Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

...

ԵՊԲՀ. Մեկնարկել է Ուսանողական խորհրդարանի «Օրացույց» խորագրով ծրագիրը

ԵՊԲՀ. Մեկնարկել է Ուսանողական խորհրդարանի «Օրացույց» խորագրով ծրագիրը

Սեպտեմբերի 10-ը ինքնասպանությունների կանխարգելման միջազգային օրն է: ԵՊԲՀ Ուսանողական Խորհրդարանը իր նոր` «Օրացույց» խորագրով ծրագրի շրջանակներում այսօր հանդես եկավ ինքնասպանությունների կանխարգելմանը նվիրված միջոցառմամբ:

Նշենք, որ «Օրացույց» խորագրով ծրագիրը հնարավորութուն կընձեռի ուսումնական տարվա ընթացքում ծանոթանալ ամենատարբեր միջազգային և համաշխարհային օրերի և հնարավորություն ունենալ մասնակցել զանազան միջոցառումների։

ԵՊԲՀ հոգեբանության ամբիոնի դասախոս, հոգեբանական գիտությունների թեկնածու, դոցենտ, դատական հոգեբան-փորձագետ Գայանե Ղազարյանը, կիսվելով հետազոտական իր փորձով, անդրադարձավ ինքնասպանություն գործելու հիմնական պատճառներին:

Նա նշեց, որ ինքնասպանությունը ամենաողբերգական վարքն է, որը կապված է կյանքի իմաստի կորստի հետ: «Այն մարդն է գնում ինքնասպանության, որի մոտ կա ինքնազգացողություն, թե ամեն ինչ ավարտված է, փակուղու մեջ է, ելք չկա: Ինքնասպանության մի քանի տեսակներ կան. ռեալ ինքնասպանություն և ինքնասպանության իմիտացիա: Իմիտացիան սպանություն է հարկադրանքով , երբ ինչ որ մեկին ստիպում են այս կամ այն գործողությունը կատարել, և մարդը այդ հարկադրանքից ելնելով ինքնասպանություն է գործում, որի մեջ պատճառը ոչ թե կյանքի իմաստի կորուստն է, այլ ֆիզիկական կամ հոգեբանական ագրեսիան այլ մարդու կողմից»,-ասաց նա:

Միջոցառմանը ներկա էին նաև ԵՊԲՀ Հոգեբանության ամբիոնի այլ մասնագետներ, ովքեր կիսվեցին իրենց փորձով:

Սկզբնաղբյուր. ԵՊ բժշկական համալսարան
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ