Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժիշկներ

«Ձեռք մեկնիր ընկածին». armeniamedicalcenter.am

«Ձեռք մեկնիր ընկածին». armeniamedicalcenter.am

«Արմենիա» բժշկական կենտրոնի նյարդավիրաբուժության բաժանմունքի վարիչ, բ.գ.թ., դոցենտ Դավիթ Պատրիկյանը պարգևատրվել է ՊՆ «Ռազմական համագործակցության համար» մեդալով:

ՁԵՌՔ ՄԵԿՆԻՐ ԸՆԿԱԾԻՆ

Իմ մանկության ամենավառ կերպարը Գոհար տատս է։ Նա թրքախոս էր, հայերեն չգիտեր, սակայն «Նարեկը» ծայրից ծայր անգիր էր ասում։ Նրա «Նարեկը» մեր ընտանիքի ամենակարևոր մասունքն է մինչ օրս։ Տատս պատմում էր, որ բախտ է ունեցել իրականացնելու իր կյանքի երեք ամենակարևոր ուխտերը՝ գնացել է Երուսաղեմ, տեսել է Էջմիածինը և աղոթել է Արմաշի Չարխափան եկեղեցում։ Երբ մեծացա, ես էլ հասկացա այդ երեք ուխտերի մեծ և սքանչելի խորհուրդը։ Տատիս ուխտագնացությունից 111 տարի անց ես քայլեցի այն հողի վրայով, որին Տիրոջ ոտքերն են հպվել, բարձրացա Գողգոթա, խոնարհվեցի Խաչին, ծնկեցի այնտեղ, որտեղ տատս էր երկրպագել Տիրոջը։

…Երբ վերադարձա, վերաիմաստավորվեց նաև Էջմիածինը։ Հրեաների երկրում ծնված Տերը, այնուամենայնիվ, մեկ անգամ հպվեց մեր հողին։ Ես միշտ էլ մի առանձնահատուկ ներշնչանքով ու երկյուղածությամբ եմ գնում Էջմիածին։ Տատս պատմում էր, որ Արմաշի Չարխափան եկեղեցում Տիրամոր պատկերը տարին մեկ անգամ նույն օրը արտասվում է, Աստվածամոր աչքերից արցունքներ են գլորվում։ …Մանկություն ասելիս հառնում է տատիս կերպարանքը՝ ձեռքերը իրար միացրած, հայացքը՝ երկնքին` աղոթելիս։

Աշխարհի ամբողջ բարոյականությունն ամփոփված է 10 պատվիրանների մեջ, բայց ես դրանց կավելացնեի նաև երկուսը՝ մի՛ սովորեցրու չիմացածդ ու ձեռք մեկնիր ընկածին։

Բոլորիս հանդուրժողականությամբ ու թույլտվությամբ մեր երկրում ծաղկեցին աղանդները, որոնք անբարոյականությունը հռչակեցին որպես գաղափարախոսություն, քարոզեցին անպաշտպան թողնել սահմանամերձ գյուղերի բնակիչներին, չփրկել նրանց թշնամու հարձակումներից, հիվանդին զրկեցին արյան փոխներարկմամբ մահից խուսափելու հնարավորությունից… Եվ այս ամենը 2000-ամյա հավատի երկրում ու մի հողի վրա, որը բազմադարյա խաչքարերի ու եկեղեցիների թանգարան է…

ՄԵՆՔ ՊԱՇՏՈՒՄ ԷԻՆՔ ԱՍՏԾՈՒՆ ՈՒ ԱՇԽԱՏԱՆՔԸ
 


«ՁԵՌՔ ՄԵԿՆԻՐ ԸՆԿԱԾԻՆ»Հայրս կոշկակար էր, մայրս՝ դերձակուհի։ Նրանք պոլսահայեր էին։ Հայաստան էին եկել Հունաստանից հայրենադարձության տարիներին։ Հորս կարած կոշիկների մասին լեգենդներ էին պատմում, խոսում էին, թե որքան գեղեցիկ են դրանք, դիմացկուն և հարմարավետ։ Հայրս աշխատում էր վաղ առավոտից մինչ ուշ երեկո։ Աշխատում էր նաև հանգստյան օրերին։ Նրա արհեստանոցը միայն մեկ օր էր փակվում՝ Զատիկին։ Երբ մեր տանը որևէ տոնակատարություն էր լինում, հորս խնդրում էին, որ մի քիչ շուտ վերադառնա արհեստանոցից, հայրս ներողամիտ ժպտալով պատասխանում էր. «Կգամ սովորական ժամին»։ Բացառություն չէր անում։ Իմ կոշկակար հայրը մտավորական էր՝ կարդացած, կիրթ, վեհանձն, բարոյական։ Մենք դրսում գտած իրը կամ փողը տուն չէինք բերում, որովհետև հայրս մեկ անգամ պահանջել էր, որ տանենք և գտած փողը դնենք այնտեղ, որտեղից վերցրել ենք։
Ես մեծացել եմ մորս կարի մեքենայի չխկչխկոցի տակ։ Մանկության տարիների ամենասիրելի ու ամենակարոտալի հուշը մորս կարի մեքենայի չխկչխկոցն է։ Այդ կարի մեքենան այսօր իմ տան ամենասրբազան մասունքն է։ Մենք խոնարհվել ենք այդ մեքենայի առաջ ինչպես սրբապատկերի առաջ, որովհետև հասկացել ենք, որ այդ գործիքն է կերակրում մեզ։ Մենք պաշտել ենք Աստծուն ու աշխատանքը։

…Իմ մանկության խճանկարը ամբողջական չի լինի, եթե ես չխոսեմ մի տխուր իրողության մասին, որ մինչ օրս ցավեցնում է սիրտս։ Այդ տագնապը… Մենք մի ծածկոց ունեինք, որի վրա մայրս քուղեր էր կարել… Որպեսզի երբ մեզ աքսորեն, արագ հավաքենք իրերը, լցնենք այդ մեծ ծածկոցի մեջ ու քուղերով կապենք։ Իմ մանկությունը մի սրտամաշ սպասում էր, որ ուր որ է՝ ներս կմտնեն ու…

«ԵՐՋԱՆԿՈՒԹՅՈՒՆ ՄԱՅՐԱՄՈՒՏԻՑ ԱՌԱՋ»

Ինձ չհարցնեք, թե ինչու եմ գրիչ վերցնում ու բանաստեղծություն գրում։ Ես չգիտեմ։ Թերևս ամեն ինչ չէ, որ կարող ես ասել վիրահատական նշտարով։ Ուստի գրիչն է գալիս օգնության։ Իմ բանաստեղծությունները սիրո ու ջերմության մասին են։ Իմ պատմվածքները արտացոլում են մարդու ամենանվիրական զգացմունքները։ «Երջանկություն մայրամուտից առաջ»՝ այսպես է վերնագրված իմ պատմվածքներից մեկը։ Նույնիսկ մայրամուտից առաջ մարդ կարող է երջանիկ լինել, եթե կողքինի ցավը մեղմելու ու դրանով երջանկանալու հոգու կարողություն ունի։ Այս կյանքը սիրո ծնունդ է։ Երբ լրագրողները հարցնում են, թե ո՞րն է տղամարդկային երջանկության իմ մոդելը, ես պատասխանում եմ՝ սիրած կին և սիրելի աշխատանք։ Սիրուց են ծնվում և՛ երջանկությունը, և՛ նվիրումը, և՛ հանդուրժողականությունը, և՛ մեղմությունը… Երբ հասկանում են ոչ միայն քո խոսքերը, այլ քո լռությունն անգամ։ Դա անբացատրելի վայելք է։ Ես շատ եմ կարդացել հեղինակավոր բժիշկների կենսագրությունը, ստեղծագործություններն ու մտքերը՝ Չեխովի, Բուլգակովի, մյուսների… Մեծ հաշվով, լավ աշխատանքն այն է, որը դու սիրում ես։ Որտեղ դու կարողանում ես բացահայտել քո բացառիկ ունակությունները, որտեղ դու վարպետ ես, առաջնորդ ես, տիրակալ ես… Ահա սա է երջանկության գաղտնիքը։

ՄԱՐԴԱՍԻՐՈՒԹՅՈՒՆ ԵՎ ԽԻԶԱԽՈՒԹՅՈՒՆ

Մայրս էր այսպես ասում՝ «Սա տղան քուլխի (գլխի) բժիշկ պիտի դառնա»։ Երբ մայրս ճաշ էր եփում ու ձկան կամ հավի գլուխները դնում էր մի կողմ, ես, փոքրիկ երեխա, այդ գլուխները վերցնում, դանակով բացում էի ու սկսում էի ժամերով ուսումնասիրել… Հենց ամենասկզբից որոշված էր, որ ես պիտի բժիշկ դառնամ։ Երբեմն ինձ հարց են տալիս՝ ինչն է կարևոր բժշկի աշխատանքում, բնավորության ո՞ր գծերն են երաշխավորում բժշկի հաջողությունը, ես պատասխանում եմ՝ մարդասիրությունը և խիզախությունը։ Բժիշկը պիտի սիրի իր հիվանդին։ Դա շատ կարևոր է, որովհետև միմիայն մեծ ու ճշմարիտ սերը քեզ կարող է մղել ինքնազոհողության ու քաջության։ Հիվանդը շատ զգայուն է, նրան չես խաբի։ Եթե հիվանդը չի զգում քո սիրո էներգիան, ներքուստ չի վստահում քեզ, ապա չի հավատում, որ կլավանա, իսկ դա ինքնին դանդաղեցնում է ապաքինման ընթացքը։ Բժշկի մասնագիտությունը թերևս ամենախիզախ մասնագիտությունն է։ Երբ դու մտնում ես վիրահատարան նշտարը ձեռքիդ, արդեն խիզախություն է… Ես ամբողջ ուժերով կռիվ եմ տալիս մահվան դեմ։ Ես շատ ինքնաբավարարված մարդ եմ, ես հպարտ եմ իմ գործով… Գիտե՞ք, քանի ճակատամարտ եմ հաղթանակով ավարտել։ Հաշիվ չկա, թե քանի անգամ եմ մեկնել Արցախ պատերազմի տարիներից մինչ օրս, քանի վիրահատություն եմ արել ռումբերի տարափի տակ, պատերազմական գործողությունների կիզակետում, քանի ազատամարտիկի ու զինվորի կյանք եմ փրկել… Ես կյանք եմ պարգևում մարդկանց։ Դուք գիտե՞ք ավելի մեծ բախտավորություն։

Հեղինակ. Գայանե Պողոսյան
Սկզբանաղբյուր.amda.am

Դավիթ Արտաշեսի Պատրիկյան
Արմենիա ՀԲԿ նյարդավիրաբուժության բաժանմունքի վարիչ

Ծնվել է 1952թ. փետրվարի 8-ին Երևան քաղաքում
1975թ. ավարտել է Երևանի պետական բժշկական ինստիտուտը:

  • 1977-1979թթ.՝ ծառայել է ԽՍՀՄ ԶՈՒ-ում:
  • 1979թ.-ից՝ ՀՀ հանրապետական հիվանդանոց (1995թ.-ից` բաժանմունքի վարիչ):
  • 1978թ.՝ բժշկական ծառայության պահեստի ավագ լեյտենանտ:
  •  2001թ.՝ բժշկական գիտությունների թեկնածու:
  •  1988–1993-ին կամավոր և գործուղումով մեկնել է ԼՂՀ. Շահումյանի, Մարտակերտի շրջանային, կենտրոնական հիվանդանոցներում, ռազմադաշտային շարժական, Ստեփանակերտի կլինիկական հոսպիտալներում բուժել և վիրահատել է վիրավոր ազատամարտիկների և խաղաղ բնակիչների:
  • Աշխատությունները վերաբերում են քրոնիկական սուբդուրալ հեմատոմաների վիրաբուժական բուժման եղանակների համեմատական գնահատականի հարցերին:

 

 

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

«Մասնագիտությունը` բժիշկ» շարքից` Ռաֆայել Բաղդասարյան. armeniamedicalcenter.am
«Մասնագիտությունը` բժիշկ» շարքից` Ռաֆայել Բաղդասարյան. armeniamedicalcenter.am

Հեմոդիալիզի բաժանմունքը 1988 թ. երկրաշարժից հետո հիմնադրել են Հոլանդիայի և Բելգիայի մասնագետները՝ «Բժիշկներ առանց սահմանի» կազմակերպության անմիջական աջակցությամբ...

Բժշկի ընդունարանում
ԵՊԲՀ. Նյարդավիրաբուժությունը մեծ ջանքեր է պահանջում ուսման և մասնագիտական գործունեության ընթացքում. Սևակ Բադալյան
ԵՊԲՀ. Նյարդավիրաբուժությունը մեծ ջանքեր է պահանջում ուսման և մասնագիտական գործունեության ընթացքում. Սևակ Բադալյան

«Հերացի» թիվ 1 համալսարանական հիվանդանոցի Նյարդավիրաբուժության և գլխուղեղի կաթվածների բուժման մասնագիտացված կենտրոնի նյարդավիրաբույժ Սևակ Բադալյանը շատերին է հայտնի որպես երիտասարդ և փորձառու բժիշկ...

Մասնագիտությունը՝ բժիշկ, շարքից. Արթուր Սոխակյան. armeniamedicalcenter.am
Մասնագիտությունը՝ բժիշկ, շարքից. Արթուր Սոխակյան. armeniamedicalcenter.am

Արթուր Ռոբերտի Սոխակյան, բժշկական գիտությունների թեկնածու, «Արմենիա» ՀԲԿ վնասվածքաբանության և օրթոպեդիայի բաժանմունքի վարիչ...

Մասնագիտությունը՝ բժիշկ, շարքից. Խաչատուր Տիգրանի Էյրամջյան. armeniamedicalcenter.am
Մասնագիտությունը՝ բժիշկ, շարքից. Խաչատուր Տիգրանի Էյրամջյան. armeniamedicalcenter.am

Խաչատուր Տիգրանի Էյրամջյան, «Արմենիա» ՀԲԿ վիրաբուժական բաժանմունքի վարիչ

Խաչատուր Էյրամջյանը ծնվել է 1969թ. մարտի 7-ին, ք. Երևանում: Նախնական կրթությունը ստացել է...

Բժշկի ընդունարանում
ԵՊԲՀ. Մեզանից յուրաքանչյուրը ԵՊԲՀ-ի պատմության լույսի մի ճառագայթն է. Սուրեն Ստեփանյան
ԵՊԲՀ. Մեզանից յուրաքանչյուրը ԵՊԲՀ-ի պատմության լույսի մի ճառագայթն է. Սուրեն Ստեփանյան

Վիրաբուժության բնագավառը ինչ-որ չափով խորհրդավոր է, նրա մասին հաճախ հնչում են իրարամերժ կարծիքներ, նույն վիրաբույժի մասին կարող են գրվել գովերգող գրական ստեղծագործություններ և լսվել խիստ քննադատություններ...

Հայաստանում մասնագիտական վերապատրաստման տեսլականը. զրույց Րաֆֆի Ավետիսյանի հետ
Հայաստանում մասնագիտական վերապատրաստման տեսլականը. զրույց Րաֆֆի Ավետիսյանի հետ

Մեր զրուցակիցն է ԱՄՆ-ի հայտնի «Քլիվլենդ» կլինիկայի պրոֆեսոր, անեսթեզիոլոգ Րաֆֆի Ավետիսյանը, ում հետ խոսեցինք նեյրոանեսթեզիոլոգիայի, դրա հրատապության, պրոֆեսորի կողմից իրականացված մի շարք ծրագրերի և հետագա պլանների մասին...

Բժշկի ընդունարանում
ԵՊԲՀ. Ֆանարջյանների ընտանիքում պահպանվում է բժիշկ դառնալու ավանդույթը
ԵՊԲՀ. Ֆանարջյանների ընտանիքում պահպանվում է բժիշկ դառնալու ավանդույթը

«Ֆանարջյան» ազգանունը մեր երկրում նույնացվում  է բժշկագիտության  հետ։ Ֆանարջյանների ընտանիքը Հայաստանի բժշկական ամենամեծ գերդաստաններից է, որի վառ ներկայացուցիչ՝ «Հերացի» թիվ 1 հիվանդանոցային համալիրի...

ՀՀ ԱՆ. Պատվոգիր է շնորհվել անմնացորդ աշխատանքի համար
ՀՀ ԱՆ. Պատվոգիր է շնորհվել անմնացորդ աշխատանքի համար

Առողջապահության նախարարի տեղակալ Անահիտ Ավանեսյանն ընդունել է Իտալիայի Սուրբ Կամիլլո Միաբանության Հայր Մարիո Կուկարոլլոյին: Վերջինս Շիրակի մարզի Աշոցքի «Տիրամայր Նարեկ» հիվանդանոցում երկարատև...

ԵՊԲՀ. «Եղնիկների» բժշկուհին
ԵՊԲՀ. «Եղնիկների» բժշկուհին

Արցախյան պատերազմին իր մասնակցության մասին Արմինա Նալբանդյանը խոսել չի սիրում: Հարցերի միջոցով փորձում ենք «գաղտնազերծել» բժշկուհու կյանքի կարևոր այդ փուլի մանրամասները: Աշխատում է «Արմենիա» բժշկական կենտրոնում, վիրաբույժ է...

Մի պացիենտի հետքերով. Թիվ 1 համալսարանական կլինկիա, Հմայակ Սոսի Սիսակյան
Մի պացիենտի հետքերով. Թիվ 1 համալսարանական կլինկիա, Հմայակ Սոսի Սիսակյան

Մեդ-Պրակտիկ թիմը` լսելով թիմի անդամներից մեկի դրվատանքի խոսքերն` ուղղված Թիվ 1 համալսարանական կլինիկայի սրտաբանության բաժանմունքի ամբողջ անձնակազմին, որտեղ վերջին օրերին բուժվում էր իր ծեր մայրը, որոշեց պարզել` ո՞րն էր...

Բժշկի ընդունարանում
Ապրիլի 3-ին ծնվել է ռուս բժիշկ, ծանր ատլետ, ողնուղեղային վնասվածքներով հիվանդների ռեաբիլիտացիայի մեթոդիկայի հեղինակ Վալենտին Դիկուլը
Ապրիլի 3-ին ծնվել է ռուս բժիշկ, ծանր ատլետ, ողնուղեղային վնասվածքներով հիվանդների ռեաբիլիտացիայի մեթոդիկայի հեղինակ Վալենտին Դիկուլը

Վալենտին Իվանովիչ Դիկուլը ծնվել է 1948 թ. ապրիլի 3-ին Կաունաս (Լիտվա) քաղաքում: Ծնողների մահվան պատճառով տղան ապրել է մանկատանը: Այնտեղ նա սովորել է ձեռնածություն և ակրոբատիկա...

Պատմության էջերից Հիշարժան օրեր, տարեթվեր, տոներ
Հարցազրույց վիրաբույժ-պրոկտոլոգ Արարատ Սահակյանի հետ. izmirlianmedicalcenter.com
Հարցազրույց վիրաբույժ-պրոկտոլոգ Արարատ Սահակյանի հետ. izmirlianmedicalcenter.com

«Իզմիրլյան» բժշկական կենտրոնի պրոկտոլոգիայի բաժանմունքի գործունեության, առաջընթացների մասին զրուցեցինք վիրաբույժ- պրոկտոլոգ, Երևանի Մ. Հերացու անվան բժշկական համալսարանի պրոկտոլոգիայի...

Բժշկի ընդունարանում Բժշկական կազմակերպություններ և կենտրոններ
Հարցազրույց Ռ.Օ. Յոլյանի անվան արյունաբանական կենտրոնի տնօրենի պաշտոնակատար Սամվել Դանիելյանի հետ
Հարցազրույց Ռ.Օ. Յոլյանի անվան արյունաբանական կենտրոնի տնօրենի պաշտոնակատար Սամվել Դանիելյանի հետ

–   Ինչպիսի՞ն է արյունաբանության ոլորտն այսօր Հայաստանում:


–   Արյունաբանության ոլորտը Հայաստանում հետևում է միջազգային փորձին և ձեռքբերումներին: Մենք ունենք...

Բժշկի ընդունարանում
Հարցազրույց պրոկտոլոգ Անահիտ Գևորգյանի հետ. izmirlianmedicalcenter.com
Հարցազրույց պրոկտոլոգ Անահիտ Գևորգյանի հետ. izmirlianmedicalcenter.com

Գևորգյան Անահիտ Գեղամի - բժշկակական գիտությունների թեկնածու, դոցենտ, բժիշկ կոլոպրոկտոլոգ

Ինչպե՞ս որոշեցիք դառնալ բժիշկ-պրոկտոլոգ...

Բժշկի ընդունարանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ