Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Միզային համակարգ

Միզաքարային հիվանդություն. հարցերին պատասխանում է Արամ Զոհրաբյանը. armeniamedicalcenter.am

Միզաքարային հիվանդություն. հարցերին պատասխանում է Արամ Զոհրաբյանը. armeniamedicalcenter.am

Ի՞նչ է միզաքարային հիվանդությունը:

Միզաքարային հիվանդությունը (ՄՔՀ) միզասեռական համակարգի ամենատարածված հիվանդություններից է` իր հաճախականությամբ զբաղեցնելով  3-րդ հորիզոնականը:

Ովքե՞ն են առավել հակված միզաքարային հիվանդության, ռիսկի գործոնները:

Միզային քարերի առաջացման հաճախականության վրա ազդում են կլիման, սոցիալ-տնտեսական վիճակը, հեղուկների ընդունումը, կենսաձևը, զբաղմունքը, քաշը, տարիքը և սեռը.

Արդյո՞ք միզաքարային հիվանդությունը ժառանգական է:

Ժառանգական գործոնն ունի իր դերը:

Նշանակություն ունի՞, արդյոք, աշխարհագրությունը:

Այո, օրինակ՝ Հայաստանը համարվում է ՄՔՀ էնդեմիկ զոնա:

Ի՞նչ դերակատարում ունի սնունդը երիկամներում քարերի առաջացման գործընթացում:

Սննդակարգից ռիսկի գործոններն են՝ սննդի կալորիականությունը, կալցիումի բարձր քանակ պարունակող սննդամթերքի օգտագործումը, A և B վիտամինների դեֆիցիտը:

Ինչպե՞ս են առաջանում քարերը երիկամներում և ի՞նչ տեսակներ կան:

Վերոնշյալ բոլոր նյութերը նպաստում են երիկամներում բյուրղիկների առաջացմանը, որոնք այնուհետև միաձուլվելով չափերով մեծանում են՝ ձևավորելով միզային քարեր: Երիկամների քարերի դասակարգումն իրականացվում է ըստ տեղակայման (բաժակի, ավազանի) և ըստ կառուցվածքի (օքսալատային, ֆոսֆատային, ուրատային, ցիստինային)

Ի՞նչ կերպ է մեզում միզաթթվի քանակի բարձրացումը նպաստում քարերի առաջացմանը երիկամներում:

Միզաթթվի ցուցանիշի բարձրացումը նպաստում է ուրատային քարերի առաջացմանը:

Քար միզապարկում, միզածորանում, երիկամներում: Ի՞նչ ախտանիշներով է արտահայտվում միզաքարային հիվանդությունը:

Երիկամների քարերը, սովորաբար, որևէ կլինիկական արտահայտություն չունեն՝ մինչ նրանց անկումը միզածորան, որն ուղեկցվում է երիկամային խիթով, կամ չափերով խիստ մեծացումը վերածվում է մարջանաձև քարի, ինչը նույնպես ուղեկցվում է ցավային համախտանիշով: Միզապարկի քարերն արտահայտվում են դիզուրիայով (միզարձակման տարատեսակ խանգարումներով): Բոլոր դեպքերում, կարող է նկատվել հեմատուրիա (արյունամիզություն):

Ի՞նչ կլինի, եթե չբուժեն միզաքարային հիվանդությունը:

Միզաքարային հիվանդության ժամանակ ամենահաճախ հանդիպող բարդությունը միզուղիների սուր բորբոքային գործընթացներն են՝ (պիելոնէֆրիտ, պիոնէֆրոզ, պարանէֆրիտ, ցիստիտ, ուրետրիտ): Ստորին միզուղիների քարերի դեպքում կարող է առաջանալ սուր միզակապություն, միզածորանների քարերի դեպքում առաջանում է հիդրոնեֆրոզ, որը կարող է բերել անուրիայի կամ քրոնիկական երիկամային անբավարարության:

Ի՞նչ է երիկամային խիթը:

Երիկամային խիթը սուր ցավային համախտանիշ է, որն արտահայատվում է գոտկային շրջանի սուր ցավերով՝ պայմանավորված ուրոդինամիկայի (մեզի արտահոսքի) կամ հեմոդինամիկայի խանգարումով:

Ի՞նչ օգնություն ցուցաբերել երիկամայաին խիթի ժամանակ:

Նախևառաջ դիմել համապատասխան հիվանդանոց` ախտորոշումը հաստատելու համար: Արդեն հետազոտություններում հաստատված երիկամային խիթի ժամանակ առաջին բուժօգնությունը դիկլոֆենակի 75մգ միջմկանային ներարկումն է` ըստ ԵՈՒԱ ուղեցույցի:

Ինչու՞ է հղիների մոտ սրվում հիվանդությունը, ինչպե՞ս բուժել:

Հղիների մոտ` ի հաշիվ էսթրոգենների քանակի ավելացման, դիտվում է միզուղիների հարթ մկանների թուլացում՝ միզուղիների լայնացում, որը նպաստում է ստորին միզուղիներից ինֆեկցիայի վերել տարածմանը: Նաև` հղիության ժամանակ, սովորաբար, արգանդը տեղաշարժվում է դեպի աջ՝ առաջացնելով աջակողմյան հիդրոնեֆրոզ:

Ինչպե՞ս ախտորոշել միզաքարային հիվանդությունը: Ախտորոշման ի՞նչ գործիքային մեթոդներ են իրականացվում:

Ախտորոշման համար հիմնականում օգտագործվում են ՈՒՁՀ և ռենտգեն հետազոտություն, որոշ դեպքերում` համակարգչային շերտագրում (ՀՇ):

Միզաքարային հիվանդության լաբորատոր կրիտերիաները:

Լաբորատոր հետազոտություններից պարտադիր կատարվում է մեզի ընդհանուր քննություն, կրեատիննի և միզանյութի որոշում: Բուժման մեթոդները բաժանվում են 2 մեծ խմբի՝ կոնսերվատիվ և վիրահատական:

Ինչպե՞ս բուժել միզաքարային հիվանդությունը: Բուժման ի՞նչ մեթոդներ կան:

Չկա այնպիսի բուժում որը նպատակահարմար լինի բոլորին: Բուժման ռազմավարության ընտրության համար դեր ունեն բազմաթիվ գործոններ՝ քարի տեղակայում, քարի տեսակ, հիվանդի մոտ այլ հիվանդությունների առկայություն և այլն:

Միզաքարային հիվանդության բուժում` առանց վիրահատության. ո՞ր դեղերն են օգնում ազատվել երիկամների քարերից:

Քարերի ոչ բոլոր տեսակներն են ենթարկվում դեղորայքային բուժման: Կան բազմաթիվ դեղեր, որոնք նպաստում են որոշ քարերի լուծմանը կամ տեղաշարժմանը, սակայն` ինչ նշանակել հիվանդին, որոշում է բժիշկը` հաշվի առնելով բոլոր վերոհիշյալ գործոնները:

Վիրահատությունները միզաքարային հիվանդությունների ժամանակ:

Վիրահատական բուժման հիմնական տարբերակներն են հեռահար քարափշրումը (ԴԼԹ), կոնտակտային քարափշրումը (Էնդոսկոպիկ կամ պերկուտան) և բաց վիրահատությունը:

Հետվիրահատական ընթացքը:

Հետվիրահատական ընթացքը կախված է հիվանդի ընդհանուր վիճակից և բուժման ռազմավարության ընտրությունից` հաշվի առնելով արդի մեթոդները: Մինիմալ ինվազիվ միջամտությունների լայն կիրառումը բավականին նվազեցրել է հիվանդների հոսպիտալիզացիայի տևողությունը:

Ի՞նչ է լիթոտրիպսիան:

Լիթոտրիպսիան քարափշրումն է հեռահար կամ կոնտակտային տարբերակներով:

Բուժումը` ժողովրդական միջոցներով:

Ժողովրդական բուժման մեթոդները կորցրել են իրենց արդիականությունը:

Ֆիզիոթերապիան` միզաքարային հիվանդության ժամանակ:

Ֆիզիոթերապիան բուժման նպատակով գրեթե չի օգտագործվում:

Սննդակարգը` միզաքարային հիվանդության ժամանակ:

Կախված քարի կառուցվածքից, հիվանդի համար որոշվում է համապատասխան սննդակարգ:

Միզաքարային հիվանդության բուժումը սանատոր-կուրորտներում:

Սանատոր-կուրորտային բուժումն օգտագործվում է ՄՔՀ ոչ բարդացած դեպքերում, ինչպես նաև ՄՔՀ առաջացման կանխագելման համար:

Քարերի առաջացումը կրկնվելու կանխումը:

ՄՔՀ առաջանալու կամ կրկնվելու կանխման հիմնական մեթոդը հեղուկների մեծ քանակի օգտագործումն է, ինչպես նաև հատուկ սննդակարգը, որը որոշվում է անհատական՝ կախված քարերի բաղադրությունից:

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Երիկամի քաղցկեղ. նշաններ, ռիսկի գործոններ, կանխարգելում. morevmankan.am
Երիկամի քաղցկեղ. նշաններ, ռիսկի գործոններ, կանխարգելում. morevmankan.am

Երիկամի քաղցկեղը երիկամի նորագոյացություն է, որի դեպքում երիկամային հյուսվածքը վերակերպվում է չարորակ գոյացության: Ունենում է ինվազիվ աճ` քայքայելով շրջակա հյուսվածքները...

Ուռուցքաբանություն
Ցավոտ միզապարկի համախտանիշ. armeniamedicalcenter.am
Ցավոտ միզապարկի համախտանիշ. armeniamedicalcenter.am

Ցավոտ միզապարկի համախտանիշը կամ ինտերստիցիալ ցիստիտը քրոնիկ հիվանդություն է, որի ժամանակ բուժառուներն ունենում են ցավ միզապարկի, փոքր կոնքի շրջանում միզելու հաճախացած, ուժեղ ցանկություն /ուրգենտություն/...

Սննդակարգը միզապարկի քարերի ժամանակ. հիվանդության կանխարգելումը. armeniamedicalcenter.am
Սննդակարգը միզապարկի քարերի ժամանակ. հիվանդության կանխարգելումը. armeniamedicalcenter.am

Միզապարկի քարերի  առկայության ժամանակ սնունդը պետք է լինի հավասարակշռված, հարուստ վիտամիններով և հանքային աղերով, ուղղված նյութափոխանակության խանգարման կարգավորմանը...

Սնունդը և առողջությունը Սննդակարգեր
Երիկամաքարային հիվանդության կոնսերվատիվ (ոչ վիրաբուժական մեթոդներով) բուժումը. armeniamedicalcenter.am
Երիկամաքարային հիվանդության կոնսերվատիվ (ոչ վիրաբուժական մեթոդներով) բուժումը. armeniamedicalcenter.am

Երիկամային և միզուղիների քարերի մեծ մասն ինքնուրույն հեռանում են մեզով: Այնուամենայնիվ, կախված քարի չափերից և տեղակայումից, դրա համար որոշակի ժամանակ է պահանջվում: Իսկ քարի տեղաշարժման...

Երիկամային խիթ (կոլիկա). armeniamedicalcenter.am
Երիկամային խիթ (կոլիկա). armeniamedicalcenter.am

Երիկամային խիթը (կոլիկա) պաթոլոգիկ սուր վիճակ է, որի ժամանակ քարը փակում է միզածորանը: Ցավը արագ վերացնելու համար անհրաժեշտ է անհապաղ կապ հաստատել բուժող բժշկի կամ մոտակա բուժհաստատության հետ...

Մեզի քանակի փոփոխությունները. armeniamedicalcenter.am
Մեզի քանակի փոփոխությունները. armeniamedicalcenter.am

Մեզը կենսաբանական հեղուկ է, որը արտացոլում է օրգանիզմի վիճակը, իսկ նրա ցուցանիշները կարող են վկայել տարբեր օրգան-համակարգերի հիվանդությունների մասին...

Ախտորոշում
Մեզը հիվանդությունների ախտորոշման ցուցիչ. armeniamedicalcenter.am
Մեզը հիվանդությունների ախտորոշման ցուցիչ. armeniamedicalcenter.am

Մեզի գույնը

Առողջ մարդու մեզը բաց դեղին գույն ունի: Շատ հեղուկներ օգտագործելու դեպքում գույնը բացվում է...

Ախտորոշում
Նեֆրոպտոզ. երիկամի իջեցում. armeniamedicalcenter.am
Նեֆրոպտոզ. երիկամի իջեցում. armeniamedicalcenter.am

Նեֆրոպտոզը  (շարժուն երիկամ) ախտաբանություն է, որի ժամանակ երիկամի իջեցումը 5 սմ-ից ավելի է: Հաճախ երիկամի դիրքի այդպիսի փոփոխությունը լինում է կանգնելիս: Ժողովրդի մոտ այդ վիճակն անվանում են...

Հեմոդիալիզ և պերիտոնեալ դիալիզ. հարցազրույց բաժանմունքի վարիչ Ռաֆայել Բաղդասարյանի հետ. armeniamedicalcenter.am
Հեմոդիալիզ և պերիտոնեալ դիալիզ. հարցազրույց բաժանմունքի վարիչ Ռաֆայել Բաղդասարյանի հետ. armeniamedicalcenter.am

Ի՞նչ է դիալիզը:

Դիալիզը երիկամփոխարինող բուժական մեթոդ է, որի հիմքում կիսաթափանցիկ թաղանթի միջոցով արյան մեջ կուտակված...

Հիպերակտիվ միզապարկ. armeniamedicalcenter.am
Հիպերակտիվ միզապարկ. armeniamedicalcenter.am

Հիվանդությունը բնորոշվում է միզարձակության վերահսկողության կորստով, և կարող է արտահայտվել հաճախամիզությամբ կամ անմիզապահությամբ...

Երիկամն ու էմոցիաները. urolog.am
Երիկամն ու էմոցիաները. urolog.am

Ավանդական չինական բժշկության հիմնական փիլիսոփայությունն այն է, որ մարդու էներգետիկ համակարգն ազդում է մարմնի, մտքի, հույզերի և հոգու առողջության վրա։ Իսկ այդ ներքին էներգիայի հավասարակշռությունն ապահովում է...

Ի՞նչ է մեղրամսի ցիստիտը (What is honeymoon cystitis). urolog.am
Ի՞նչ է մեղրամսի ցիստիտը (What is honeymoon cystitis). urolog.am

Մեղրամսի ցիստիտը վերաբերում է միզապարկի այն բորբոքումներին, որոնք տեղի են ունենում կամ կրկնվում են սեռական հարաբերությունից հետո: Ցիստիտի այս տեսակը, սովորաբար, ի հայտ է գալիս կնոջ առաջին սեռական...

ԿԻՆ: Հիվանդություններ
Երիկամների առողջությունը. armeniamedicalcenter.am
Երիկամների առողջությունը. armeniamedicalcenter.am

Երիկմաները զույգ օրգաններ են, որոնց կարևոր ֆունկցիան արյան մաքրումն է և օրգանիզմից նյութափոխանակության արգասիքները հեռացնելը: Փաստորեն, երիկամներն օրգանիզմի համար ծառայում են որպես ֆիլտր...

Երիկամներում քարի առկայության առաջին նշանները. armeniamedicalcenter.am
Երիկամներում քարի առկայության առաջին նշանները. armeniamedicalcenter.am

Երիկամային ցավը հաճախ ի հայտ է գալիս այնտեղ քարերի առկայության ժամանակ, ավելի ճիշտ, տհաճ զգացողություններն սկսվում են, երբ քարն արդեն հայտնվում է միզածորանում: Հիվանդության սկիզբն անցնում է աննկատ: Ինչպե՞ս հասկանալ...

Ինչի՞ մասին է վկայում մեզի գույնը. urolog.am
Ինչի՞ մասին է վկայում մեզի գույնը. urolog.am

Արդյո՞ք ուշադրություն եք դարձնում մեզի գույնին, երբ այն ձեռք է բերում անսովոր երանգ։ Թափանցիկ մեզը կարող է նշանակել, որ չափազանց շատ եք սուրճ խմում, մինչդեռ կարմիր գույնը կարող է լուրջ հիվանդությունների ազդակ լինել...

Ախտորոշում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ