Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Պերինատոլոգիա, մանկաբարձություն և ուրո-գինեկոլոգիա

Պտղի ախտաբանության հայտնաբերումը. հարցազրույց մանկաբարձ-գինեկոլոգ Սուրեն Ազիզյանի հետ. morevmankan.am

Պտղի ախտաբանության հայտնաբերումը. հարցազրույց մանկաբարձ-գինեկոլոգ Սուրեն Ազիզյանի հետ. morevmankan.am

Որքանո՞վ են կարևորված պտղի հետազոտությունները հղիության ընթացքում:

Պտղի հետազոտությունները կատարվում են ամբողջ հղիության ընթացքում: Տարբեր ժամկետներում կատարվում են այդ շրջանին համապատասխան հետազոտություններ՝ հայտնաբերելու համար զարգացման շեղումները, այս կամ այն ախտաբանությունը, ճիշտ վճիռ կայացնելու համար հղիության հետագա ընթացքի և ծննդաբերության վերաբերյալ:

Պտղի հետազոտման ի՞նչ մեթոդներ կան:

Արդիական մեթոդներից օգտագործվում է ուլտրաձայնային հետազոտությունը և մի շարք այլ լաբորատոր հետազոտություններ, որոնց օգնությամբ բարձր ճշգրտությամբ հնարավոր է ախտորոշել պտղի զարգացման ախտաբանական շեղումները: Հետազոտությունները կոչվում են սքրինիգային, քանի որ հղիների դրանք կատարում են մեծամաշտաբ:

Հաջորդ հետազոտությունը գունավոր դոպլեր հետազոտությունն է, որի նպատակը ոչ այնքան պտղի ներարգանդային վիճակը գնահատելն է, որքան և՛ պտղի, և՛ մոր, և՛ ընկերքի վիճակի մասին պատկերացում կազմելն է, այսինքն, պտղի սնուցման համար կարևոր անոթային համակագի հետազոտությունը:  Հետազոտելով արգանդի, պորտալարի արյան շրջանառության վիճակը, պատկերացում է կազմվում պտղի նյութափոխանակության, սնուցման վիճակի մասին, ինչը հղիության տարբեր ժամկետներում տարբեր է և ունի տարբեր ցուցանիշներ:

Եթե արյան շրջանառությունը խանգարված է, պտղի ներարգանդային զարգացումը և աճը դանդաղում են:

Ավելի ուշ ժամկետներում՝ 34 շաբաթականից սկսած, երբ պտղի մոտ նյարդային համակարգի զարգացումը հասնում է պիկին, պտուղն սկսում է արձագանքել արտաքին ազդակներին: Հետազոտություններն իրականացնելիս առաջնորդվում են հենց այդ ռեակցիաներով և գնահատում դրանք` համապատասխան սանդղակով: Գնահատվում են այդ ազդակներին` պտղի կծկումների, շարժողականության աստիճանը, սրտի աշխատանքի փոփոխությունները և այլն: Ոչ համապատասխան ռեակցիան խոսում է ներարգանդային թթվածնային քաղցի  և այլ խնդիրների մասին: Գնահատվում է նաև պտղի քաշը, ենթադրյալ դիրքը:

Ի՞նչ հետազոտություններ են իրականացվում առաջին եռամսյակում:

Առաջին  եռամսյակում՝ 12-13 շաբաթականում, կատարվում է առաջին ախտաբանական հետազոտությունը: Մինչ այդ՝ երկու շաբաթականում կատարված գերձայնային հետազոտության արդյունքում արձանագրվում է հղիությունը, 6-րդ շաբաթականից՝  գրանցվում է պտղի սրտի աշխատանքը:

12 շաբաթականում կրկնակի ուլտրաձայնային հետազոտությամբ որոշվում է պտղի օձիքային տարածության չափը, որի փոփոխությունը խոսում է բնածին գենետիկ հիվանդությունների մասին (օրինակ, Պատաու, Դաունի համախտանիշներ և այլն), քթոսկրի առկայությունը, հայտնաբերվում այլ խնդիրների առկայությունը:

Այդ նույն ժամկետում կատարվում են վերջնական սքրինինգային հետազոտություններ. որոշվում են արյան մեջ ազատ հեմոգլոբինը և հղիության հետ կապված պրոտեին A-ն: Այս համակարգված հետազոտությունների հիման վրա, համակարգչային հատուկ ծրագրով կատարվում է ախտորոշում ՝ որևէ խնդրի առկայություն կամ բացակայություն, կամ հղիության հետ կապված բարդությունների հնարավոր համակցում:

Դրանք բոլորն առավել ուղղված են գենետիկ, բնածին փոփոխություների հայտնաբերմանը (նյարդային խողովակի խնդիրներ, տարբեր արատներ):

Ի՞նչ հետազոտություններ են իրականացվում երկրորդ եռամսյակում:

Հղիության երկրորդ եռամսյակում՝  15-16 շաբաթականում, կատարվում է քվադրոթեստը, որը ներառում է 4 հետազոտություն: 16  շաբաթականում կատարվում է արյան կենսաքիմիական հետազոտություն` ալֆաֆետոպրոտեինի որոշում, որի բարձր և ցածր ցուցանիշները խոսում են դարձյալ նյարդային խողովակի ախտաբանության, Դաունի համախտանիշի առկայության մասին:

Ի՞նչ հետազոտություններ են իրականացվում երրորդ եռամսյակում:

Հաջորդ ուլտրաձայնային հետազոտությունը կատարվում է 20-22  շաբաթականում, երբ պտուղը ձևավորված է: Հետազոտվում են բոլոր օրգան-համակարգերը. ոտքերի, ձեռքերի մատներից՝ մինչև գանգուղեղ, ողնուղեղ, ոսկրային համակարգ: Եվ արդեն բավականին մեծ ճշգրտությամբ հնարավոր է պատկերացում կազմել պտղի զարգացման մասին:

Եթե ստացված արդյունքները բացասական են, դա նշանակում է, որ պտուղը նորմալ է: Եթե որևէ շեղում է հայտնաբերվում, յուրաքանչյուր դեպք գործընթացի իր էտապներն ունի՝ մինչև վերջնական եզրահանգումը: Դրա համար իրականացվում են ավելի խորը հետազոտություններ, որոնցից է՝ ամենոցենտեզը, երբ աբդոմինալ կամ տրանսվագինալ ճանապարհով վերցվում է պտղաջրի նմուշ: Քանի որ պտղաջրերը պարունակում են պտղի մաշկի բջիջներ, դրանք աճեցնելով ստանում են պտղի գենետիկ քրոմոսոմային պատկերը, որից հետո կատարվում է վեջնական ախտորոշում: Այս հետազոտության  ճշգրտությունը 100 տոկոս է:

Իրականացվում է կորդոցենտեզ հետազոտություն, երբ վերցվում է պտղի պորտային արյունը և կատարվում  արյան կենսաքիմիական  գենետիկ հետազոտություն:
Խնդիրներ կարող են առաջանալ նաև հղիության հետագա փուլերում, պարզապես, եթե մինչ այդ հայտնաբերվում են զարգացման արատներ, ապա այդուհետև խնդիրները ձեռքբերովի բնույթ են կրում:

Կա՞ն հղիության ընդհատման ցուցումներ` պտղի մոտ ախտաբանություն հայտնաբերելու դեպքում:

22 շաբաթականում պտղի մանրակրկիտ հետազոտության արդյունքում պետք է որոշվի հղիության հետագա մոտեցումը՝ այն շարունակվո՞ւմ է, թե՞` ոչ: Եթե պետք է հղիությունն ընդհատվի, պետք է այն անհապաղ իրականացնել:

Սկզբնաղբյուր. morevmankan.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Երբ դիմել բժիշկ-գենետիկի խորհրդատվությանը
Երբ դիմել բժիշկ-գենետիկի խորհրդատվությանը

Բժիշկ-գենետիկի խորհրդատվությունը անհրաժեշտ է հետևյալ դեպքերում...

Գենետիկա
Դաշտանի առանձնահատկությունները դեռահասների մոտ․ Արմինե Դումանյան. morevmankan.am
Դաշտանի առանձնահատկությունները դեռահասների մոտ․ Արմինե Դումանյան. morevmankan.am

Ե՞րբ է սկսվում սեռական հասունացումը աղջիկների մոտ։

Սեռական հասունացումն այն փուլն է, որի ընթացքում դեռահասները ենթարկվում են...

Առողջ կին
Ուշ վերատադրողական տարիք. morevmankan.am
Ուշ վերատադրողական տարիք. morevmankan.am

Կրթությունը, կարիերան, հասարակական կարգավիճակի որոշ նվաճումները պահանջում են վերանայել վերաբերմունքն այնպիսի կարևոր գործառույթի նկատմամբ, ինչպիսին վերարտադրողությունն է...

Հղիություն, ծննդաբերություն
Հիստերոսկոպիա ԱՄԲ-ից առաջ. morevmankan.am
Հիստերոսկոպիա ԱՄԲ-ից առաջ. morevmankan.am

Օժանդակ վերարտադրողական մեթոդների արդյունավետությունը ապահովող կարևոր միջոց է ճիշտ ախտորոշումը: Այդպիսի մեթոդներից է հիստերոսկոպիան...

Հղիություն, ծննդաբերություն
Կարո՞ղ է դաշտան լինել հղիության ժամանակ. morevmankan.am
Կարո՞ղ է դաշտան լինել հղիության ժամանակ. morevmankan.am

Հղիության ընթացքում հեշտոցից արյունային արտադրությունը կարող է անհանգստացնել յուրաքանչյուր կնոջ: Ոմանք դա շփոթում են դաշտանի հետ, հատկապես, երբ արտադրությունը...

Հղիություն, ծննդաբերություն
Հնարավո՞ր է հղիանալ մեկ ձվարանով
Հնարավո՞ր է հղիանալ մեկ ձվարանով

Միակողմանի ձվարանի հեռացումը (օվարիոէկտոմիա) հաճախ հանդիպող վիրահատական միջամտություն է: Այն իրականացվում է ձվարանում բարորակ կամ կիստոզ գոյացությունների, արտահայտված էնդոմետրիոզի...

Հղիություն, ծննդաբերություն
Նախաիմպլանտացիոն թեստավորում. morevmankan.am
Նախաիմպլանտացիոն թեստավորում. morevmankan.am

Նախաիմպլանտացիոն գենետիկ թեստավորումը (ՆԳԹ, PGT) հնարավորություն է տալիս նախքան իմպլանտացիան ուսումնասիրել էմբրիոնի գեները և քրոմոսոմները: Այս թեստավորումը ցուցված է այն զույգերին, որոնց մոտ նախկինում...

Հղիություն, ծննդաբերություն
Ձվարանների պոլիկիստոզ. morevmankan.am
Ձվարանների պոլիկիստոզ. morevmankan.am

Հնարավո՞ր է հղիանալ ձվարանների պոլիկիստոզի դեպքում

Ձվարանների պոլիկիստոզը վերարտադրողական տարիքի կանանց մոտ ամենահաճախ հանդիպող...

ԿԻՆ: Հիվանդություններ
Արգանդի փողերի անանցանելիության ախտորոշումը և բուժումը. morevmankan.am
Արգանդի փողերի անանցանելիության ախտորոշումը և բուժումը. morevmankan.am

Արգանդի փողերը կանանց ամենակարևոր օրգաններից են, որոնց գործունեության խաթարումը կարող է հղիության համար արգելք դառնալ...

ԿԻՆ: Հիվանդություններ
Արգանդի խոռոչի ախտաբանությունն անպտղության պատճառ․ հարցազրույց Արմինե Սայադյանի հետ. morevmankan.am
Արգանդի խոռոչի ախտաբանությունն անպտղության պատճառ․ հարցազրույց Արմինե Սայադյանի հետ. morevmankan.am

Արգանդի խոռոչի ախտաբանությունը կամ էնդոմետրիալ գործոնն անպտղության հաճախ հանդիպող պատճառներից է: Այն նաև ԱՄԲ անհաջողությունների հիմնական պատճառներից է. չէ՞ որ նույնիսկ գերազանց որակի...

ԿԻՆ: Հիվանդություններ ԿԻՆ: Անպտղություն
Քաշի փոփոխությունները հղիության ընթացքում․ հարցազրույց մանկաբարձ-գինեկոլոգ Սոնա Աբելյանի հետ. morevmankan.am
Քաշի փոփոխությունները հղիության ընթացքում․ հարցազրույց մանկաբարձ-գինեկոլոգ Սոնա Աբելյանի հետ. morevmankan.am

Ինչի՞ հաշվին է ավելանում կնոջ քաշը հղիության ընթացքում։

Բոլորին հայտնի է, որ հղիությունն ուղեկցվում է կնոջ քաշի ավելացմամբ...

Հղիություն, ծննդաբերություն
Արգանդի փողերի լապարոսկոպիա. armeniamedicalcenter.am
Արգանդի փողերի լապարոսկոպիա. armeniamedicalcenter.am

Արգանդի փողերի լապարոսկոպիան հնարավորություն է տալիս ախտորոշել առկա ախտաբանությունը և բուժական միջամտություններ կատարել: Մեթոդի արդյունավետությունը բարձր է, իսկ հյուսվածքների...

Պտղի խաղը. հարցազրույց Արմինե Խանամիրյանի հետ. morevmankan.am
Պտղի խաղը. հարցազրույց Արմինե Խանամիրյանի հետ. morevmankan.am

Ե՞րբ է սովորաբար զգացվում պտղի խաղը

Առաջին հղիության ժամանակ ապագա մայրիկը պտղի խաղը զգում է հղիության...

Հղիություն, ծննդաբերություն
Հեշտոցի դիսբակտերիոզ. morevmankan.am
Հեշտոցի դիսբակտերիոզ. morevmankan.am

Հեշտոցի դիսբակտերիոզը (դիսբիոզ) նորմալ վագինալ միկրոբիոցենոզի խանգարումն է. օգտակար բիֆիդո և լակտոբակտերիաների, նաև՝ պայմանական ախտածին միկրոօրգանիզմների, միջև հարաբերակցության խախտումը...

ԿԻՆ: Հիվանդություններ
Հեղուկի կուտակում արգանդի փողում. morevmankan.am
Հեղուկի կուտակում արգանդի փողում. morevmankan.am

Արգանդի փողում հեղուկը կուտակվում է արյան շրջաառության և ավշի հոսքի խանգարման արդյունքում բորբոքային գործընթացի՝ սալպինգիտի ֆոնին: Ախտաբանությունն առաջացնում է փողի լորձաթաղանթի ծալքերի կպումներ...

ԿԻՆ: Հիվանդություններ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ