Առողջապահություն 1.2013
Ամբուլատոր պայմաններում թոքաբորբերի եվ բրոնխիտների բուժումը մանկաբուժական պրակտիկայում
Մանկական հիվանդությունների և մահացության կառուցվածքում շնչառական օրգանների հիվանդությունները զբաղեցնում են երրորդ տեղը` պերինատալ ախտաբանություններից և բնածին արատներից հետո: Սուր շնչառական հիվանդություններից (ՍՇՀ) մահացությունը կազմում է 2,26 -2,47` 1000 կենդանի ծնված երեխաների հաշվով: Ըստ պրոֆ. Վ.Գ. Ժդանովի տվյալների, մինչև 3 տարեկան երեխաները մեկ տարվա ընթացքում ՍՇՀ-ով հիվանդանում են 2-12 անգամ, 3-7 տարեկանները` 6 անգամ, 7-17 տարեկանները` մոտ 3 անգամ, ըստ որում` ավելի հաճախ հիվանդանում են աշնանը և ձմռանը: Հիվանդությունների ռիսկի գործոններն են` նախադպրոցական, դպրոցական ու հասարակական հիմնարկներ հաճախելը և տանը ուրիշ երեխաների առկայությունը:
Որոշ շնչառական վիրուսային վարակներ հաճախ բարդանում են ստորին շնչառական ուղիների ախտահարումով (բրոնխիտ, թոքաբորբ)` պայմանավորված երկրորդային բակտերային վարակի միացումով:
Մեծ դեր են խաղում հետևյալ մանրէները` Streptococcus pneumoniae, Streptococcus pyogenes, Haemophilus influenzae, որոշ դեպքերում նաև ատիպիկ միկրոֆլորան (Mycoplasma pneumoniae, Chlamydophila pneumoniae):
Նախատրամադրող գործոններից մեծ նշանակություն ունեն ներարգանդային զարգացման շրջանում բրոնխաթոքային համակարգի խանգարումները (բրոնխաթոքային դիսպլազիա), կազմվածքի շեղումները, բրոնխների լորձաթաղանթի գերռեակտիվականությունը պայմանավորող ժառանգական և ատոպիկ գործոնները, օդի աղտոտվածությունը, պասիվ ծխելը, արհեստական սնուցումը, չհիմնավորված բուժումը հակաբիոտիկներով: Ինչպես նշում են հայտնի թոքաբաններ Վ.Կ. Տատոչենկոն, Տ.Վ. Սպիչակը և այլք, շնչառական վարակական հիվանդությունների ժամանակ 50% դեպքերում հակաբիոտիկները նշանակվում են չհիմնավորված: Դա ավելի է ծանրացնում հիվանդության ընթացքը, որը նպաստում է դրա ձգձգմանն ու կրկնություններին և լուրջ խնդիր է մանկաբույժների համար:
Մենք հետազոտել ենք բրոնխաթոքային ախտաբանություններով 2-9 տարեկան 43 երեխայի (25 տղա և 18 աղջիկ): Անամնեստիկ, կլինիկական, լաբորատոր և ռենտգենյան հետազոտության տվյալների հիման վրա 12-ի մոտ ախտորոշվել է թոքերի չբարդացած բորբոքում, իսկ 31-ի մոտ` օբստրուկտիվ և կրկնվող բրոնխիտ: 13-ի մոտ հիվանդությունը սկսվել է առաջնային ՍՇՀ-ից հետո, իսկ 11-ի մոտ կրկնվել է 2-3, 7-ի մոտ` 4-5 անգամ: Վերջիններիս մոտ եղել է անբարենպաստ ֆոն` քրոնիկական տոնզիլիտ, ադենոիդներ, ռախիտ, անամնեզում նշվել են էքսուդատիվ դիաթեզի կլինիկական ախտանիշներ, 5 երեխայի մոտ եղել է ալերգիկ մաշկաբորբ: Գրեթե բոլոր երեխաները (24) մինչ այդ ստացել են խորխաբերներ, մուկոլիտիկներ, մի մասը (14) նաև հակաբակտերային դեղամիջոցներ (սուլֆանիլամիդներ, հակաբիոտիկներ) և ախտանշային այլ բուժում:
Մեր հետազոտության տվյալներով, բրոնխիտով հիվանդ բոլոր երեխաների մոտ կլինիկորեն եղել է լորձաթարախային և թարախային բնույթի արտահայտված թաց հազ` առատ խորխարտադրությամբ, երբեմն չոր, տանջող բնույթի, թեթևակի կպչուն լորձարտադրությամբ: Օբստրուկտիվ համախտանիշով (14) երեխաների մոտ եղել է նաև հևոց, դժվարաշնչություն, երբեմն I-II աստիճանի շնչառական անբավարարություն: Բոլորի մոտ լսվել են երկկողմանի չոր սուլող և տարբեր տրամագծի թաց խզզոցներ: Կրկնվող բրոնխիտով 11 երեխայի մոտ եղել են ջերմության բարձրացում սուբֆեբրիլ թվերի սահմաններում, ընդհանուր թուլություն և թույլ արտահայտված ինտոքսիկացիա:
Ծայրամասային արյան կողմից բորբոքային պատկեր հայտնաբերվել է 19-ի մոտ` չափավոր լեյկոցիտոզ (9-11x109)` հիմնականում նեյտրոֆիլային թեքումով: Ռենտգենյան հետազոտությամբ հայտնաբերվել են բրոնխային պատկերի ուժեղացում, թոքերի թափանցելիության և օդակրության մեծացում, հարարմատային շրջանի (հիլուսի) լայնացում` ի հաշիվ լիմֆոիդ հյուսվածքի գերաճի, երբեմն մանր օջախային ստվերներ` առանց ինֆիլտրատիվ օջախային փոփոխությունների:
2-7 տարեկան 12 երեխայի մոտ ախտորոշվել է արտահիվանդանոցային, միջին ծանրության, թոքերի չբարդացած բորբոքում: Մանր բշտիկային թաց խզզոցներ լսվել է 9-ի, միայն կոշտացած շնչառություն` 3-ի մոտ: Մեծ մասի մոտ եղել է ոչ ուժեղ հազ, 5 երեխայի մոտ` առատ խորխարտադրությամբ: Լաբորատոր տվյալներով լեյկոցիտոզը եղել է բարձր (11-15.109)` նեյտրոֆիլային թեքումով, էրիթրոցիտների նստեցման արագությունը (ԷՆԱ)` 10-30 մմ/ժամ, իսկ 7 հիվանդների մոտ բարձր է եղել նաև C-ռեակտիվ սպիտակուցը (CRP)` 28-54 մգ/լ սահմաններում: Վերջնական ախտորոշումը հաստատվել է ռենտգենյան հետազոտությամբ:
Բոլոր հիվանդներին տրվել է հակաբիոտիկ` խմելու համար: Հաշվի է առնվել զգայունությունը (էմպիրիկ) պնևմոտրոպ մանրէների նկատմամբ` նկատի ունենալով նաև այն հանգամանքը, որ հիվանդները մինչև ներկա բուժումը ստացել են տարբեր հակաբակտերային դեղամիջոցներ: Նախապատվությունը տրվել է ամոքսիցիլինի կլավուլանատին: Վերջին տարիներին ամբողջ աշխարհում լայնորեն կիրառվում է սոլյուտաբ` ֆլեմոկլավ սոլյուտաբ դեղամիջոցը (ամոքսիցիլին/կլավուլանատ), որն իր կազմի մեջ մտնող ամոքսիցիլինի և կլավուլանաթթվի շնորհիվ ապահովում է ավելի բարձր կենսամատչելիություն, դա ապահովում է աղիքներում ամոքսիցիլինի շատ ցածր մնացորդային խտությունը: Սա իր հերթին նվազեցնում է դիսբիոզի ռիսկը և ապահովում առավելագույն անվտանգություն` այս շարքի այլ դեղամիջոցների հետ համեմատած:
Դեղամիջոցը հատկապես հարմար է օգտագործել մանկական պրակտիկայում, այն կարելի է լուծել ջրում և ստանալ հաճելի համով կախուկ (սուսպենզիա): Աղիքային բիոցենոզի վրա, համեմատած պաշտպանված այլ ամոքսիցիլինների հետ, ֆլեմոկլավը թողնում է նաև նվազագույն բացասական ազդեցություն: Թոքաբորբով բոլոր երեխաներին ֆլեմոկլավ սոլյուտաբը տրվել է 40-50մգ/կգ/օր հաշվարկով. օրվա դեղաչափը բաժանվել է 2-3 ընդունման համար` պայմանավորված երեխայի տարիքով: Բուժումից 48-72 ժամ հետո հիվանդների մեծ մասի ջերմությունն իջել է, նրանց ինքնազգացողությունը լավացել, հազը` պակասել, միայն 4 երեխայի մոտ սուբֆեբրիլ ջերմությունը պահպանվել է 4-5 օր: Հիվանդների ընդհանուր վիճակի կարգավորումից, ջերմության իջեցումից 2-3 օր հետո հակաբիոտիկի ընդունումը դադարեցվել է, տրվել է միջինը 7 օր: Երեխաներից միայն 4-ի մոտ ձգձգվել է թաց հազը և պահպանվել սուբֆեբրիլ ջերմությունը, ուստի կարիք է եղել հակաբիոտիկի ընդունումը շարունակել ընդունել մինչև 10 օր: Հազի դեպքում նշանակվել են խորխաբերներ, մուկոլիտիկներ` նեբուլայզերային ինհալացիայի ձևով, և այլ ախտանշային բուժում: Բուժման արդյունքում բոլոր հիվանդներն ապաքինվել են, լաբորատոր ցուցանիշները` կարգավորվել:
Բրոնխիտով հիվանդները նույնպես ստացել են համալիր բուժում` խորխաբերներ, մուկոլիտիկներ, բրոնխոսպազմի առկայության դեպքում տրվել են նաև բրոնխալայնիչներ, բոլորը նեբուլայզերային ինհալացիոն ճանապարհով` օրը 2 անգամ, 7-10 օր: Մի մասը ստացել է նաև հակահիստամինային դեղամիջոցներ և ախտանշային բուժում:
Հաշվի առնելով հիվանդության կրկնությունները, կլինիկան` առատ լորձաթարախային խորխարտադրությունը, սուբֆեբրիլ ջերմությունը, չափավոր լեյկոցիտոզը, բրոնխիտով 18 երեխայի նշված բուժման հետ միասին նշանակվել է նաև հակաբիոտիկ Ֆլեմոկլավ սոլյուտաբ` 5-7 օր տևողությամբ: Բուժման արդյունքում նրանց ինքնազգացողությունը լավացել է, հազը` վերացել, թոքերում լսվող ֆիզիկալ երևույթներն անցել են, միայն 3-ի մոտ մնացել է թեթև հազ` առավոտյան ժամերին քիչ քանակությամբ խորխարտադրությամբ: Բոլոր հիվանդների լրիվ ապաքինումը տևել է 14-18 օր:
Մեր դիտարկման արդյունքները ցույց են տվել, որ ստորին շնչառական ուղիների հիվանդությունների (բրոնխիտ, արտահիվանդանոցային չբարդացած թոքաբորբ) բուժումն ամբուլատոր պայմաններում ֆլեմոկլավ սոլյուտաբով` համակցված նեբուլայզերային ինհալացիոն ճանապարհով տրվող բրոնխոլիտիկ և մուկոլիտիկ, ինչպես նաև հակաբորբոքային, հակահիստամինային դեղամիջոցների հետ, բավական արդյունավետ է եղել և հիվանդները հիվանդանոց տեղափոխվելու կարիք չեն ունեցել:
![](images/calendar.png)
Կարդացեք նաև
![Առանձնացվեցին տարվա կարևոր անելիքները Առանձնացվեցին տարվա կարևոր անելիքները](up/article/small/file_31721_5621436.gif)
ՀՀ առողջապահության նախարար Դերենիկ Դումանյանը տարեսկզբին անցկացրած գործակարգավարական խորհրդակցության ընթացքում անդրադարձավ 2013թ. համակարգի առջև ծառացած գերակա չորս խնդիրներին...
![](images/calendar.png)
![Քննարկվեցին մոր և մանկան առողջության պահպանման խնդիրները Քննարկվեցին մոր և մանկան առողջության պահպանման խնդիրները](up/article/small/file_31722_3728218.gif)
ՀՀ առողջապահության նախարարությունում տեղի ունեցած կլոր սեղան-քննարկումը նվիրված էր մոր և մանկան առողջության պահպանմանը և նորածնային սկրինինգի ծրագրերին, որոնք վերջին տարիներին դասվում են ՀՀ Կառավարության, և մասնավորապես, առողջապահության նախարարության գերակա խնդիրների շարքին...
![](images/calendar.png)
ՀՀ առողջապահության նախարար Դերենիկ Դումանյանը վերջերս ընդունեց Հայաստանի Հանրապետությունում Իտալիայի արտակարգ և լիազոր դեսպան Բրունո Սկապինիին և մարդասիրական առաքելությամբ Հայաստանում գտնվող «ONLIUS CARDIO-TUSCANIA» թիմի անդամներին...
![](images/calendar.png)
![Միքայել Նարիմանյանը` ԵՊԲՀ ռեկտոր Միքայել Նարիմանյանը` ԵՊԲՀ ռեկտոր](up/article/small/file_31724_8022096.gif)
2012թ.-ի դեկտեմբերին կայացավ «Երևանի Մխիթար Հերացու անվան պետական բժշկական համալսարան» պետական ոչ առևտրային կազմակերպության կառավարման խորհրդի նիստը, որը վարում էր խորհրդի նախագահ, ՀՀ կրթության և գիտության նախարար Արմեն Աշոտյանը...
![](images/calendar.png)
Վերջերս Երևանի Մխիթար Հերացու անվան ՊԲՀ-ում տեղի ունեցած ՀԽՍՀ գիտության վաստակավոր գործիչ, բժշկական գիտությունների դոկտոր, մեծանուն գիտնական, պրոֆեսոր Արտաշես Հայկի Բեգլարյանի կիսանդրու բացման արարողությանը ներկա էին ՀՀ առողջապահության նախարար Դ.Դումանյանը...
![](images/calendar.png)
![Երկու հոբելյաններ.ՀՀ բժշկական գիտությունների ակադեմիան Աշոցքում Երկու հոբելյաններ.ՀՀ բժշկական գիտությունների ակադեմիան Աշոցքում](up/article/small/file_31727_386640.gif)
1997թ. ստեղծված ՀՀ բժշկական գիտությունների ակադեմիան (ՀՀ ԲԳԱ) համալրված է հանրապետության առաջատար բժիշկ գիտնականներով, որոնք ներկայացնում են բժշկագիտության բոլոր բնագավառները...
![](images/calendar.png)
Անկախ անձի գտնվելու վայրից և կյանքի տարբեր իրավիճակներից` բժշկական օգնություն և սպասարկում ստանալիս յուրաքանչյուրին պետք է երաշխավորվի բժշկական միջամտության համար համաձայնություն տալու իրավունքը...
![](images/calendar.png)
«Մարդու գենոմ» նախագծի ավարտից անցել է տասը տարի: Գիտության ողջ պատմության ընթացքում այն կենսաբանական-հետազոտական առավել հավակնոտ ծրագիրն էր...
![](images/calendar.png)
«Կա մի հիասքանչ էակ, որին մենք միշտ պարտք ենք` դա մայրն է»:
Ն.Ա. Օստրովսկի
Իրավամբ սա այն պարտքն է, որը երբեք չենք կարող հատուցել, բայց փոխարենը կարող ենք ապագա մայրիկի համար ապահովել այնպիսի պայմաններ, որոնց շնորհիվ վերջինս իրեն ապահով, պաշտպանված ու գնահատված կզգա...
![](images/calendar.png)
![Ինտելեկտը եվ միկրոտարրերը Ինտելեկտը եվ միկրոտարրերը](up/article/small/file_31757_4592226.gif)
Մասնագետները կարևորում են մեկ տարեկանից մեծ երեխաների հավասարակշռված սննդակարգը, քանի որ այդ տարիքում է ձևավորվում նրանց սննդի ռեժիմը: Հաճախ երեխան անհրաժեշտ քանակությամբ օգտակար սնունդ չի ստանում...
![](images/calendar.png)
![«VISION»-Ի Հետ` 21-րդ դար «VISION»-Ի Հետ` 21-րդ դար](up/article/small/file_31758_941982.gif)
Ըստ վիճակագրական տվյալների, այսօր կենսաբանորեն ակտիվ հավելումներ (ԿԱՀ) օգտագործում է զարգացած երկրների բնակչության 60-80%-ը: ԿԱՀ-երը համեմատաբար նոր են մուտք գործել ԱՊՀ երկրներ. այսպես...
![](images/calendar.png)
![Ճիշտ ախտորոշումը` բուժման գրավական Ճիշտ ախտորոշումը` բուժման գրավական](up/article/small/file_31759_3893420.gif)
Հարցազրույց կենսաբանական համակարգերի միջազգային ինստիտուտի բժշկական ախտորոշիչ կենտրոնի երևանյան մասնաճյուղի տնօրեն Արսեն Թորոսյանի հետ
Ե՞րբ է բացվել կենսաբանական համակարգերի միջազգային ինստիտուտի բժշկա-ախտորոշիչ կենտրոնի երևանյան մասնաճյուղը և ի՞նչ նպատակով...
![](images/calendar.png)
![Քանի դեռ ողջ-առողջ եմ, երազում եմ, որ սաներիցս գոնե մեկը դառնա օլիմպիական չեմպիոն... Քանի դեռ ողջ-առողջ եմ, երազում եմ, որ սաներիցս գոնե մեկը դառնա օլիմպիական չեմպիոն...](up/article/small/file_31760_9117508.gif)
Հարցազրույց աշխարհի քառակի չեմպիոն, օլիմպիական խաղերի եռակի չեմպիոն, լեգենդար մարմնամարզիկ Ալբերտ Ազարյանի հետ
Պարոն Ազարյան, դուք սպորտին` մարմնամարզությանն եք նվիրել Ձեր ամբողջ կյանքը, և, որքանով ես եմ տեղյակ, բավականին առողջ եք մինչ այժմ` չնայած Ձեր տարիքին: Ինչո՞վ է դա պայմանավորված, որքանո՞վ են փոխկապակցված պրոֆեսիոնալ սպորտն ու առողջ ապրելակերպը...
![](images/calendar.png)
Սիրելի հետաքրքրասեր բարեկամ, մեր հանդեսի նախորդ համարների ՙՃանաչիր քո օրգանիզմը՚ խորագրի տակ տպագրված հոդվածները ձեզ ծանոթացրել են մարդու օրգանիզմում գործող տարբեր գեղձային օրգանների, բջիջների գործունեությանը...
![](images/calendar.png)
![](images/white_bl.gif)
![](images/white_br.gif)
![](images/white_tr.gif)
![](images/white_tl.gif)
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Հղիություն. 2-րդ ամիս
- 4-7 ամսական երեխաների սնուցումը
-
Ամուսնական առաջին գիշերը
-
Ընկերության մասին
-
Ինչպես ազատվել անցանկալի մազերից
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Պարզվում է ապագա երեխայի սեռը կախված է մայրիկի սնունդից
-
Դդում
-
Կոճապղպեղ՝ նիհարելու համար (կոճապղպեղի թեյ)
-
Հիվանդություն, որը փոխում է մեր կյանքը` կրծագեղձի քաղցկեղ
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Երիցուկ դեղատնային - Ромашка аптечная - Matricaria chamomilla L.
-
Չիչխանի օգտակար հատկությունները
-
Քարավուզ (նույն ինքը՝ նեխուր)
-
Ինչպես ազատվել բերանի վատ հոտից`պարզ միջոց
-
Դիմակներ` մազերի համար
-
Հղիություն. 1-ին ամիս
-
Կրծքի ցավե՞ր ունեք. ինչ անել
-
Ընդհանուր տեղեկություններ մարմնի համակարգերի մասին
-
Ընտրություն ըստ հորոսկոպի
-
Հիվանդություն, որի համար պետք չէ ամաչել (թութք)
-
Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
-
Հղիությունը և նախապատրաստվելը դրան
- Խոսենք այդ մասին. ձեռնաշարժություն
-
Երբ գլխացավն ախտանիշ է: Հանճարեղ և օժտված մարդկանց հիվանդություն
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Էկզեմայի տեսակները և բուժումը
-
Ուլտրաձայնային դոպլերոգրաֆիա (երկակի (դուպլեքս) անոթների)
-
ՈւՆԱԲԻ: Արևելյան բժշկության գաղտնիքները
-
Իրիդիոսքրինինգ
-
Գամմա-դանակը նշտարի փոխարեն