Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Նյարդաբանություն

Ցերեբրովասկուլյար նյարդավիրաբուժություն. զարգացման նախապատվությունները

Ցերեբրովասկուլյար նյարդավիրաբուժություն. զարգացման նախապատվությունները

Վերջին տարվա ընթացքում «Էրեբունի» բժշկական կենտրոնում ինտենսիվ աշխատանքներ են իրականացվում կաթվածների բուժման մասնագիտացված կենտրոնի զարգացման ուղղությամբ: Աշխատանքներն իրականացվում են հիմնականում Կանադայի և ԱՄՆ-ի տվյալ ոլորտի մասնագետների անմիջական մասնակցությամբ կամ աջակցությամբ: Ներկայում, ինչպես ամբողջ աշխարհում, «Էրեբունի» բժշկական կենտրոնում նույնպես ինտենսիվորեն զարգանում է ներանոթային նյարդավիրաբուժությունը և կարևորվում նրա դերը գլխուղեղի կաթվածների բուժման ու կանխարգելման գործընթացում:

«Էրեբունի» ԲԿ-ում ավելի քան մեկ տարի է հաջողությամբ իրականացվում են ներանոթային նյարդավիրաբուժական միջամտություններ: Անհրաժեշտ է նշել, որ բժշկության տվյալ բնագավառը համեմատաբար երիտասարդ է. սկսել է զարգանալ վերջին 10-15 տարիների ընթացքում:

 

Ցերեբրովասկուլյար նյարդավիրաբուժություն. զարգացման նախապատվությունները2015 թ. հունիսի սկզբին «Էրեբունի» ԲԿ-ում ստեղծվեց Ցերեբրովասկուլյար նյարդավիրաբուժության ծառայությունը՝ նյարդավիրաբույժ Դավիթ Սահակյանի ղեկավարությամբ: Հայաստանում տվյալ ծառայության զարգացման նպատակով՝ ԱՄՆ-ի և Կանադայի գործընկերների հետ համագործակցության շրջանականերում, իրականացվում են համատեղ խորհրդատվություններ և վիրահատություններ:
 
Հուլիսի սկզբին «Էրեբունի» բժշկական կենտրոնում Ցերեբրովասկուլյար նյարդավիրաբուժության ծառայության ղեկավար Դ. Սահակյանի և Atlanta Medical Center  և Grady Memorial Hospital (ք. Ատլանտա, ԱՄՆ) առաջատար մասնագետ բժիշկ Միքայել Գրիգորյանի կողմից իրականացվել են 6 համատեղ վիրահատություն, որոնցից երկուսը բնույթով եզակի են և առաջին անգամ իրականացվեցին «Էրեբունի» ԲԿ-ում: Դրանք են. «Ախտորոշիչ սպինալ անգիոգրաֆիան», ինչը բարձր ճշտությամբ միջամտական ախտորոշիչ գործողություն է, և «Քնային զարկերակի ստենտավորումը»՝ ներանոթային վիրաբուժական միջամտություն:

Վիրահատություններից մեկn իրականացվել էր 1958թ. ծնված հիվանդ Գ.Ա.-ին, ում մոտ ենթադրվել է ողնուղեղային զարկերակ-երակային մալֆորմացիա կամ խուղակ: Ողնաշարի տվյալ հատվածի ՄՌՏ հետազոտությամբ հայտնաբերվել են անոմալ անոթներ և, կլինիկական տվյալների հետ համադրելով, ենթադրվել է անոթային մալֆորմացիա: Ախտորոշիչ սպինալ անգիոգրաֆիան թույլ է տվել մանրամասն հետազոտել ողնուղեղը սնող անոթները և ճշտությամբ բացառել որևէ անոթային ախտաբանության առկայություն, ինչը հնարավոր չէր իրականացնել այլ ախտորոշիչ եղանակների օգնությամբ:
 
Ցերեբրովասկուլյար նյարդավիրաբուժություն. զարգացման նախապատվություններըՀատկապես հարկ է նշել քնային զարկերակի ստենտավորման վիրահատությունը: Պացիենտ Գ.Վ.՝ ծնված 1957թ., կլինիկա է ընդունվել գլխուղեղի աջ կիսագնդի սուր իշեմիկ կաթվածով: ՄՌ- և  ՀՏ-անգիոգրաֆիկ հետազոտություններով պացիենտի  ներքին քնային զարկերակի երկատման շրջանում հայտնաբերվել է կրիտիկական ստենոզ (99%): Տվյալ զարկերակի աթերոսկլերոտիկ նեղացումը բերել էր թրոմբի առաջացման և աջ միջին ուղեղային զարկերակի, այսպես կոչված, զարկերակ-զարկերակային էմբոլիզմի: Անհապաղ ձեռնարկված միջոցառումների շնորհիվ հնարավոր դարձավ զգալիորեն նվազեցնել գլխուղեղի ախտահարման և նյարդաբանական ախտանիշների արտահայտման աստիճանը: Ուղեղային անոթների հետագա ՀՏ-անգիոգրաֆիան հաստատեց միջին ուղեղային զարկերակի անցանելիության վերականգնումը:
Ցերեբրովասկուլյար նյարդավիրաբուժություն. զարգացման նախապատվությունները

 

Հետագա իշեմիկ գրոհների կանխարգելման նպատակով իրականացվեց աջ քնային զարկերակի ներանոթային անգիոպլաստիկա և ստենտավորում: Վիրահատությունն իրականցվեց տեղային անզգայացմամբ՝ մեկ ժամվա ընթացքում: Հաջորդ օրը հիվանդը ոտքի վրա էր և դուրս է գրվել վիրահատության 2-րդ օրը՝ բավարար վիճակում:

Քնային (կարոտիդային) զարկերակների ստենտավորումը վերջիններիս աթերոսկլերոտիկ ախտահարման և ստենոզի կապակցությամբ իրականցվող կարոտիդային բաց էնդարտերէկտոմիայի հիանալի այլընտրանք է: Մեթոդի առավելությունը ընդհանուր անզգայացման, հյուսվածքների և անոթի պատերի կտրվածքի անհրաժեշտության բացակայությունն է, հետևաբար, նաև՝ հյուսվածքների քիչ վնասումը, հետվիրահատական արագ վերականգնումը (հիվանդը կարող է դուրս գրվել վիրահատության երկրորդ օրը);

Վերջին հետազոտությունները ցույց են տվել , որ քնային զարկերակների ստենտավորումն իր արդյունավետությամբ չի զիջում առավել տրավմատիկ կարոտիդային էնդարտերէկտոմիային:

«Էրեբունի» ԲԿ ղեկավարությունը, ինչպես նաև Ցերեբրովասկուլյար նյարդավիրաբուժության ծառայությունն իրենց երախտագիտությունն են հայտնում բժիշկ Միքայել Գրիգորյանին Հայաստանում, մասնավորապես, մեր կլինիկայում, ներանոթային նյարդավիրաբուժության զարգացման մեջ ունեցած ներդրման և ցուցաբերված աջակցության համար:


Ցերեբրովասկուլյար նյարդավիրաբուժություն. զարգացման նախապատվությունները
Բժիշկ Գրիգորյանն, իր հերթին, իր երախտապարտությունն է հայտնել Հայաստանում կաթվածների մասնագիտացված բուժման ոլորտի զարգացման համար «Էրեբունի» ԲԿ ղեկավարության կողմից ստեղծված պայմանների համար:

 

 

-------------------- 

 

Սկզբնաղբյուր. erebouni.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Էլեկտրոնեյրոմիոգրաֆիա ԷՆՄԳ. nairimed.com
Էլեկտրոնեյրոմիոգրաֆիա ԷՆՄԳ. nairimed.com

Էլեկտրոնեյրոմիոգրաֆիան (ENMG) նյարդերի, նյարդամկանային հաղորդականոսւթյան և մկանների լիարժեք ֆունկցիանալ աշխատանքի ուսումնասիրման մեթոդ է, որը լայնորեն կիրառվում է...

Ախտորոշում
Գլխի ՄՌՏ հետազոտություն. հարցազրույց ռադիոլոգ Մերի Սուքիասյանի հետ. armeniamedicalcenter.am
Գլխի ՄՌՏ հետազոտություն. հարցազրույց ռադիոլոգ Մերի Սուքիասյանի հետ. armeniamedicalcenter.am

Գլխի ո՞ր հիվանդությունների դեպքում է իրականացվում ՄՌՏ։

ՄՌՏ իրականացվում է գլխի ցանկացած փոփոխությունների դեպքում, եթե այն ոչ ոսկրային բնույթի է...

Ախտորոշում
Գլխուղեղի ցնցում․ նյարդավիրաբույժ Մարինա Խաչատրյան. armeniamedicalcenter.am
Գլխուղեղի ցնցում․ նյարդավիրաբույժ Մարինա Խաչատրյան. armeniamedicalcenter.am

Գլխուղեղի ցնցումը գանգուղեղային վնասվածքի ամենաթեթև ձևն է։ Այն առաջանում է գլխի վնասվածքի ժամանակ։ Վնասվածքից անմիջապես հետո հիվանդը կարճատև կորցնում է գիտակցությունը, այնուհետև առաջանում են...

Էլեկտրոնեյրոմիոգրաֆիա. nairimed.com
Էլեկտրոնեյրոմիոգրաֆիա. nairimed.com

Եթե առկա են մկանների ոչ կամային կծկումներ, վերին և ստորին վերջույթների թուլություն, թմրածություն, մկանային հոգնածություն, մկանային զանգվածի նվազում և վերջույթների հետ կապված այլ գանգատներ...

Ախտորոշում
Իշիաս (նստանյարդի բորբոքում). armeniamedicalcenter.am
Իշիաս (նստանյարդի բորբոքում). armeniamedicalcenter.am

Գոտկատեղում և ոտքերում հիվանդագին զգացողությունների պատճառ է նյարդային վերջույթների ճնշումը: Ճնշումը չի ախտահարում նստաներվը, սակայն կարող է լուրջ բարդություններ առաջացնել...

Նևրինոմա. armeniamedicalcenter.am
Նևրինոմա. armeniamedicalcenter.am

Նևրինոման բարորակ ուռուցք է, որը զարգանում է նյարդային հյուսվածքից: Տեղակայումից և չափերից կախված` այն առաջացնում է տարբեր ախտանշաններ: Կարող է լինել գլխում, ողնաշարում...

Մկանային սպազմ. armeniamedicalcenter.am
Մկանային սպազմ. armeniamedicalcenter.am

Մկանային սպազմը (մկանային ցնցում) մկանների լարվածության արդյունքում նրանց կծկումն է: Սպազմն ակամա է, կարող է լինել օրվա տարբեր ժամերին, ընդունակ է որոշ ժամանակ անշարժացնել մարդուն...

Վնասվածքաբանություն և օրթոպեդիա
Միասթենիա. armeniamedicalcenter.am
Միասթենիա. armeniamedicalcenter.am

Միասթենիան նյարդաբանական հիվանդություն է, որի ժամանակ դիտվում է մկանային թուլություն, որն առավել արտահայտվում է երեկոյան: Ախտահարվում են մկանային տարբեր խմբեր՝ վերջույթների, իրանի, աչքերի, կոկորդի...

Ինչպես խուսափել կաթվածից. erebunimed.com
Ինչպես խուսափել կաթվածից. erebunimed.com

Ինչպես խուսափել կաթվածից. ամեն ինչ սկսվում է կանխարգելումից: Հայաստանում տարեկան 20 000 մարդ կաթված է ունենում: Ամեն տարի 7000 մարդու կաթվածն ախտորոշվում է առաջին անգամ...

Ողնաշար-ողնուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am
Ողնաշար-ողնուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am

Ողնաշար-ողնուղեղային վնասվածքների տեսակները։

Ողնաշար-ողնուղեղային վնասվածքները կարելի է բաժանել երկու խմբի...

Վիրաբուժություն
Վերտեբրոպլաստիկա. նյարդավիրաբույժ Աղասի Կոչկանյան. armeniamedicalcenter.am
Վերտեբրոպլաստիկա. նյարդավիրաբույժ Աղասի Կոչկանյան. armeniamedicalcenter.am

Ինչպե՞ս կբնորոշեք վերտեբրոպլաստիկան


Վերտեբրոպլաստիկան տարբեր ախտաբանական գործընթացների հետևանքով փոփոխված ողի...

Վիրաբուժություն
Ողնաշարի ուռուցքներ․ նյարդավիրաբույժ Մարինա Խաչատրյան. armeniamedicalcenter.am
Ողնաշարի ուռուցքներ․ նյարդավիրաբույժ Մարինա Խաչատրյան. armeniamedicalcenter.am

Ողնաշարի ուռուցքների առանձնահատկությունները


Ողնաշարի ուռուցքները լինում են բարորակ և չարորակ: Կարող են հայտնաբերվել ողնաշարի ցանկացած հատվածում...

Ուռուցքաբանություն
Ինչպես կանխարգելել կաթվածը. erebunimed.com
Ինչպես կանխարգելել կաթվածը. erebunimed.com

Ինչպես նվազեցնել գլխուղեղի կաթվածի՝ ինսուլտի ռիսկը. խորհուրդ է տալիս «Էրեբունի» ԲԿ կաթվածի կենտրոնի նյարդաբան Լինա Զուբալովան...

Բժշկի ընդունարանում
Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am
Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am

Գանգուղեղային վնասվածքների /ԳՈՒՎ/ պատճառները և դասակարգումը

Գանգուղեղային վնասվածքները կարող են առաջանալ տարբեր պատճառներով՝ ավտոպատահարների...

Վիրաբուժություն Բժշկի ընդունարանում
Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am
Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am

Միջողային սկավառակների ճողվածքներ. Նյարդավիրաբուժական բաժանմունքի վարիչ Ծերունի Հովհաննիսյան

Ինչպե՞ս կբնորոշեք միջողային սկավառակի ճողվածքը...

Վիրաբուժություն Բժշկի ընդունարանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ