Բաղադրությունը

Շաքար` 23-25%, պիգմենտներ, բազմաթիվ վիտամիններ, պրոտեիններ, մեծ քանակությամբ կալցիում, բազմաթիվ քիմիական էլեմենտներ, օրգանական միացություններ:

Կիրառությունը

Միզամուղ է, փորկապությունը վերացնող, հակաբորբոքային հատկություն ունի: Հյութն իջեցնում է արյան բարձր ճնշումը, բուժում մրսածությունը (մեղրի հետ խառնած վիճակում), օգնում է քաղցկեղի դեպքում: Արտաքին խոցերի ու վերքերի դեպքում ոչ միայն կարելի է ճակնդեղի հյութը խմել, այլև քսել վերքերին:

Ուոքերի տվյալներով սակավարյունությունը բուժելու համար բազուկի թարմ հյութն ամենաարժեքավորն է: Պետք է այն կիսով չափ խառնել գազարի հյութի հետ և օրական խմել 3-4 բաժակ:

Եթե օգտագործում ենք ճակնդեղը մեղրի հետ, ապա կարելի է հետևյալ կերպ վարվել` թարմ հյութին ավելացրեք նույնքան մեղր և խմեք սուրճի բաժակով օրական 4-6 անգամ:

Ամիրդովլաթը նշում Է, որ նրա եփուկով հոգնա կատարելը կօգնի գոտկատեղի ցավերին: Տերևները ծեծում և դնում են ուռուցքին, իսկ գլխին դնելուց ոչնչանում են ոջիլները, ամրանում են մազերը: Ճակնդեղը` սննդի մեջ օգտագործելիս, մեծացնում է սեռական կարողությունը:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com