Հղիություն, ծննդաբերություն
|
Սեքսը հղիության ժամանակ. կարելի է, թե` չի կարելի. morevmankan.am
Եթե հղիությունն առանց բարդությունների է ընթանում, ապա ինտիմ հարաբերությունները շարունակելու որևէ խոչընդոտ չկա: Ավելին, ժամանակակից մանկաբարձ-գինեկոլոգները համարում են, որ հակացուցումների բացակայության դեպքում սեքսը չափազանց օգտակար է: Հղիության ընթացքում հուզական մթնոլորտն ընտանիքում, որպես կանոն, անկայուն է, և այդ իմաստով սիրով զբաղվելը նախկին մտերմությունը պահպանելու և ամրապնդելու լավագույն եղանակներից է: Ընդ որում, կարևոր է հասկանալ, որ բոլոր հղիների մոտ սեռական կյանքը տարբեր կերպ է ընթանում. մի մասն ինտիմ կյանքի մասին նույնիսկ մտածել չի կարող, մյուսներին լիովին բավարար են գրկախառնությունները և այլ քնքշանքները, երրորդներն էլ պատրաստ են անկողնուց դուրս չգալ մինչև առաջին կծկանքները, և այս բոլոր տարբերակները նորմալ են: Բոլոր դեպքերում, պետք է հիշել, որ հղիության յուրաքանչյուր շրջան ունի իր առանձնահատկությունը:
Առաջին եռամսյակ
Հղիության առաջին 12 շաբաթվա ընթացքում կանայք հաճախ տառապում են տոքսիկոզով, բնորոշ է նաև տրամադրության կտրուկ փոփոխությունը, ընդհանուր թուլությունը, երբեմն էլ զզվանքը` կյանքի նկատմամբ: Այդ ժամանակաշրջանում ապագա շատ մայրերի համար բոլորովին էլ «զվարճանքի» ցանկություն չկա, և իրենց այդ ցանկությունը, ավելին` ցանկության բացակայությունը, տղամարդիկ պարտավոր են հարգել: Համաձայնեք, որ բավականին դժվար է սեռական հարաբերությունների անհրաժեշտության մասին խոսել այն մարդու հետ, ով ամբողջ օրվա ընթացքում սենյակից զուգարան է վազում, և ի վիճակի չէ որևէ բան կուլ տալու, բացի կես բաժակ թեյից: Սակայն լավ ինքնազգացողության դեպքում անձնական կյանքը կարող է շարունակվել ճիշտ այնպես, ինչպես նախքան հղիությունը:
Առաջին եռամսյակում երեխան կորցնելու ռիսկն ավելի բարձր է, քան երկրորդ կամ երրորդ եռամսյակում: Այդ պատճառով այդ ժամանակահատվածում պետք է շատ ուշադիր լինել, որպեսզի սեքսը լինի կոկիկ և ոչ ագրեսիվ, իսկ տարաբնույթ ակրոբատիկ հնարքների մասին ավելի լավ է, պարզապես, մոռանալ:
Երկրորդ եռամսյակ
Սա հղիության ամենասեքսուալ ժամանակաշրջանն է: Փորիկը դեռևս մեծ չէ, այլևս սրտխառնոց չկա, կուրծքը չափերով մեծացել և ավելի զգայուն է դարձել հպումների նկատմամբ, բացի այդ, էստրոգենի և պրոգեստերոնի շնորհիվ ցանկությունն ուժեղացել է: Արդյունքում, սեքսից զգացողություններն (ամրապնդված չպլանավորված հղիության կամ, ընդհակառակը, ոչ մի կերպ չհղիանալու կպչուն մտքերի բացակայությամբ) ավելի վառ են դառնում, և օրգազմը զգալիորեն արագ է առաջանում:
Երրորդ եռամսյակ
Ամեն ինչ մի փոքր դժվարանում է. մարմնի չափերը լավագույն ձևով չեն ազդում ճարպկության և հավասարակշռության վրա, իսկ ընդհանուր հոգնածությունն սկսում է անդրադառնալ խառնվածքի վրա: Բացի այդ, ծննդաբերությունից 3-4 շաբաթ առաջ կանայք «ալարկոտ» են դառնում. ցանկանում են բազմոցին պառկած մնալ և հնարավորին սահմանափակել շփումը շրջակա աշխարհի հետ:
Երբ չի կարելի զբաղվել սեքսով` հղիության ժամանակ
Եթե բժիշկը խորհուրդ չի տալիս զբաղվել սեքսով, պետք է նրա բառերը չընդունել որպես գերզգուշություն: Այդ արգելքը, որպես կանոն, ունի լուրջ ֆիզիոլոգիական պատճառներ: Եթե հղիությունն ընթանում է բարդություններով, ապա օրգազմի ժամանակ տեղի ունեցող արգանդի կրճատումը և արգանդի վզիկի շրջանում ակտիվ ազդեցությունը կարող են նպաստել արյունահոսության առաջացման և բերել երեխայի կորստին:
Այսպիսով, հղիության ժամանակ սեքսից պետք է հրաժարվել հետևյալ դեպքերում.
- վիժման հաստատված սպառնալիքի դեպքում, ինչպես նաև, եթե նախորդ հղիությունը (մեկ կամ մի քանի) անհաջող է ավարտվել,
- արգանդի վզիկի իստմիկոցերվիկալ անբավարարության դեպքում,
- ընկերքի առաջադրության դեպքում (ընկերքի շերտազատման և հաջորդող արյունահոսության ռիսկը մեծ է ),
- հեշտոցային ցանկացած արյունահոսության կամ ոչ տիպիկ առատ արտադրության դեպքում,
- բազմապտուղ հղիության ժամանակ (բժիշկը կարող է խորհուրդ տալ խուսափել ինտիմ կյանքից 28 շաբաթականից հետո):
Սակայն, նույնիսկ, եթե սեքսը ստիպված եք հետաձգել մինչև լավ ժամանակներ, դա բոլորովին չի նշանակում, որ ինտիմ կյանքն ավարտվել է: Սկզբում պետք է ճշտել, թե ինչ ի նկատի ուներ բժիշկը, երբ խորհուրդ էր տալիս սեռական հանգիստ: Որոշ դեպքերում «ոչ մի սեքս» դատավճիռն, իսկապես, նշանակում է այն ամենի արգելքը, որը կնոջ մոտ կարող է բերել գրգռման և օրգազմի, իսկ որոշ դեպքերում էլ արգելքը վերաբերում է միայն ներթափանցմանը: Սակայն ինչ էլ խորհուրդ տա գինեկոլոգը, մեկընդմիշտ հիշեք. հպումային հաղորդակցումը հղիներին ուղղակի անհրաժեշտ է:
Երբ է կարելի և պետք է զբաղվել սեքսով` հղիության ժամանակ
Եթե որևէ բժշկական հակացուցում չկա, ապա հղիության ժամանակ սեքսը կարող է շատ օգտակար լինել:
- Ինտիմ հարաբերությունները կարող են ֆիտնեսի հրաշալի այլընտրանք լինել. սեքսը բավականին էներգիա ծախսող գործընթաց է, որը ներառում է նաև կանանց համար չափազանց օգտակար ձգումների տարրեր: Ավելին, ինտիմ կյանքը, ինչպես նաև ֆիզիկական ծանրաբեռնվածությունը, նպաստում է հաճույքի հորմոնների (էնդորֆինների) արտադրությանը, որոնք, իրենց հերթին, փոխանցվում են փոքրիկին՝ լավացնելով նրա տրամադրությունը և կարգավորելով սիրտ-անոթային համակարգի աշխատանքը:
- Հղիության ընթացքում մեծացող արգանդը և փոքր կոնքի տեղաշարժված օրգանները կարող են վատացնել արյան նորմալ շրջանառությունը, նպաստել երակային կանգի առաջացմանը և նվազեցնել հյուսվածքների արյունամատակարարումը: Այլ անբարենպաստ գործոնների առկայության դեպքում (ծխելը, ժառանգական նախատրամադրվածությունը, նստակյաց աշխատանքը) այդ ամենը կարող է բերել ոտքերի և, նույնիսկ, փոքր կոնքի երակների վարիկոզ լայնացման: Ընդ որում, սեքսի ժամանակ ուժեղանում է արտաքին և ներքին սեռական օրգանների արյան հոսքը, ապա տեղի է ունենում ինտենսիվ հետհոսք, այդպիսով, այդ «վնասակար» հետհոսքը վերացվում է: Բացի այդ, ներքին սեռական օրգանների անուղղակի մերսումը նպաստում է հղիության ժամանակ առաջացող փորկապությունների կանխարգելմանը:
- Շատ կանանց վախեցնում է օրգազմից հետո առաջացող արգանդի լարվածությունը, սակայն, եթե այն չի ուղեկցվում ցավային զգացողություններով և անցնում է կես ժամվա ընթացքում, անհանգստանալու կարիք չկա: Արգանդը մկան է և այդ պատճառով անհրաժեշտ են մարզումներ: Արգանդի կրճատման ունակությունը անհրաժեշտ կլինի ծննդաբերության ժամանակ: Հասուն հղիության ժամանակ սեռական կյանքը ծննդաբերությանը նախապատրաստվելու լավագույն տարբերակն է: Ծննդաբերությունից առաջ կանանց մոտ առաջացող տագնապը և սթրեսը հանելուց զատ, սեքսը նպաստում է արգանդի վզիկի հասունացմանը (այսինքն, փափկեցմանը և կրճատմանը) սերմնահեղուկում պարունակվող պրոստագլանդինների հաշվին, որոնք հատուկ նյութեր են և մասնակցում են ծննդաբերության մեկնարկին: Պետք է չվախենալ, սա աշխատում է միայն այն դեպքում, երբ կինը և երեխան պատրաստ են ծննդաբերության, ավելի վաղ ժամկետներում ոչ մի պրոստագլանդին չի սպառնում:
|
Կարդացեք նաև
Տեխնոլոգիաների զարգացումը չի շրջանցել նաև ծխախոտի արդյունաբերությունը։ Վերջին տարիներին շուկայում են հայտնվել նոր արտադրատեսակներ, որոնք, ըստ արտադրողների...
Կանայք գիտեն, որ դաշտանի ուշացումը, սրտխառնոցը, թուլությունը, ախորժակի փոփոխությունը և այլ նշաններ ոչ միշտ են վկայում հղիության մասին: Գինեկոլոգները ինքնազգացողության այդ փոփոխությունները համարում են...
Համաձայն Հայաստանում իրականացված հետազոտությունների տվյալների, ամեն օր ծխող կանանց քանակը 2023 թվականին կազմել է 2.3%, որը բարձր ցուցանիշ չէ...
Առաջին եռամսյակում Ձեզ հարկավոր չէ որևէ ավելորդ բաժին ուտել։ Երկրորդ եռամսյակում անհրաժեշտ կլինի օրական լրացուցիչ 340 կալորիա, իսկ երրորդ եռամսյակում՝ օրական շուրջ 450 կալորիա...
Հղիությունը կնոջ կյանքի, թերևս, ամենասպասված և գեղեցիկ պահերից է, որի ժամանակ ցանկալի է հետևել որոշ կանոնների՝ հատկապես ճիշտ սննդակարգի պահպանմանը։ Պետք է հիշել, որ հղիներն ավելի...
Սրտանց շնորհավորում ենք հղիության կապակցությամբ․․․
Միևնույն ժամանակ, հղիությունն առաջացնում է մի շարք բնական հարցեր՝ հղիության ընթացքում...
Ալկոհոլի օգտագործումը շարունակում է մնալ հանրային առողջության հիմնական խնդիրներից մեկը, ինչն արդի է նաև Հայաստանում, այդ թվում նաև կանանց շրջանում: Պաշտոնական վիճակագրության համաձայն...
Սննդային թունավորումները և սննդամթերքի հետ փոխկապակցված հիվանդությունները շարունակում են մնալ արդի հիմնախնդիր, ինչը հատկապես կարևոր է Ամանորի նախաշեմին և տոների ընթացքում։ Այսպես, համաձայն պաշտոնական...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ընկերության մասին
- Ամուսնական առաջին գիշերը
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն