Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջ երեխա

Անհաս երեխաներ. հարցազրույց Զիբա Մարգարյանի հետ. arabkirjmc.am

Անհաս երեխաներ. հարցազրույց Զիբա Մարգարյանի հետ. arabkirjmc.am

Անհաս երեխաներին վերաբերող հաճախ տրվող հարցերին պատասխանում է Արաբկիր բժշկական համալիրի մինչև 1 տարեկան երեխաների բաժանմունքի վարիչ Զիբա Գեորգիի  Մարգարյանը:

–   Ո՞ր դեպքերում է երեխայի վիճակը գնահատվում որպես անհասություն:

–   Անհաս երեխաները հղիության ժամկետից շուտ ծնված և ֆունկցիոնալ առումով ոչ հասուն երեխաներն են:
Առողջապահության համաշխարհային կազմակերպության (ԱՀԿ) տվյալներով` անհաս երեխաները կազմում են նորածինների ընդհանուր թվի  5-10 տոկոսը:

–   Ինչպե՞ս է գնահատվում անհասության աստիճանը:

–   Հղիության ժամկետի, մարմնի քաշի, հասակի տվյալների համաձայն տարբերակում են անհասության 4 աստիճան: Առաջին աստիճանի անհասությունը 36-37 շաբաթական հղիության ժամկետում ծնված երեխաներն են, քաշը` մինչև 2500գ, երկրորդ աստիճանը՝ 32-35 շաբաթական, քաշը՝ 2001-1500գ, երրորդ աստիճանը՝ 31-28 շաբաթական, քաշը՝ 1500- 1001գ, չորրորդ աստիճանը՝ 28 շաբաթականից ցածր, քաշը` 1000 գրամից պակաս:

Եթե 28 շաբաթականից վաղ ծնված, 1000գ քաշով և 35 սմ-ից պակաս հասակով երեխաները ծնվում են կենդանի և ապրում 7 օր և ավելի, նրանք նույնպես համարվում են անհաս երեխաներ, իսկ մահացած ծնվելու դեպքում համարվում է ուշ վիժում: ԱՀԿ տվյալներով, երեխան կենսունակ է համարվում, եթե ծնվել է հղիության 22 շաբաթից ավելի ժամկետում, մարմնի քաշը՝ սկսած 500 գրամից:

–   Որո՞նք են անհասության պատճառները:

–   Անհասության պատճառները բաժանվում են 4 խմբի. առաջին խմբում սոցիալ-կենսաբանական գործոններն են՝ մոր տարիքը( 18-ից ցածր և 40-ից բարձր), վնասակար սովորությունները, վնասակար աշխատանքային պայմանները, անբավարար սնունդը և այլն:

Պատճառների երկրորդ խմբում են մանկաբարձա-գինեկոլոգիական բարդացած անամնեզը, բազմապտղությունը, էնդոմետրիոզը, ֆիբրոման, հղիության արհեստական ընդհատումները և այլն:

Երրորդ խմբում մոր էքստրագենիտալ հիվանդություններն են՝ դիաբետը, նեֆրոպաթիան, բարձր ճնշումը, սրտի արատները և այլն:

Չորրորդ խումբը ներառում է անմիջապես պտղի ախտաբանությունները՝ քրոմոսոմային, գենետիկ հիվանդություններ և տարբեր ներարգանդային վարակներ:

–   Որո՞նք են անհասության նշանները:

–   Անհաս երեխաներին կարելի է տարբերել արտաքին տեսքով՝ մաշկը շատ բարակ է, ենթամաշկային շերտը վատ զարգացած, արտահայտված է   մազածածկույթը, մարմնի համեմատ գլուխն ավելի մեծ է, ականջները դեֆորմացված են, սեռական օրգանները` թերզարգացած:

Անհաս երեխաների մոտ բոլոր օրգան-համակարգերը դեռևս լիովին զարգացած չեն: Այդ պատճառով այս երեխաները հաճախ հիվանդանալու հակում ունեն՝ սեպսիս, սեպտիկոպիեմիա, օստեոմիելիտ, կանգային թոքաբորբ, մենինգիտ, բիլիռուբինային էնցեֆալոպաթիա: Կարող են լինել այտուցներ, ջրազրկում և այլն:

–   Որո՞նք են հիվանդանոցից դուրս գրվելու ցուցումները:

Ծննդատնից անհաս երեխայի դուրս գրման պայմանները չորսն են. առաջինը՝ դուրս գրվելիս մարմնի քաշը պետք է լինի 2300 գրամից ոչ պակաս, առկա լինեն ծծելու և կլման ռեֆլեքսները, մարմնի ջերմաստիճանը լինի կայուն և ունենա կանոնավոր շնչառություն:

–   Որո՞նք են անհասության ռիսկերը և ինչպե՞ս են արտահայտվում:

–   Անհասության ժամանակ կարող են լինել ռետինոպաթիա, կոնքազդրային հոդերի դիսպլազիա, գլխուղեղի արյունազեղումներ և այլն:

Մահացության ցուցանիշը բարձր է՝ 40-70 տոկոս: Դա կախված է անհասության աստիճանից, ձգձգված մանկաբարձական անամնեզից, մոր  տարիքից, գենետիկ հիվանդություններից:

–   Ինչպե՞ս է դրսևորվում  ռետինոպաթիան անհասների մոտ:

–   Շատ խորը անհասության ժամանակ, եթե երեխան ծնվում է հղիության 30-րդ շաբաթում, ռետինոպաթիան մեծ վտանգ է ներկայացնում, այդ երեխաները կարող են կորցնել տեսողությունը:  Խորը անհասությամբ երեխաներին մինչև 1 տարեկանը պետք է զննեն և հսկեն ակնաբանն ու սուրդոլոգը, որովհետև նրանք հակված են ռետինոպաթիայի և վատ լսողության:

–   Ինչպե՞ս խուսափել բարդությունների հետագա զարգացումից:

–   Անհաս երեխաներին 7 օրականից տրվում է երկաթի կանխարգելիչ դոզա. 2 մգ.` 1 կգ. քաշին, մեկ օրվա ընթացքում: Պետք է ճիշտ կազմակերպել երեխայի սնուցումը, խնամքը և մասնագետների կողմից հսկողությունը:

–   Ինչպե՞ս կազմակերպել անհաս երեխայի սնուցումը:

–   Անհաս երեխաները հիվանդանոցային պայմաններում և տանը պետք է ստանան կրծքի կաթ կամ արհեստական կաթնային խառնուրդներ:

Կաթնային խառնուրդներից առավել ընդունելի են Պրենան, Նուտրիլակ, Ֆրիզոպրեն խառնուրդները:

Եթե երեխայի ծծելու ռեֆլեքսը պահպանված է և նրա քաշը 1800 գրամից, ավելի է, ապա փորձում են  կերակել կրծքով: Ավելի պակաս քաշի դեպքում երեխային սկզբնական փուլում կերակրում են զոնդի օգնությամբ:

Կերակրման հաճախականությունը օրը 7-8 անգամ է, խորն անհասության դեպքում` մինչև 10 անգամ, 2-2,5 ժամը մեկ անգամ:

Հիվանդանոցային պայմաններում երեխային սկսում են կերակրել 5 մլ-ից` աստիճանաբար ավելացնելով ծավալը:

–   Ի՞նչպես է իրականացվում անհաս երեխայի խնամքը:

–   Երեխայի խնամքի համար, նախ, պետք է ապահովել սենյակային որոշակի ջերմաստիճան` 25°C: Անհաս երեխային պետք է լողացնել սկսած ջրի 37-38°C-ից` 2 ամսականում իջեցնելով այն մինչև 36-37°C: Լոգանքի տևողությունը պետք է լինի 5-7 րոպեից ոչ ավելի: Լողացնելուց հետո երեխային փաթաթելու համար նախատեսված բարուրաշորերը պետք է նախապես տաքացնել:

Զբոսանքները պետք է սկսել 2-րդ շաբաթից, եթե օդի ջերմաստիճանը +10°C է, օրական ավելացնելով 10-15 րոպե:

Տանը պետք է շարունակել երեխայի աչքերի, մաշկի, պորտի մշակումը: Երեխայի դիրքը հարկ է փոխել յուրաքանչյուր ժամը, որպեսզի կանգային երևույթներ չզարգանան:

–   Որքա՞ն  երկար և ինչպե՞ս կազմակերպել անհաս երեխայի հսկողությունը մանկաբույժի և այլ մասնագետների կողմից:

–   Երեխան պետք է հսկվի առաջին ամսվա ընթացքում 2 անգամ, այնուհետև, մինչև 1 տարեկանը՝ ամիսը մեկ անգամ: Առաջին ամսվա ընթացքում երեխան պետք է զննվի ակնաբանի, սուրդոլոգի, օրթոպեդի, նյարդաբանի կողմից: ցանկալի է իրականացնել կոնքազդրային հոդերի ՈՒՁՀ և նեյրոսոնոգրաֆիա:

–   Կա՞ն զարգացման առանձնահատկություններ:

–   Անհաս երեխաները մի փոքր հետ են մնում մյուս երեխաներից և իրենց հասակակիցներին հասնում են մոտավորապես 2-3 տարեկան հասակում, երբեմն ավելի ուշ՝ 5-6 տարեկանում:

–   Ի՞նչ պլանով են իրականացվում անհաս երեխաների պատվաստումները:

–   Եթե երեխայի քաշը 2000 գ.-ից ցածր է, դա հակացուցում է BCG պատվաստման համար:

Սովորաբար, նրանց մոտ պատվաստումներն սկսում են 2 ամսականից: Կենտրոնական նյարդային համակարգի որևէ պերինատալ ախտահարման դեպքում BCG պատվաստումը հետաձգվում է մինչև 6 ամսական: Բոլոր անհասներին ծնվելուց հետո առաջին 12 ժամվա ընթացքում պետք է պատվաստել հեպատիտ B-ի դեմ, մյուս պատվաստումներն` ըստ գործող սխեմայի: Եթե երեխայի ֆիզիկական զարգացումը հետ է մնում, թույլ է, AKDS վակցինայի փոխարեն կատարվում է ADS:

Սկզբնաղբյուր. arabkirjmc.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

ՄՌՏ մանկական ծառայությունը «Արմենիա» ՀԲԿ-ում․ հարցազրույց ռադիոլոգ Թերեզա Հովհաննիսյանի հետ. armeniamedicalcenter.am
ՄՌՏ մանկական ծառայությունը «Արմենիա» ՀԲԿ-ում․ հարցազրույց ռադիոլոգ Թերեզա Հովհաննիսյանի հետ. armeniamedicalcenter.am

Որքա՞ն ժամանակ է, ինչ «Արմենիա» ՀԲԿ-ում գործում է ՄՌՏ մանկական ծառայությունը։

Մանկական ՄՌՏ-ծառայությունը “Արմենիա” ՀԲԿ-ում սկսել է գործել 2023 թվականի...

Ախտորոշում
Ինչպիսի՞ն պետք է լինի նորածնի կղանքը. morevmankan.am
Ինչպիսի՞ն պետք է լինի նորածնի կղանքը. morevmankan.am

Ներարգանդային կյանքում փոքրիկն իրեն անհրաժեշտ նյութերը ստանում է պորտալարի միջոցով: Նրա մարսողական համակարգը չի գործում, սակայն ստամոսքը դատարկ չէ...

Երեխայի համար վտանգավոր խաղալիքները. morevmankan.am
Երեխայի համար վտանգավոր խաղալիքները. morevmankan.am

Բոլորը սիրում են երեխային ուրախացնել տարբեր խաղալիքներով, սակայն բոլոր խաղալիքները չեն այնքան անվնաս, որքան թվում են...

Բնածին հիպոթիրեոզի և ֆենիլկետոնուրիայի սքրինինգային հետազոտություններ․ նեոնատոլոգ Աիդա Դանիելյան. morevmankan.am
Բնածին հիպոթիրեոզի և ֆենիլկետոնուրիայի սքրինինգային հետազոտություններ․ նեոնատոլոգ Աիդա Դանիելյան. morevmankan.am

Ե՞րբ , ի՞նչ նպատակով են կատարվում բնածին հիպոթիրեոզի, ֆենիլկետոնուրիայի սքրինինգային հետազոտությունները...

Բժշկի ընդունարանում
Կոնքազդրային հոդի սքրինինգ. նեոնատոլոգ Մարինա Զարգարյան. morevmankan.am
Կոնքազդրային հոդի սքրինինգ. նեոնատոլոգ Մարինա Զարգարյան. morevmankan.am

Ի՞նչ է կոնքազդրային հոդի սքրինինգը


Մոր և մանկան առողջության պահպանման գիտահետազոտական կենտրոնում 2009 թ-ից սկսած կատարվում է...

Բժշկի ընդունարանում
Բիոպսիան գինեկոլոգիայում․ մանկաբարձ-գինեկոլոգ Կարեն Հակոբյան. morevmankan.am
Բիոպսիան գինեկոլոգիայում․ մանկաբարձ-գինեկոլոգ Կարեն Հակոբյան. morevmankan.am

Ո՞ր դեպքերում է կատարվում բիոպսիա գինեկոլոգիայում։


Գինեկոլոգիայում բիոպսիան իրականացվում է գինեկոլոգիական տարբեր խնդիրների ախտորոշման...

Պերինատոլոգիա, մանկաբարձություն և ուրո-գինեկոլոգիա
ՀՀ ԱՆ. Մասնագետի խորհուրդ (մանկական գինեկոլոգ)
ՀՀ ԱՆ. Մասնագետի խորհուրդ (մանկական գինեկոլոգ)

Ե՞րբ դիմել մանկական գինեկոլոգի...

ԵՊԲՀ. Որ տարիքում ինչ մարզական խմբակ կարելի է տանել երեխային, ինչ ազդեցություն ունի սպորտն առողջության վրա. խորհուրդներ մասնագետից
ԵՊԲՀ. Որ տարիքում ինչ մարզական խմբակ կարելի է տանել երեխային, ինչ ազդեցություն ունի սպորտն առողջության վրա. խորհուրդներ մասնագետից

Առողջապահության համաշխարհային կազմակերպության տվյալներով՝ 1-5 տարեկան երեխաներին խորհուրդ է տրվում օրական 180 րոպե գտնվել ֆիզիկական տարբեր ակտիվության մեջ...

ԵՊԲՀ. Նորածինների խնամքին վերաբերող խորհուրդներ փորձառու մանկաբույժ Աննա Բալյանի կողմից
ԵՊԲՀ. Նորածինների խնամքին վերաբերող խորհուրդներ փորձառու մանկաբույժ Աննա Բալյանի կողմից

«Հերացի» թիվ 1 հիվանդանոցային համալիրի ամբուլատոր գծով գլխավոր բժշկի տեղակալ, փորձառու մանկաբույժ Աննա Բալյանը նորաթուխ ծնողներին է ներկայացնում կարևոր խորհուրդներ նորածին երեխաների առողջության և ապահովության համար...

Անհասություն. հարցազրույց նեոնատոլոգ Մարինա Զարգարյանի հետ. morevmankan.am
Անհասություն. հարցազրույց նեոնատոլոգ Մարինա Զարգարյանի հետ. morevmankan.am

Մինչև 37 շաբաթական հղիությունը ծնված բոլոր երեխաները համարվում են անհաս նորածիններ: Նորածինների 5,5-7,5 տոկոսը ծնվում է անհաս...

Հղիություն, ծննդաբերություն
Վիտամին Դ-ի նշանակումը նորածնային շրջանում. հարցազրույց նեոնատոլոգ Թամարա Մարդանյանի հետ. morevmankan.am
Վիտամին Դ-ի նշանակումը նորածնային շրջանում. հարցազրույց նեոնատոլոգ Թամարա Մարդանյանի հետ. morevmankan.am

Խոսենք օրգանիզմի համար վիտամին Դ-ի նշանակության մասին:

Վիտամին Դ-ն օրգանիզմի համար ունի մի շարք կարևոր գործառույթներ` ներարգանդային կյանքում նպաստում է...

Նորածնի խնամքը. հարցազրույց նեոնատոլոգ Թամարա Մարդանյանի հետ
Նորածնի խնամքը. հարցազրույց նեոնատոլոգ Թամարա Մարդանյանի հետ

Ի՞նչ դեր ունի լոգանքը նորածնային շրջանում:

Ծննդատանը, ծնվելուց անմիջապես հետո, երեխային խորհուրդ չի տրվում լողացնել, նույնիսկ մաշկի շատ աղտոտված...

Նախապատրաստում ենք մանկասենյակը. հարցազրույց նեոնատոլոգ Աիդա Դանիելյանի հետ. morevmankan.am
Նախապատրաստում ենք մանկասենյակը. հարցազրույց նեոնատոլոգ Աիդա Դանիելյանի հետ. morevmankan.am

Ո՞րն է նախընտրելի՝ ծնողների ննջարանում մանկական անկյո՞ւն, թե՞ առանձին մանկասենյակ:

Այս հարցը խիստ անհատական է, կախված է ընտանիքում առկա մոտեցումներից և ցանկություններից...

Կաթնախտը նորածինների մոտ. հարցազրույց նեոնատոլոգ Աիդա Դանիելյանի հետ. morevmankan.am
Կաթնախտը նորածինների մոտ. հարցազրույց նեոնատոլոգ Աիդա Դանիելյանի հետ. morevmankan.am

Ի՞նչ է իրենից ներկայացնում կաթնախտը:


Կաթնախտը սնկային վարակ է, որն առաջանում է «Կանդիդա Ալբիկանս» սնկի գերաճի և տարածման արդյունքում...

Աուտիզմը՝ որպես զարգացման ընդհանուր խանգարում. Սալուտեմ ամսագիր №3
Աուտիզմը՝ որպես զարգացման ընդհանուր խանգարում. Սալուտեմ ամսագիր №3

Հոգեբանական զարգացման ընդհանուր խանգարումները բնորոշվում են սոցիալական փոխհարաբերություններում և հաղորդակցման ոլորտում որակական շեղումներով, ինչպես նաև հետաքրքրությունների...

Հոգեկան առողջություն Սալուտեմ 3.2021

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ