Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

...

Կրիոկոնսերվացիան` գինեկոլոգիայում. հարցազրույց բժիշկ-վերատադրողաբան, սաղմնաբան Անժելա Հարությունյանի հետ. morevmankan.am

Կրիոկոնսերվացիան` գինեկոլոգիայում. հարցազրույց բժիշկ-վերատադրողաբան, սաղմնաբան Անժելա Հարությունյանի հետ. morevmankan.am

Ի՞նչ է կրիոկոնսերվացումը:


Կրիոկոնսերվացիան կենսանյութի սառեցումը և պահպանումն է, որն ապասառեցումից հետո օգտագործվում է արտամարմնային բեղմնավորման նպատակով: Իր սեփական կենսանյութը սառեցնելով, պացիենտը կարող է հետագայում խուսափել վերարտադրողականության հետ կապված խնդիրներից:

Կրիոկոնսերվացիայի ենթարկվում են սաղմերը, ձվաբջիջները և տղամարդու սերմը:

Ովքե՞ր և ի՞նչ պատճառով են դիմում կրիոկոնսերվացիայի:


Էմբրիոնների սառեցումը կարևոր է այն զույգերի համար, որոնք էմբրիոնի թարմ տեղադրումից հետո ունենում են թվով շատ կենսունակ էմբրիոններ: Այդ էմբրիոնները ենթարկվում են կրիոկոնսերվացիայի՝ հնարավորություն տալով դրանք օգտագործել հետագայում:

Կրիոկոնսերվացիայի կարող են դիմել կանայք, ովքեր ցանկանում են իրենց սեփական ձվաբջիջներն ունենալ` հետագայում բեղմնավորման համար: Այս խմբում կարող է լինել կանանց այն հատվածը, որը չի պլանավորում երեխա ունենալ մինչև 35 տարեկանը, սակայն մտավախություն ունի, որ տարիների ընթացքում՝ ձվարանային պաշարի նվազման հետևանքով, հետագայում չի կարողանա հղիանալ: Կա մեկ այլ խնդիր ևս՝ 35-ն անց և՛ կանանց, և՛ տղամարդկանց մոտ գենետիկ անոմալիաներով սաղմերի զարգացումն առավել հավանական է:  Հետագայում առողջ սերունդ ունենալու համար թե՛ կանայք, թե՛ տղամարդիկ կարող են դիմել կրիոկոնսերվացիայի:

Կրիոկոնսերվացիայի դիմում են նաև այն դեպքում, երբ զույգի կողմից որոշում է կայացվում ամուսնու երկրից բացակայելու ժամանակ արտամարմնային բեղմնավորում իրականացնել: Այս դեպքում կատարվում է սերմի սառեցում:

Ձվաբջիջների և սերմի սառեցումը կատարվում է ո՛չ միայն ըստ ցանկության, այլ նաև բժշկական ցուցումով: Կանայք, ովքեր տառապում են ուռուցքային հիվանդությամբ և ստիպված են դիմել ձվարանների վիրահատական միջամտության, որի հետևանքով ձվարանային պաշարը կարող է կտրուկ պակասել, կամ հեռացվում են ձվարանները, նախքան վիրահատությունը կարող են սառեցնել իրենց ձվաբջիջները, որպեսզի հետագայում սեփական կենսաբանական երեխաներն ունենալ` արտամարմնային բեղմնավորման միջոցով:

Նույնը վերաբերում է ուռուցքային հիվանդությամբ տառապող տղամարդկանց, որոնք ցանկանում են հետագայում սերունդ ունենալ:  Նախքան վիրահատությունը կամ քիմիաթերապիան, սառեցվում է նրանց սերմը, քանի որ քիմիաթերապիան կտրուկ նվազեցնում է սպերմատոգենեզը և ազդում է սերմի որակի վրա:

Որքան ժամանակ կարելի է պահել սառեցված կենսանյութը և ինչպե՞ս է այն պահպանվում:


Կենսանյութը կարելի է պահել անսահմանորեն, այն պահպանման ժամկետ չունի: Պահպանման ժամանակն ընտրում է պացիենտը, նա նաև կարող է ցանկացած ժամանակ հրաժարվել հետագա պահպանումից և ուտիլիզացման  (ոչնչացման) ակտ կնքել:

Կենսանյութը պահպանվում է հատուկ կրիոդյուառներում, ազոտի մեջ:

Ինչպե՞ս է իրականացվում ձվաբջիջների կրիոկոնսերվացիան:


Ձվաբջջի դոնորի դեպքում՝ համապատասխան հետազոտություններից հետո, կատարվում է ձվարանային խթանում, որի ժամանակ ձվարաններում եղած անտրալ ֆոլիկուլները չափերով սկսում են աճել: Դա կատարվում է հարաբերականորեն ձվաբջիջների մեծ քանակ ստանալու նպատակով: Ձվարանների խթանման ընթացքում՝ համաձայն ՈՒՁՀ ստացված տվյալների, նշանակվում է ձվաբջիջների ստացման օրը` պունկցիա: Ստացված ֆոլիկուլյար հեղուկից վերցվում, մշակվում են ձվաբջիջները և կատարվում է կրիոկոնսերվացիա:

Ձվարանների խթանումն ունի՞ հակացուցում:


Ձվարանների խթանումը հակացուցումներ չունի և որևէ վտանգ չի ներկայացնում: Միակ հակացուցումը ուռուցքային հիվանդություններն են, որի պարագայում կանանց խստիվ արգելվում է ձվարանային խթանումը, քանի որ այն օրգանիզմի համար համարվում է հորմոնալ ծանրաբեռնվածություն, և արդյունքում հիվանդությունը կարող է առավել ագրեսիվ ընթացք ստանալ:

Այդ պատճառով, նախքան ձվարանային խթանումը, կինը հետազոտվում է:

Կենսանյութն օրենքով պաշտպանվա՞ծ է:


Յուրաքանչյուր պացիենտի սառեցված սեփական կենսանյութը ծառայում է միայն նրա համար (եթե պացիենտը դոնոր չէ): Այլ պացիենտի համար այն օգտագործելը համարվում է ապօրինի գործողություն և քրեորեն դատապարտելի է:

Կենսանյութը որքանո՞վ է պահպանում իր կենսունակությունը` ապասառեցումից հետո:

Ապասառեցումից հետո սաղմը վերականգնվում է 90 տոկոսով: Սաղմի համեմատությամբ ձվաբջիջների վերականգնման տոկոսը քիչ ավելի ցածր է: Սերմի դեպքում՝ ապասառեցումից հետո, լավագույն դեպքում, վերականգնվում է սպերմատոզոիդների 60 տոկոսը: Այդ պատճառով սառեցման համար կարևորվում է սերմի որակը:  

Որտե՞ղ են պահպանվում կենսանյութերը:


Մեր կենտրոնն ունի պաշարային (ռեզերվային) կրիոբանկ, որտեղ պահվում են դոնորական սառեցված և՛ սերմերը, և՛ ձվաբջիջները:
Պացիենտները, որոնք որոշակի խնդիրների պատճառով իրենց կենսանյութը չունեն, հաճախ դիմում են սերմի և ձվաբջջի դոնորական ծառայության: Մեր բանկում պահվող սառեցված կենսանյութերը կարող են ծառայել նրանց համար:

Ինչպե՞ս է իրականացվում դոնորների հավաքագրումը և ի՞նչ պայմանների պետք է համապատասխանի դոնորը:


Կնտրոնի կողմից հայտարարվում է, որ առկա է դոնորի պահանջարկ, և այն մարդիկ, որոնք ցանկություն ունեն ձվաբջջի կամ սերմի դոնոր դառնալ, կարող են դիմել: Սակայն կան մի քանի չափանիշներ, որոնց պետք է համապատասխանեն դոնորները:

Առաջին պայմանն է, որ դոնորը պետք է լինի մինչև 35 տարեկան:

Հաջորդը՝ ձվաբջջի դոնորը պետք է երեխա ունենա: Հետագա խնդիրներից խուսափելու համար, նախընտրելի է ձվաբջիջներ վերցնել այն դոնորներից, որոնք ունեցել են նորմալ հղիություն, նորմալ ծննդաբերություն և երեխա:

Երրորդ պահանջն է, որ դոնորը պետք է անցնի մի շարք հետազոտություններ և միայն խնդիրներ չլինելու դեպքում կարող է դառնալ դոնոր:

Սկզբնաղբյուր. morevmankan.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Միջոցներ, որոնք կարող են օգնել ցավազրկողների նման
Միջոցներ, որոնք կարող են օգնել ցավազրկողների նման

Օգտագործվող սննդի որակը շատ կարևոր է առողջության համար։ Fithacker.ru-ն գրում է, որ մի խումբ մթերքներ կարող են ցավազրկող ազդեցություն ունենալ օրգանիզմի վրա...

Ցավ Ավանդական բուժման մեթոդներ և միջոցներ
Փայլաթիթեղ. ի՞նչ կապ ունի առողջության հետ
Փայլաթիթեղ. ի՞նչ կապ ունի առողջության հետ

Փալաթիթեղն անփոխարինելի կենցաղային պարագա է, և ո՛չ միայն խոհանոցում: Ալյումինե նրբաթիթեղը հաջողությամբ կիրառվում է, երբ ցավում են թիկունքը կամ պարանոցը, ոտքերը, հոդերն ու մկանները: Փայլաթիթեղի ազդեցությամբ` տվյալ հատվածի ցավը նվազում է, ասում են՝ փոքրանում են նաև հետվիրահատական սպիները, նույնիսկ` այրվածքն է լավանում:

1. Փայլաթիթեղ՝ մկանների ու հոդացավի դեմ: փայլաթիթեղն օգնում է անգամ ռևմատոիդ արթրիտների ու հոդաբորբերի դեպքում:

Կիրառումը: Փայլաթիթեղից կտրված մի կտորով պետք է փաթաթել ցավող հատվածը, վրայից տաք կապել ու թողնել գիշերը: Տվյալ գործողությունը պետք է կրկնել 10-12 օր, ապա ընդմիջում տալ 2 շաբաթ, իսկ եթե ցավը լիովին չի անցել, ապա նույն հերթականությամբ կրկնել միջոցառումը:

2. Փայլաթիթեղ՝ գրիպի ու մրսածության դեմ: Պարզվում է , որ ալյումինե նրբաթիթեղը նաև վարակների դեմ պայքարի միջոց է:

Կիրառումը: Ոտքերը պետք է 5-6 տակ փայլաթիթեղով փաթաթել, սակայն յուրաքանչյուր շերտից հետո թուղթ կամ բամբակյա կտոր դնել և մեկ ժամից հանել: 2 ժամից գործողությունը կրկնել, սակայն նոր փայլաթիթեղով ու կրկին մեկ ժամ հետո հանել: Նորից նույնը կրկնել 2 ժամից: Միջոցառումները  կրկնել 7 օր, մինչև վերջնական ապաքինումը:

3. Այրվածքի դեմ: Ալյումինե փայլաթիթեղը մեղմում է այրվածքի ցավը:

Կիրառումը: Վնասված հատվածը սառը հոսող ջրի տակ պահել մի քանի րոպե: Եթե վերք չի առաջացել, ապա այրված հատվածը փափուկ կտորով չորացրեք: Եթե մաշկը վնասված է, ապա ախտահանված կտորով շփեք, ապա այրվածքը ամրակապեք թանզիվով ու վրայից մի քանի շերտ փայլաթիթեղ դնել: Եթե վերք չկա, ապա կարելի է փայլաթիթեղի կտորն անմիջապես այրվածքի վրա դնել, փաթաթել ու հանել միայն այն ժամանակ, երբ ցավը մեղմանա:

4. Փայլաթիթեղով նաև վերջույթների անդամահատումից հետո առաջացած ցավը կարելի է մեղմել: Մասնագետներն համոզվել են, որ ալյումինե նրբաթիթեղը նվազեցնում է վերջույթների անդամահատությունից հետո ֆանտոմային ցավերը:

Կիրառումը: Պետք է թիթեղով փաթաթել այդ հատվածն ու թանզիվով ամրակապել, ցավը մեղմանալու դեպքում՝ հանել:

5. Անքնության ու հոգնածության դեմ: Դիմահարդարները խորհուրդ են տալիս անքուն գիշերների հետքերը դեմքից վերացնել փայլաթիթեղի օգնությամբ:

Կիրառումը: Պետք է ալյումինե նրբաթիթեղի մի քանի շերտ դնել սառցախցիկը` 2 ժամ, ապա սառը շերտերը դնել այտերին ու կոպերին`  դեմքին թարմ տեսք տալու համար : Թողնել մի քանի րոպե, մինչև կզգաք, որ այդ հատվածներում մկանները թուլանում են:

Հարց է առաջանում, թե փայլաթիթեղը որ երեսից պետք է օգտագործել: Պարզվում է` տարբեր նշանակությամբ պետք է տարբեր կողմերը կիրառել: Օրինակ` ջերմություն ու տաքություն պահպանելու համար փայլաթիթեղը պետք է փայլուն երեսով անմիջապես դնել մաշկի վրա: Իսկ սառեցման կամ տաքությունից պաշտպանելու համար՝ կիրառվում է փայլատ կողմը:

Օգտակար խորհուրդներ
Բնական միջոցներ, որոնք կօգնեն ազատվել բշտիկներից, պիգմենտային հետքերից
Բնական միջոցներ, որոնք կօգնեն ազատվել բշտիկներից, պիգմենտային հետքերից

Բնական միջոցներ, որոնց դրական ազդեցությունը կնկատեք արդեն իսկ առաջին օգտագործումից հետո։ Budetezdorovy.ru-ն առաջարկում է միջոցներ, որոնք կօգնեն ազատվել բշտիկներից, պիգմենտային հետքերից...

Դեմքի խնամք
Ինչու չի կարելի մաքրել երեխայի ականջները մինչև 1 տարեկանը
Ինչու չի կարելի մաքրել երեխայի ականջները մինչև 1 տարեկանը

Ծննդատնից վերադառնալուց հետո մայրերին մտահոգող հարցերից մեկը նորածնի ականջների մաքրումն է: Դա բավականին կարևոր պահ է, քանի որ նորածնի մոտ թմբկաթաղանթը շատ մոտ է...

Առողջ երեխա

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ