...
![](images/calendar.png)
![Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am](up/article/small/file_62215_9291029.jpg)
Միջողային սկավառակների ճողվածքներ. Նյարդավիրաբուժական բաժանմունքի վարիչ Ծերունի Հովհաննիսյան
Ինչպե՞ս կբնորոշեք միջողային սկավառակի ճողվածքը...
![](images/calendar.png)
![Ո՞րն է Բուրխավեի համախտանիշը. կրծքային վիրաբույժ Սուրեն Վարդանյան. armeniamedicalcenter.am Ո՞րն է Բուրխավեի համախտանիշը. կրծքային վիրաբույժ Սուրեն Վարդանյան. armeniamedicalcenter.am](up/article/small/file_62209_673748.jpg)
Կերակրափողի ինքնաբուխ պատռվածքը եզակի հանդիպող հիվանդություն է, որը կլինիկորեն դրսևորվում է Մակլերի տրիադայով...
![](images/calendar.png)
![Գլխուղեղի անոթների անևրիզմա․ նյարդավիրաբույժ Վարազդատ Սահակյան. armeniamedicalcenter.am Գլխուղեղի անոթների անևրիզմա․ նյարդավիրաբույժ Վարազդատ Սահակյան. armeniamedicalcenter.am](up/article/small/file_61862_538113.jpg)
Որքա՞ն հաճախ է հանդիպում գլխուղեղի անոթների անևրիզման։
Գլխուղեղի անոթների անևրիզման գլխուղեղի անոթային հիվանդություն է: Ըստ վերջին տարիների...
![](images/calendar.png)
![Կրծքավանդակի վնասվածքներ. հարցազրույց կրծքային վիրաբույժ Սուրեն Վարդանյանի հետ. armeniamedicalcenter.am Կրծքավանդակի վնասվածքներ. հարցազրույց կրծքային վիրաբույժ Սուրեն Վարդանյանի հետ. armeniamedicalcenter.am](up/article/small/file_61814_341623.jpg)
Կրծքային վիրաբուժության մեջ ի՞նչ տեղ գրավում վնասվածքները:
Կրծքային վիրաբուժության հիմնական ախտաբանություններից են կրծքավանդակի վնասվածքները...
![](images/calendar.png)
![Դիաբետիկ ոտնաթաթ. հարցազրույց անոթային վիրաբուժության կենտրոնի ղեկավար Վիրաբ Աղաբեկյանի հետ. armeniamedicalcenter.am Դիաբետիկ ոտնաթաթ. հարցազրույց անոթային վիրաբուժության կենտրոնի ղեկավար Վիրաբ Աղաբեկյանի հետ. armeniamedicalcenter.am](up/article/small/file_61262_3100491.jpg)
Շաքարային դիաբետի ժամանակ որքա՞ն հաճախ է հանդիպում դիաբետիկ ոտնաթաթի համախտանիշը:
Շաքարային դիաբետն լուրջ սոցիալ-բժշկական խնդիր է: ԱՀԿ տվյալների համաձայն, 2025 թ. շաքարախտով...
![](images/calendar.png)
![](images/white_bl.gif)
![](images/white_br.gif)
![](images/white_tr.gif)
![](images/white_tl.gif)
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Հղիություն. 2-րդ ամիս
- 4-7 ամսական երեխաների սնուցումը
-
Ամուսնական առաջին գիշերը
-
Ընկերության մասին
-
Ինչպես ազատվել անցանկալի մազերից
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Պարզվում է ապագա երեխայի սեռը կախված է մայրիկի սնունդից
-
Դդում
-
Կոճապղպեղ՝ նիհարելու համար (կոճապղպեղի թեյ)
-
Հիվանդություն, որը փոխում է մեր կյանքը` կրծագեղձի քաղցկեղ
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Երիցուկ դեղատնային - Ромашка аптечная - Matricaria chamomilla L.
-
Չիչխանի օգտակար հատկությունները
-
Քարավուզ (նույն ինքը՝ նեխուր)
-
Ինչպես ազատվել բերանի վատ հոտից`պարզ միջոց
-
Դիմակներ` մազերի համար
-
Հղիություն. 1-ին ամիս
-
Կրծքի ցավե՞ր ունեք. ինչ անել
-
Ընդհանուր տեղեկություններ մարմնի համակարգերի մասին
-
Ընտրություն ըստ հորոսկոպի
-
Հիվանդություն, որի համար պետք չէ ամաչել (թութք)
-
Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
-
Հղիությունը և նախապատրաստվելը դրան
- Խոսենք այդ մասին. ձեռնաշարժություն
-
Երբ գլխացավն ախտանիշ է: Հանճարեղ և օժտված մարդկանց հիվանդություն
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Էկզեմայի տեսակները և բուժումը
-
Ուլտրաձայնային դոպլերոգրաֆիա (երկակի (դուպլեքս) անոթների)
-
ՈւՆԱԲԻ: Արևելյան բժշկության գաղտնիքները
-
Իրիդիոսքրինինգ
-
Գամմա-դանակը նշտարի փոխարեն