Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հղիություն, ծննդաբերություն

 

 

 

 

Հետծննդյան շրջան. հարցազրույց ՄՄԱԳԿ հետծննդյան բաժանմունքի վարիչ Դավիթ Ղուկասյանի հետ. morevmankan.am

Հետծննդյան շրջան. հարցազրույց ՄՄԱԳԿ հետծննդյան բաժանմունքի վարիչ Դավիթ Ղուկասյանի հետ. morevmankan.am

Ո՞ր ժամանակաշրջանն է համարվում հետծննդյան:

Ծննդաբերության ժամանակ ծնվում է պտուղը, իսկ որոշ ժամանակ անց` ընկերքն իր թաղանթով. այդ պահից սկսվում է կնոջ հետծննդյան շրջանը, որը շարունակվում է 6 շաբաթ կամ 42 օր:

Տարբերում են վաղ հետծննդյան շրջան, որն ըդգրկում է ծննդաբերությունից հետո առաջին 2 ժամը և ուշ շրջան` մինչև 6 շաբաթը:

Որո՞նք են վաղ շրջանի առանձնահատկությունները:

Վաղ շրջանում կինը դեռևս գտնվում է ծնարանում, որովհետև այդ շրջանում են դիտվում որոշ լուրջ բարդություններ (արյունահոսություներ և այլն):  

Հետծննդյան շրջանի առաջին երկու օրը սկսվում է կաթնարտադրությունը, ընդ որում, առաջին երկու օրը լինում է խեժի տեսքով, որը խիստ կարևոր է երեխայի համար: Կեսարյան հատումների ժամանակ խեժն ավելի երկար է տևում՝ մինչև 3 օր: Այն իր մեջ ավելի շատ սպիտակուցներ է պարունակում, նաև` իմունոգլոբուլիներ, քան կաթը: Ներկայում երեխային տալիս են մորը կերակրման առաջին 30 րոպեներին, ինչը դրդում է խեժի վաղ արտադրումը և ապա կաթնարտադրությունը, նպաստում է նաև մոր և պտղի միջև հոգեկան կապին:

Հետծննդյան շրջանում նորմայում կնոջ արգանդի խոռոչից արտադրություններ են դիտվում, որոնք կոչվում են լոխիաներ: Դրանք առաջին 3-4 օրը արյունային բնույթ ունեն, իսկ 10 օրվա ընթացքում դառնում են ավելի շճային: Լոխիաները նորմայում, սովորաբար, անհետանում են 21-րդ օրվանից մինչև 42-րդ օրը:

Որո՞նք են ուշ շրջանի առանձնահատկությունները:

Ծննդաբերությունից հետո արտադրվում է պրոլակտին հորմոնը, որը նպաստում է կաթնարտադրությանը և, միևնույն ժամանակ, դաշտանադադարին, ինչի պատճառով համարվում է բնական հակաբեղմնավորիչ:

Եթե կինը չի կերակրում երեխային կրծքի կաթով, նրա մոտ ավելի շուտ է վերականգնվում դաշտանային ցիկլը (5-6 շաբաթից), և արագ կարող է կրկին հղիանալ: Սակայն կերակրողները 100 տոկոսով պաշտպանված չեն հղիանալուց, այդ պատճառով պետք է զգույշ լինեն և հույս չդնել միայն կերակրմամբ պաշտպանվելու վրա:

Հղիության վերջին 2-3 ամսում և ծննդաբերության ընթացքում միզապարկը հաճախ սեղմված վիճակում է գտնվում, որի արդյունքում կորցնում է տոնուսը, արդյունքում, ծննդաբերությունից հետո, կարող են դիտվել անմիզապահություն: Նման դեպքերում կատարվում է կաթետերիզացիա և հրահանգվում, որ թեկուզ պարտադրանքով, բայց կինը փորձի հաճախ միզել: Որոշ ժամանակ անց այդ վիճակն ինքնուրույն վերականգնվում է:

Հղիության ընթացքում լինում է նաև աղիների տոնուսի իջեցում և կանանց մոտ աղիների նորմալ գործունեության հետ կապված խնդիր է առաջանում: Պետք է հսկել, որ կնոջ մոտ աղիները գործեն կանոնավոր ՝ սննդակարգի կամ դեղորայքի օգնությամբ:

Վաղ շրջանում ի՞նչ բարդություններ կարող են առաջանալ:

Վաղ շրջանի բարդություններն են՝ ծննդաբերական արյունահոսությունը, արգանդի թուլացումը, որը ևս կարող է արյունահոսության պատճառ լինել:

Ժամանակին և ճիշտ հսկողության արդյունքում ներկայում բարդություններ քիչ են հանդիպում:

Որո՞նք են ուշ շրջանի բարդությունները:

Ուշ ժամկետներում հնարավոր են վարակային բարդություններ՝ հետծննդյան արգանդի խոռոչի բորբոքում, մաստիտ (կրծքագեղձերի բորբոքում), բարձիթողի վիճակների ժամանակ՝ պերիտոնիտ և սեպսիս:

Մաստիտ կարող է զարգանալ լակտոստազի (կաթի կանգ) հետևանքով: Կաթի կանգը կարող է առաջացնել կրծքագեղձի քարացում, տեղային բորբոքային վիճակ՝ ջերմություն, կարմրություն, որը, շատ արագ թարախակալելով, կարող է վերածվել մաստիտի:
Մաստիտի պատճառներից են՝ հիգիենայի խախտումները, սխալ կերակրումը, որոնք պտուկների ճաքերի առաջացման պատճառ են դառնում, իսկ ճաքերով վարակն արագ կարող է անցնել կրծքագեղձին:

Արգանդի վատ կրճատումը, արյունահոսության արդյունքում առաջացած սակավարյունությունը թուլացնում է կնոջ օրգանիզմը, կարող են նպաստել վարակների տարածմանը:

Հղիության ընթացքում առաջացած փոփոխությունների վերականգնումը հետծննդյան շրջանում. ի՞նչ միջոցառումներ են իրականացվում:

Հղիության ընթացքում օրգան-համակարգերի կողմից առաջացած փոփոխությունները հետծննդյան շրջանի 6 շաբաթվա ընթացքում լիովին վերականգնվում են:

Արգանդի կրճատումն առաջին օրերին (մինչև 10 օրը) արագ է ընթանում, իսկ 42 օրվա ընթացքում արգանդը վերադառնում է իր նախկին չափերին:
Հեշտոցի պատերը և շեքի մկանները, որոնք ծննդաբերության ընթացքում լայնանում են, որպեսզի պտուղն ավելի հեշտ անցնի ծննդաբերական ուղիներով, ծննդաբերությունից հետո՝ 3 շաբաթվա ընթացքում,  դառնում են ավելի բարակ և վերականգնում են իրենց նախկին տոնուսը:

Ինչպե՞ս է հսկվում կինը հետծննդյան շրջանում:

Կինը պետք է ուշադիր լինի իր հիգիենային. անկողինը հարկ է փոխել 2-3 օրը մեկ, ներքնազգեստն՝ ամեն օր, իսկ տակաշորերը ցանկալի է լինեն ստերիլ կամ ախտահանված և փոխվեն օրվա ընթացքում 3-4 անգամ:

Պետք է չափել կնոջ մարմնի ջերմությունը, զարկերակային ճնշումը՝ հատկապես` երեկոյան. դա կատարվում է հետծննդյան բաժանմունքում: Դուրս գրվելուց հետո, կարիքի դեպքում, դարձյալ պետք է չափումներ կատարի:

Հարկ է նշել, որ հետծննդյան շրջանում կրծքով կերակրող կնոջ մոտ 37-  37,1 աստիճան ջերմությունը կարելի է համարել նորմալ, եթե այլ գանգատներ չկան:

Հետծննդյան շրջանում պետք է հետևել նաև արգանդի կրճատումներին և արտադրությունների բնույթին:

Եթե գանգատներ չկան՝ կինը 1-1,5 ամսվա ընթացքում ներկայանում է կանանց կոնսուլտացիա՝ վարող բժշկի մոտ հերթական ստուգման և վիճակի գնահատման համար: Եթե գանգատներ կան՝ բարձր ջերմություն, թուլություն, թարախային արտադրություն, անմիջապես պետք է դիմել բժշկի՝ հետազոտությունների և բուժման համար (ՈՒՁՀ, մանրէաբանական, արյան և մեզի ընդհանուր հետազոտություններ և այլն):

Ինչպիսի՞ն է կնոջ սննդակարգը հետծննդյան շրջանում:

Կինը պետք է սնվի բացառի ալերգիկ ֆոն առաջացնող  մթերքները (շոկոլադ, մեղր, ծովամթերք, տոմատի մածուկ, ցիտրուսներ),  որոնք կաթի միջոցով կարող են փոխանցվել երեխային: Սոխը և սխտորը ևս պետք է բացառել, քանի որ դրանք կարող են փոխել կաթի համը և երեխան՝ տհաճություն զգալով, հնարավոր է հրաժարվի մայրական կաթից:

Ինչպիսի՞ն պետք է լինի կնոջ սեռական կյանքը հետծննդյան շրջանում:

Կնոջը հետծննդյան շրջանում վաղ ակտիվացում է անհրաժեշտ, եթե ամեն բան ընթացել է նորմալ, չեն եղել պատռվածքներ, արյունահոսություն:

Հետծննդյան շրջանի 6 շաբաթների ընթացքում, սովորաբար, խորհուրդ է տրվում զերծ մնալ սեռական կյանքից: Սեռական հարաբերությունները ցանկալի չեն, կամ դրանք պետք է անպայման իրականացվեն պահպանակի կիրառմամբ, քանի որ կնոջ սեռական ուղիները դեռևս խոցելի են և կարող են շատ հեշտ վարակ ընդունել:

Սկզբնաղբյուր. morevmankan.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Ուշ վերատադրողական տարիք. morevmankan.am
Ուշ վերատադրողական տարիք. morevmankan.am

Կրթությունը, կարիերան, հասարակական կարգավիճակի որոշ նվաճումները պահանջում են վերանայել վերաբերմունքն այնպիսի կարևոր գործառույթի նկատմամբ, ինչպիսին վերարտադրողությունն է...

Պերինատոլոգիա, մանկաբարձություն և ուրո-գինեկոլոգիա
Հիստերոսկոպիա ԱՄԲ-ից առաջ. morevmankan.am
Հիստերոսկոպիա ԱՄԲ-ից առաջ. morevmankan.am

Օժանդակ վերարտադրողական մեթոդների արդյունավետությունը ապահովող կարևոր միջոց է ճիշտ ախտորոշումը: Այդպիսի մեթոդներից է հիստերոսկոպիան...

Պերինատոլոգիա, մանկաբարձություն և ուրո-գինեկոլոգիա
Ճանաչեք հղիության ընթացքում վտանգի նշանները. morevmankan.am
Ճանաչեք հղիության ընթացքում վտանգի նշանները. morevmankan.am

Հիշեք, անհրաժեշտ է անհապաղ դիմել հիվանդանոց, եթե առկա է...

Ինչպես՞ է ազդում էլեկտրոնային և տաքացվող ծխախոտը հղիության վրա. morevmankan.am
Ինչպես՞ է ազդում էլեկտրոնային և տաքացվող ծխախոտը հղիության վրա. morevmankan.am

Տեխնոլոգիաների զարգացումը չի շրջանցել նաև ծխախոտի արդյունաբերությունը։ Վերջին տարիներին շուկայում են հայտնվել նոր արտադրատեսակներ, որոնք, ըստ արտադրողների...

Վնասակար սովորություններ
Կարո՞ղ է դաշտան լինել հղիության ժամանակ. morevmankan.am
Կարո՞ղ է դաշտան լինել հղիության ժամանակ. morevmankan.am

Հղիության ընթացքում հեշտոցից արյունային արտադրությունը կարող է անհանգստացնել յուրաքանչյուր կնոջ: Ոմանք դա շփոթում են դաշտանի հետ, հատկապես, երբ արտադրությունը...

Պերինատոլոգիա, մանկաբարձություն և ուրո-գինեկոլոգիա
Հնարավո՞ր է հղիանալ մեկ ձվարանով
Հնարավո՞ր է հղիանալ մեկ ձվարանով

Միակողմանի ձվարանի հեռացումը (օվարիոէկտոմիա) հաճախ հանդիպող վիրահատական միջամտություն է: Այն իրականացվում է ձվարանում բարորակ կամ կիստոզ գոյացությունների, արտահայտված էնդոմետրիոզի...

Պերինատոլոգիա, մանկաբարձություն և ուրո-գինեկոլոգիա
Նախաիմպլանտացիոն թեստավորում. morevmankan.am
Նախաիմպլանտացիոն թեստավորում. morevmankan.am

Նախաիմպլանտացիոն գենետիկ թեստավորումը (ՆԳԹ, PGT) հնարավորություն է տալիս նախքան իմպլանտացիան ուսումնասիրել էմբրիոնի գեները և քրոմոսոմները: Այս թեստավորումը ցուցված է այն զույգերին, որոնց մոտ նախկինում...

Պերինատոլոգիա, մանկաբարձություն և ուրո-գինեկոլոգիա
Հղիության վաղ ախտորոշում. ինչո՞ւ է դա կարևոր. morevmankan.am
Հղիության վաղ ախտորոշում. ինչո՞ւ է դա կարևոր. morevmankan.am

Կանայք գիտեն, որ դաշտանի ուշացումը, սրտխառնոցը, թուլությունը, ախորժակի փոփոխությունը և այլ նշաններ ոչ միշտ են վկայում հղիության մասին: Գինեկոլոգները ինքնազգացողության այդ փոփոխությունները համարում են...

Մարդկանց 30 տոկոսը տեղյակ չէ հղիության ընթացքի վրա ծխելու և երկրորդային ծխի բացասական ազդեցության մասին. morevmankan.am
Մարդկանց 30 տոկոսը տեղյակ չէ հղիության ընթացքի վրա ծխելու և երկրորդային ծխի բացասական ազդեցության մասին. morevmankan.am

Համաձայն Հայաստանում իրականացված հետազոտությունների տվյալների, ամեն օր ծխող կանանց քանակը 2023 թվականին կազմել է 2.3%, որը բարձր ցուցանիշ չէ...

Վնասակար սովորություններ
Որքա՞ն ավելի շատ պետք է ուտել հղիության ժամանակ. morevmankan.am
Որքա՞ն ավելի շատ պետք է ուտել հղիության ժամանակ. morevmankan.am

Առաջին եռամսյակում Ձեզ հարկավոր չէ որևէ ավելորդ բաժին ուտել։ Երկրորդ եռամսյակում անհրաժեշտ կլինի օրական լրացուցիչ 340 կալորիա, իսկ երրորդ եռամսյակում՝ օրական շուրջ 450 կալորիա...

Ի՞նչ մթերքից պետք է խուսափել հղիության ժամանակ. morevmankan.am
Ի՞նչ մթերքից պետք է խուսափել հղիության ժամանակ. morevmankan.am

Հղիությունը կնոջ կյանքի, թերևս, ամենասպասված և գեղեցիկ պահերից է, որի ժամանակ ցանկալի է հետևել որոշ կանոնների՝ հատկապես ճիշտ սննդակարգի պահպանմանը։ Պետք է հիշել, որ հղիներն ավելի...

Ինչպե՞ս պահպանել ճիշտ սննդակարգը հղիության ընթացքում. morevmankan.am
Ինչպե՞ս պահպանել ճիշտ սննդակարգը հղիության ընթացքում. morevmankan.am

Սրտանց շնորհավորում ենք հղիության կապակցությամբ․․․

Միևնույն ժամանակ, հղիությունն առաջացնում է մի շարք բնական հարցեր՝ հղիության ընթացքում...

Ալկոհոլի օգտագործումը հղիության ընթացքում
Ալկոհոլի օգտագործումը հղիության ընթացքում

Ալկոհոլի օգտագործումը շարունակում է մնալ հանրային առողջության հիմնական խնդիրներից մեկը, ինչն արդի է նաև Հայաստանում, այդ թվում նաև կանանց շրջանում: Պաշտոնական վիճակագրության համաձայն...

Սննդի անվտանգությունը հղիության ընթացքում. morevmankan.am
Սննդի անվտանգությունը հղիության ընթացքում. morevmankan.am

Սննդային թունավորումները և սննդամթերքի հետ փոխկապակցված հիվանդությունները շարունակում են մնալ արդի հիմնախնդիր, ինչը հատկապես կարևոր է Ամանորի նախաշեմին և տոների ընթացքում։ Այսպես, համաձայն պաշտոնական...

Ինչպե՞ս է իրականացվում հղիների գենետիկ խորհրդատվությունը
Ինչպե՞ս է իրականացվում հղիների գենետիկ խորհրդատվությունը

Հղի կնոջը գենետիկ խորհրդատվության է ուղղորդում հղիությունը վարող գինեկոլոգը:

Նախքան գենետիկ խորհրդատվության ուղղորդելը իրականացվում են...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ