Հղիություն, ծննդաբերություն
|
Առաջին հղիություն. հարցազրույց մանկաբարձ-գինեկոլոգ Մարիամ Հակոբյանի հետ. morevmankan.am
Ինչո՞վ է առանձնահատուկ առաջին հղիությունը:
Մայրությունը կնոջ կյանքի ամենաերջանիկ շրջանն է, ինչից, սակայն, երբեմն վախենում են երիտասարդ ապագա մայրերը: Նրանց վախեցնում են սպասվող փոփոխությունները:
Ո՞ր տարիքն է ավելի նպաստավոր առաջին հղիության համար:
Մինչև վերջերս տարածված էր այն կարծիքը, որ առաջին հղիության համար լավագույն տարիքը 20 տարեկանն է, քանի որ այդ ժամանակ օրգանիզմն ամենաառողջ վիճակում է: Սակայն այժմ մասնագետները եկել են այն եզրակացության, որ 30-35 տարեկանում ևս հղիությունն ընթանում է՝ ինչպես 20 տարեկանում: Ավելին՝ հասուն տարիքում կինն ավելի գիտակցաբար է մոտենում, պատրաստվում հղիությանը: Անցյալում կարծիք կար նաև, որ 30 տարեկանից հետո լույս աշխարհ բերած երեխաներն ավելի հաճախ են հիվանդանում, քաշ լավ չեն ավելացնում: Մինչդեռ իրականում այդպես չէ. կարևոր է միայն կնոջ առողջական վիճակն այդ ընթացքում: Ապագա մոր առողջությունը հղիության և առողջ երեխա ունենալու գրավականն է:
Ցանկալի է, որ մեծ տարիքում հղիացող կինը նախապես անցնի գենետիկ և ուլտրաձայնային հետազոտություններ:
Ի՞նչ տագնապներ են ունենում առաջին անգամ հղիացող կանայք:
Առաջին հղիության ժամանակ շատ կանայք ունենում են մի շարք վախեր, որոնցից մեկը ոչ առողջ երեխա լույս աշխարհ բերելու վախն է: Բայց ներկայում բժշկությունն ունի հղիության ընթացքը վերահսկելու բոլոր միջոցները: Ուստի, եթե բժիշկը պնդում է, որ ամեն ինչ կարգին է, պետք է վստահել նրան: Վախերից մեկն էլ երեխայի համար լավ մայր լինել չկարողանալու վախն է: Դա կապված է երեխաների, հատկապես նորածինների հետ շփվելու փորձի բացակայության հետ:
Փոքր քույր կամ եղբայր ունեցողները գիտեն, թե ինչին պետք է պատրաստ լինել:
Այս հարցում կարևոր են նաև մոր, ավագ կանանց խորհուրդները: Այսօր կարելի է գտնել նաև օգտակար գրականություն այդ թեմայով, և վերջապես, յուրաքանչյուրը, թեկուզ ենթագիտակցաբար, գիտի, թե ինչպես վարվել նորածինների հետ. դա էլ հենց մայրական բնազդն է: Եվ, իհարկե, բոլոր ապագա մայրերը հաջողությամբ են անցնում այդ ամենի միջով:
Հաջորդ վախը կապված է ծննդաբերության ժամանակ սպասվող ցավի հետ: Ընդհանրապես, վախն ու ցավը զգացողություններ են, որոնք սերտորեն կապված են միմյանց հետ մեր մտքում:
Հաճախ ցավն ավելի է սրվում հենց վախի ազդեցությամբ: Մինչդեռ ինքնավստահությունն այս հարցում լավագույն օգնականն է: Կանայք շատ են անհանգստանում նաև իրենց կազմվածքի համար: Այստեղ տեղին է ասել. մայրությունը մեծ երջանկություն է, իսկ դրա համար անհրաժեշտ է հղիության ընթացք, ուստի կազմվածքի համար անհանգստությունը պետք է հետին պլան մղվի: Կազմվածքը կարող է տուժել նաև մի շարք այլ գործոնների ազդեցությամբ, որոնց դեմ պայքարելով կարելի է կարգավորել այն: Պետք է ծննդաբերությունից հետո ճիշտ սնվել, ճիշտ կազմակերպել օրվա ռեժիմը, ակտիվությունը:
Ի՞նչ այլ խնդիրներ և վախեր կարող եք նշել:
Հղիությունը հիմնովին փոխում է կնոջ կյանքը, և դա վախերից մեկն է: Այո՛, կյանքը փոխվում է, սակայն երեխայի ծնունդը, նրա ներկայությունը մոր կյանքը փոխում է միայն դեպի դրականը: Մայրությունը կնոջը զարմանալի և հիմնականում դրական բացահայտումներ է պարգևում։
Ձեր խորհուրդն առաջին հղիության պատրաստվող կանանց:
Առաջին երեխան կարևոր իրադարձություն է յուրաքանչյուր ընտանիքում։ Իհարկե, բոլորն են որոշակի վախեր ունենում, սակայն երեխայի հայտնվելուն պես կյանքը նոր իմաստ է ստանում, լցվում սիրով և ուղղորդում նոր նպատակների:
Լավագույնն այն է, որ հղիության ընթացքում էլ արդեն ավելի շատ ժամանակ է հատկացվում ոչ թե կասկածներին և անհանգստություններին, այլ երեխայի մասին դրական մտքերին և երազելուն: Եվ եթե ավելի հաճախ լինեք սիրելիների շրջապատում, այդ ինը ամիսը կանցնի խաղաղությամբ և հաճելի սպասումով:
|
Կարդացեք նաև
Տեխնոլոգիաների զարգացումը չի շրջանցել նաև ծխախոտի արդյունաբերությունը։ Վերջին տարիներին շուկայում են հայտնվել նոր արտադրատեսակներ, որոնք, ըստ արտադրողների...
Կանայք գիտեն, որ դաշտանի ուշացումը, սրտխառնոցը, թուլությունը, ախորժակի փոփոխությունը և այլ նշաններ ոչ միշտ են վկայում հղիության մասին: Գինեկոլոգները ինքնազգացողության այդ փոփոխությունները համարում են...
Համաձայն Հայաստանում իրականացված հետազոտությունների տվյալների, ամեն օր ծխող կանանց քանակը 2023 թվականին կազմել է 2.3%, որը բարձր ցուցանիշ չէ...
Առաջին եռամսյակում Ձեզ հարկավոր չէ որևէ ավելորդ բաժին ուտել։ Երկրորդ եռամսյակում անհրաժեշտ կլինի օրական լրացուցիչ 340 կալորիա, իսկ երրորդ եռամսյակում՝ օրական շուրջ 450 կալորիա...
Հղիությունը կնոջ կյանքի, թերևս, ամենասպասված և գեղեցիկ պահերից է, որի ժամանակ ցանկալի է հետևել որոշ կանոնների՝ հատկապես ճիշտ սննդակարգի պահպանմանը։ Պետք է հիշել, որ հղիներն ավելի...
Սրտանց շնորհավորում ենք հղիության կապակցությամբ․․․
Միևնույն ժամանակ, հղիությունն առաջացնում է մի շարք բնական հարցեր՝ հղիության ընթացքում...
Ալկոհոլի օգտագործումը շարունակում է մնալ հանրային առողջության հիմնական խնդիրներից մեկը, ինչն արդի է նաև Հայաստանում, այդ թվում նաև կանանց շրջանում: Պաշտոնական վիճակագրության համաձայն...
Սննդային թունավորումները և սննդամթերքի հետ փոխկապակցված հիվանդությունները շարունակում են մնալ արդի հիմնախնդիր, ինչը հատկապես կարևոր է Ամանորի նախաշեմին և տոների ընթացքում։ Այսպես, համաձայն պաշտոնական...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ընկերության մասին
- Ամուսնական առաջին գիշերը
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն