Պերինատոլոգիա, մանկաբարձություն և ուրո-գինեկոլոգիա
Ընկերքի հետ կապված խնդիրները հղիության ժամանակ. հարցազրույց մանկաբարձ-գինեկոլոգ Նաիրա Արոյանի հետ. morevmankan.am
Ի՞նչ է ընկերքը և ի՞նչ գործառույթ է կատարում:
Ընկերքն օրգան է, որն առաջանում է հղիության ընթացքում և կարևոր նշանակություն ունի մոր և պտղի առողջության համար: Ընկերքի միջոցով պտուղը ստանում է անհրաժեշտ սննդանյութեր, հորմոններ, թթվածին:
Ընկերքը, սովորաբար, ամրանում է արգանդի մարմնի հատվածում, նրա ստորին եզրը մնում է արգանդի պարանոցի ներքին օղից 7-8 սմ (և ավելի) բարձր: Սակայն, որոշ դեպքերում, ինչ-ինչ պատճառներով, առաջանում են ընկերքի տարբեր ախտաբանություններ:
Որո՞նք են ընկերքի ախտաբանական վիճակները:
Ընկերքի ախտաբանական վիճակներից է առաջադիր ընկերքը, որը ընկերքի տեղակայման անոմալիա է: Այս դեպքում ընկերքն ամրանում է արգանդի ստորին հատվածի շրջանում և նրա այս կամ այն հատվածը՝ ամբողջովին կամ մասնակի, ծածկում է արգանդի պարանոցի ներքին օղը: Այդպիսով, ընկերքը գտնվում է պտղի առաջադիր մասից ներքև, այսինքն, ծնվող պտղի ճանապարհին:
Կարող է դիտվել նաև ընկերքի ցածր տեղակայում, երբ ընկերքային հարթակը գտնվում է արգանդի ստորին հատվածում, բայց չի ծածկում այն, այլ պարզապես հասնում է ներքին օղին:
Ընկերքի ախտաբանություններից է նաև նորմալ տեղակայված ընկերքի վաղաժամ շերտազատումը: Նորմայում ընկերքն անջատվում և արտամղվում է պտղի ծնվելուց հետո: Բայց որոշ ախտաբանությունների դեպքում ընկերքի շերտազատումը տեղի է ունենում հղիության ընթացքում կամ սկսված ծննդաբերության ժամանակ՝ մինչև պտղի ծնվելը: Շերտազատումը կարող է լինել մասնակի և ամբողջական: Մասնակի շերտազատման դեպքում արգանդի պատից անջատվում է ընկերքի ինչ-որ հատված: Ամբողջական շերտազատման դեպքում անջատվում է ամբողջ ընկերքը:
Առաջադիր ընկերքի առաջացման ի՞նչ պատճառներ կարող եք նշել:
Գոյություն ունեն պտղային և մայրական գործոններ: Պտղաձվի անբավարարության կամ նրա պրոտեոլիտիկ հատկությունների նվազման դեպքում այն չի հասցնում ժամանակին ամրանալ արգանդի վերին հատվածներում, իջնում է ներքև, և իմպլանտացիան կատարվում է արգանդի ստորին հատվածներում:
Առաջադիր պլացենտայի առաջացման ավելի հաճախ հանդիպող պատճառներից են արգանդի լորձաթաղանթի բորբոքային գործընթացները, բազմակ, ծննդաբերությունները, բնական կամ արհեստական վիժումները, հետծննդյան և հետվիժումային սեպտիկ հիվանդությունները, արգանդի զարգացման արատները, հղիի տարիքը (40-ից բարձր) և այլն:
Կլինիկակորեն ինչպե՞ս է արտահայտվում:
«Անցավ արգանդի» պայմաններում սեռական ուղիներից պարբերաբար լինում է արյունային արտադրություն:
Ինչպե՞ս է ախտորոշվում:
Ախտորոշումը կատարվում է ֆիզիկալ (ձեռքային), որի ժամանակ հայտնաբերվում է պտղի առաջադիր մասի բարձր տեղակայում, պտղի կոնքային կամ ոչ ճիշտ առաջադրություն:
Կատարվում են նաև գործիքային հետազոտություններ. ՈՒՁՀ՝ տրանսաբդոմինալ (աբդոմինալ) կամ տրանսվագինալ (հեշտոցային) եղանակներով:
Իրականացվում են նաև դոպլերոգրաֆիա, ՄՌՏ՝ ընկերքի տեղակայման հատվածում խորության աստիճանը որոշելու նպատակով:
Բուժման ի՞նչ մեթոդներ կնշեք:
Բուժումը կարող է լինել պահպանողական կամ վիրաբուժական: Բուժման մեթոդի ընտրությունը կախված է ընկերքի տեղակայումից, հղիության ժամկետից, ծննդաբերական ուղիներում ախտաբանությունների առկայությունից, պտղի և կնոջ վիճակից, ուղեկցող մանկաբարձական և սոմատիկ ախտաբանությունից, նախկին հղիությունների քանակից, սակայն որոշիչ գործոնն արյունահոսությունն է, որի ժամանակ շտապ կարգով կատարվում է կեսարյան հատում:
Եթե արյունահոսություն չկա, ապա կիրառվում են կոնսերվատիվ մեթոդներ՝ արգանդի կծկողականությունը նվազեցնող, հակաանեմիկ և պտղի վիճակը բարելավող (արգանդ-ընկերքային արյան շրջանառությունը լավացնող) միջոցներ:
|
Կարդացեք նաև
Ե՞րբ է սկսվում սեռական հասունացումը աղջիկների մոտ։
Սեռական հասունացումն այն փուլն է, որի ընթացքում դեռահասները ենթարկվում են...
Կրթությունը, կարիերան, հասարակական կարգավիճակի որոշ նվաճումները պահանջում են վերանայել վերաբերմունքն այնպիսի կարևոր գործառույթի նկատմամբ, ինչպիսին վերարտադրողությունն է...
Օժանդակ վերարտադրողական մեթոդների արդյունավետությունը ապահովող կարևոր միջոց է ճիշտ ախտորոշումը: Այդպիսի մեթոդներից է հիստերոսկոպիան...
Հղիության ընթացքում հեշտոցից արյունային արտադրությունը կարող է անհանգստացնել յուրաքանչյուր կնոջ: Ոմանք դա շփոթում են դաշտանի հետ, հատկապես, երբ արտադրությունը...
Միակողմանի ձվարանի հեռացումը (օվարիոէկտոմիա) հաճախ հանդիպող վիրահատական միջամտություն է: Այն իրականացվում է ձվարանում բարորակ կամ կիստոզ գոյացությունների, արտահայտված էնդոմետրիոզի...
Նախաիմպլանտացիոն գենետիկ թեստավորումը (ՆԳԹ, PGT) հնարավորություն է տալիս նախքան իմպլանտացիան ուսումնասիրել էմբրիոնի գեները և քրոմոսոմները: Այս թեստավորումը ցուցված է այն զույգերին, որոնց մոտ նախկինում...
Հնարավո՞ր է հղիանալ ձվարանների պոլիկիստոզի դեպքում
Ձվարանների պոլիկիստոզը վերարտադրողական տարիքի կանանց մոտ ամենահաճախ հանդիպող...
Արգանդի փողերը կանանց ամենակարևոր օրգաններից են, որոնց գործունեության խաթարումը կարող է հղիության համար արգելք դառնալ...
Արգանդի խոռոչի ախտաբանությունը կամ էնդոմետրիալ գործոնն անպտղության հաճախ հանդիպող պատճառներից է: Այն նաև ԱՄԲ անհաջողությունների հիմնական պատճառներից է. չէ՞ որ նույնիսկ գերազանց որակի...
Ինչի՞ հաշվին է ավելանում կնոջ քաշը հղիության ընթացքում։
Բոլորին հայտնի է, որ հղիությունն ուղեկցվում է կնոջ քաշի ավելացմամբ...
Արգանդի փողերի լապարոսկոպիան հնարավորություն է տալիս ախտորոշել առկա ախտաբանությունը և բուժական միջամտություններ կատարել: Մեթոդի արդյունավետությունը բարձր է, իսկ հյուսվածքների...
Ե՞րբ է սովորաբար զգացվում պտղի խաղը
Առաջին հղիության ժամանակ ապագա մայրիկը պտղի խաղը զգում է հղիության...
Հեշտոցի դիսբակտերիոզը (դիսբիոզ) նորմալ վագինալ միկրոբիոցենոզի խանգարումն է. օգտակար բիֆիդո և լակտոբակտերիաների, նաև՝ պայմանական ախտածին միկրոօրգանիզմների, միջև հարաբերակցության խախտումը...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ամուսնական առաջին գիշերը
- Ընկերության մասին
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն